Todo o centro
CELEBRACIÓN ENTROIDO 2020-21
Este ano a celebración do Entroido ten que ser diferente polo momento que estamos vivindo, aínda así, imos levar a cabo as seguintes actividades: |
EDUCACIÓN PRIMARIA - Concurso de disfraces no que se premiará aquel distraz máis colorido, orixinal e que teña en conta a reciclaxe. |
EDUCACIÓN SECUNDARIA -Decoración e ambientación do centro con motivos relacionados co tema. - Proxección na pantalla do vestíbulo de vídeos e fotos. - Taller de coplas de Entroido co alumnado de 1º ESO organizado polo Departamento de Lingua Galega. Posteriormente expoñeranse nun mural. - Asistencia ao centro o día 12 disfrazados, sempre e cando se poida recoñecer ao/á alumno/a, dado que a actividade lectiva segue o ritmo habitual. |
DÍA DA NON-VIOLENCIA E A PAZ
O venres 30 de xaneiro conmemoraremos o día da NON-VIOLENCIA E A PAZ coas seguintes actividades:
|
DÍA DO PIXAMA EN EDUCACIÓN INFANTIL
O Día do pixama é unha iniciativa que xurde co obxectivo de dar visibilidade e sensibilizar sobre o dereito a crecer en familia dos máis de 21.000 nenos, nenas e adolescentes que actualmente viven en residencias no noso país. Dende a asociación Acougo (Asociación galega de familias acolledoras) puxéronse en contacto con nós para colaborar dando publicidade a esa iniciativa. Este ano o noso centro súmase e participa na Etapa de infantil. Así que xa sabedes, cativos e cativas de infantil, o venres 20 de novembro, todos a vir en pixama ao colexio!!! |
|
DÍA UNVIERSAL DOS DEREITOS DOS NENOS E DAS NENAS
Celebramos o día internacional do/a neno/a con distintas actividades nas que participa todo o alumnado, a través das titorías e do Departamento de Relixión, coordinados polo equipo de actividades extraescolares. No corredor exporase información sobre a orixe e os obxectivos de celebración dese día. Nas titorías, visionaranse curtas e vídeos arredor das dificultades de moitos nenos/as para acceder a unha educación en igualdade e á pantalla da entrada de secundaria, subirase o video titulado "Camino a la escuela". Agardamos que desfrutedes e que a aprendizaxe vos sirva para continuar coa vosa formación como persoas. O equipo de Actividades extraescolares. |
CODEX 21
A páxina Codex 21, que fai referencia ao Camiño de Santiago ao seu paso por Boqueixón, recolle a colaboración do alumnado de 3º da ESO do curso 2019/2020, co traballo titulado "Guía do peregrino" insertado no libro V da publicación, que foi titorizado polo Departamento de Xeografía e Historia.
Animámosvos a visitala.
SAMAGOSTO 2020
Neste curso 2020-21 as actividades extraescolares e complementarias están condicionadas por mor da situación sanitaria do COVID 19, por iso as diferentes propostas se desenvolverán dentro do contexto do propio centro e en pequeno grupo- aula. Nestes días imos celebrar o noso SAMAGOSTO que será divertido e orixinal a pesar das circunstancias. En Primaria celebrarémolo con obradoiros de decoración de motivos do Samaín e Outono nas aulas de infantil e primaria e cunha presentación na Pantalla dixital das fotos de todas as cabazas decoradas na casa entre os nosos rapaces e as súas familias. E en Secundaria o medo será o personaxe principal dalgunhas das actividades como a creación de "Calaveritas literarias"- poemas de orixe mexicana- composicións en verso nos que se expresan sentimentos arredor duna persoa viva con alusións á morte (Departamento de Lingua castelá), a lectura dramatizada do relado Medo, eu? de Fina Casalderrey co alumnado de 1º de ESO e a creación dun poema colectivo sobre o MEDO baixo o título "Eu téñolle medo a..." (Departamento de Lingua Galega) e o Concurso de historias de terror en inglés en todos os niveis da ESO (Departamento de inglés) E un ano máis lembramos a figura de Xosé Neira Vilas. O Equipo de Dinamización da Biblioteca réndelle homenaxe cun vídeo que xira arredor deste persoeiro tan insigne que lle dá nome á biblioteca do noso Centro |
CONECTIVIDADE E RECURSOS DO ALUMNADO NA CASA
Ante a situación de incerteza que estamos a vivir coa pandemia do Covid-19 e ante a posibilidade de que durante un tempo parte ou a totalidade do alumnado non poida asistir ao centro educativo debido a un posible confinamento, rogamos cubrades o formulario que aparece na seguinte ligazón co fin de coñecer a dispoñibilidade das familias en canto a medios informáticos e conectividade a internet.
Moitas grazas pola vosa colaboración!
PROGRAMACIÓNS DIDÁCTICAS ADAPTADAS
Ante a situación extraordinaria que se está a rexistrar no presente curso, procede modificar as programacións didácticas iniciais. Dáselle publicidade ás Programacións Didácticas Adaptadas de Educación primaria e Educación Secundaria do curso 2019-2020, onde se describen os criterios de avaliación, estándares de aprendizaxe, avaliación, criterios de cualificación...
EDUCACIÓN PRIMARIA: ADAPTACIÓN DAS PROGRAMACIÓNS DIDÁCTICAS 2019/2020
ATENCIÓN ÁS FAMILIAS DURANTE O ESTADO DE ALARMA
A atención ás familias durante o estado de alarma non será presencial, e farase de maneira telefónica, a través do número 881866781, en horario de 10h a 13h, ou no enderezo de correo electrónico cpi.antonio.orza.couto@edu.xunta.gal
As actividades que deberá elaborar o alumnado durante o período de suspensión das clases, seguirán sendo comunicadas nesta mesma páxina ou a través da aula virtual.
Se algunha alumna ou algún alumno dese positivo na proba de coronavirus, deberá ser inmediatamente comunicado ao centro a través dos medios citados.
IMPRESIÓN DE TAREFAS
Coa colaboración do Concello de Boqueixón, facilitarase ás familias que o precisen a impresión dos traballos que o alumnado debe facer os días de suspensión das clases e que serán entregados no seu domicilio. Deben dirixirse ao correo electrónico traballoscole@boqueixon.com indicando os materiais que precisan así como a dirección do domicilio. |
TAREFAS PARA O ALUMNADO DE EDUCACIÓN PRIMARIA (A partir do 16 de marzo) [ÚLTIMA ACTUALIZACIÓN: 29/05/2020]
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »