Skip to Content

Podes atoparnos en...

            

Actividades

Nadal 2020: brinquedos e contos para o Centro de Día

Cada ano por estas datas, pero nesta ocasión con máis motivo, faise evidente a necesidade de pasar tempo de calidade en familia. De todos cantos regalos nos poidamos facer uns a outros, ningún significa tanto como o tempo compartido escoitándonos, mirándonos ós ollos, conversando, empatizando.
Traballando estes valores, o noso instituto leva uns anos colaborando co Centro de Maiores de Boiro. Xusto antes das vacacións, unha delegación de rapaces a rapazas soían ir ó centro e botan un ratiño barullando, xogando e ata cantando coa nosa xente maior. Sempre lles fixemos algún agasallo, pero sempre trouxemos máis do que levamos: agarimo, sabiduría, raíz.
Neste curso non foi posible realizar a visita, pero negámonos a non adicarlles ese tempo. Para isto, os equipos STARgal e Biblioteca coordinaron un grupo de rapaces que prepararon un conto e montaron uns xoguetes de madeira (brinquedos), e fixemos dúas peciñas audiovisuais que lles imos mandar para que nos escoiten cerca, mesmo na distancia.

 

HORA DE LER

Comprácenos comunicarvos que o próximo luns 19 de outubro a 1º hora imos comezar coa Hora de Ler, unha das iniciativas que recollemos no PLAMBE.

A Hora de Ler consiste nunha hora de lectura totalmente libre (o alumnado lerá o libro e xénero que queira), sen pedirlle ningún tipo de actividade sobre a mesma. Para o alumnado que esqueza traer o seu libro da casa, o profesorado pode procionarlle lecturas (libros, artigos, revistas...) ou mandarlle escribir un relato seguindo unhas indicacións que daremos cada semana.

Cada semana a Hora de Ler cadrará nunha hora de clase diferente, empezamos o vindeiro luns a primeira hora, para a semana seguinte será o luns a segunda hora, para o próximo o luns a terceira e así sucesivamente ata final de curso(consulta o horario).

Se tes algunha dúbida, consulta a Guía da Hora de Ler.

Non esquezades traer os vosos libros, e se queredes probar novas lecturas,  pasádevos pola biblioteca.Guiño

Día do libro

O 23 de abril, en medio do confinamento, non quixemos esquecer unha data tan importante coma o Día do Libro e dos autores. O noso alumnado voluntario de Biblioteca elaborou con poucos recursos e moitas gañas uns videos para facer visibles aos nosos libros. Non teñen unha gran calidade técnica, pero amosan o esforzó e gañas de facer visible esta data para toda a comunidade educativa.

Alumnos de 2º ESO amosaron toda a súa creatividade a través da poesía cuns videos moi hixiénicos!!!

Así tamén, o alumnado de 1º da ESO fixeron unha tarefa de destacar aquelas citas e autores que máis lles gustaron.

 

Podedes atopalos aquí, aquí e aquí.

Vídeos alumnado

Neste enlace podedes atopar os vídeos feitos polos alumnos.

Visita ao Centro de Día de Boiro

No mes de decembro visitamos aos maiores do Centro de Día de Boiro para conversar con eles sobre o cambio climático. Esta actividade encádrase dentro do programa Erasmus+ Green New School.

Equipo de auxiliares de biblioteca

Coma noutros anos, tamén durante este curso contamos cun grupo de alumnas e alumnos voluntarios para axudar nas tarefas da biblioteca.

Durante os recreos, por parellas, estes voluntarios están na biblioteca para axudar a todos, profes e alumnos, a:

  • Manter a orde na biblioteca.
  • Actualizar os préstamos e devolucións no programa Meiga.
  • Dar de alta novos lectores no programa Meiga.
  • Buscar títulos, autores e libros nos estantes.
  • Tomar nota de todas as incidencias.
  • ... e moitas cousas máis!

Desde aquí xa lles queremos dar as GRAZAS Guiño!

 

Distribuir contido


by Dr. Radut