Ola, son Emma Vilarnovo e aquí vos deixo o vídeo do Día da Ciencia que festexamos no Pazo de Goiáns os alumnos do IESP A Cachada xunto cos do IES Espiñeira e IES Praia Xardín.
O alumnado voluntario do Club de Ciencia comenzamos este curso 22/23 sumando conciencias: recollendo residuos plásticos en praia Barraña e fomentando un cambio de hábitos sabendo que un obxecto de plástico que usamos uns minutos, tardan anos en degradarse. Para iso, colaboramos coa asociación limpOcean e os plásticos que acabábamos de recoller, transformámolos grazas a unha extrusora de plástico comprada polo Concello en macetas (que usaremos para o noso horto autóctono) e trompos.
Para clausurar o proxecto CdC+ Sustentabilidade decidimos conmemorar o Día Mundial do Medio Ambiente cunha exposición de fotos das actividades, resultados das investigacións, artigos de prensa, audiovisual, prototipos e maquetas. Todo o traballo está resumido nesta presentación, que engloba as 3 liñas de actuación:
Boihaus: estudo das nosas vivendas, prototipo urbanístico do Boiro do futuro e máquinas de movemento perpetuo para posibilitar as enerxías alternativas; Redes de abastecemento e saneamento de auga; A Casiña dos maios: bioconstrución e saúde, restauración e pintura da fachada.
Boiro é un organismo vivo: plantas invasoras, limpeza de lixo na praia, dioramas de ecosistemas; procura de novos antibióticos e microalgas; Ciencia cidadá: radon e micropláticos.
Divulgación: Paseo de Jane para reivindicar o espazo urbano e describir as investigacións elaboradas no curso; Mercado intercambio de segunda man (15 marzo); Charlas IFGAE e Hidróxeno verde; Genially de Wolframio no Barbanza.
Nos últimos días deste curso procedimos a restaurar desperfectos na Casiña, aplicando novas capas de adobe e cal. Ademais, organizado pola profe de Plástica María Magán, fíxose un deseño de pintura para os exteriores que foi levado a cabo polo alumnado de 3º.
Nas semanas anteriores traballamos na contorna plantando aloe veras, unha planta con noitas propiedades medicinais.