Skip to Content

Acceso a redes sociais

       

Última hora!

A Casiña dos Maios na 4ª #STEMDiscoveryWeek

O IESP A Cachada está participando en Bruxelas na 4ª #STEMDiscoveryWeek e estamos presentando o noso proxecto A Casiña dos Maios como boa práctica STEM.

 

 

Participamos na 1ª STEM Discovery Week

Dentro da nosa participación do Erasmus "Profesorado competente desde a perspectiva STEM" que o CAFI organiza, asistimos á 1ª STEM Discovery Week que organiza a European Schoolnet, organismo que congrega a todas as institucións europeas que traballan con estratexias STEM.

Nesta semana bota a andar un portal onde poden atoparse todos os centros educativos con STEM label, selo que o IESP A Cachada obtén a través da nosa participación no programa.

Se queredes ver os contidos que estamos a traballar, seguídenos no Blog Erasmus STEM.

Carballo Interplay 2019

O pasado venres 5 de abril o alumnado do obradoiro audiovisual CdA fomos a Carballo participar na programación do Festival de Contidos Dixitais CIP 2019. Coñocimos diferentes experiencias de Youtubers e escoitamos unha charla sobre mulleres desarrolladoras de videoxogos na historia. 

Sobre todo, gustáronnos un mazo as web series da tarde. Fotos da xornada

 

CIP 2019

Obradoiro de videopoesía

Hoxe estivo connosco a poeta Antía Otero impartindo un obradoiro de videopoesía. Como cada ano contamos coa súa presenza para achegarnos aos poemas dun xeito máis lúdico, artístico e sobre todo máis humano. E dicimos isto último porque a temática escollida desta volta é o respecto polos diversos tipos de amor; porque, tal e como manifestamos na entrada principal do noso centro, aquí "Todos os amores son benvidos". Este respecto polas diversas formas de amar foi o que nos levou a centrarnos no colectivo LGTBIQ.

Dende o departameto de Lingua Galega esperamos que deste obradoiro saian do armario moitos videopoemas que esperten conciencias; pero para isto teredes que esperar ata o Stargal, que como ben sabedes forma parte da celebración das nosas Letras Galegas. Así que ás/aos que paricipastes...ánimo e a crear!!

 

Canterville Ghost

O pasado 12 de marzo, o alumnado de 3º e 4º acudiu ver unha obra de teatro en inglés sobre a famosa obra de Oscar Wilde.

Aquí tedes varias fotos, preme na imaxe.

 

The Canterville Ghost

A muller na Ciencia

Na nosa intención de conmemorar a loita histórica por mellorar a vida da muller, o noso compañeiro Víctor Olmos impartiu dúas charlas que nos permitiron rencontrarnos con mulleres da ciencia non recoñecidas no seu momento histórico, simplemente por ser iso, MULLERES. Deixámosvos anexa a presentación que elaborou para o obradoiro.

Distribuir contido


by Dr. Radut