IES do Milladoiro

O pasado 8 de novembro un grupo de máis de 70 alumnas e alumnos de francés de 3º de ESO do IES do Milladoiro desfrutaron e escoitaron cunha grande atención os contos que nos trouxo o narrador Samuel Mountoumnjou. Orixinario de Foumban, vila do oeste de Camerún, traballou como profesor e mediador cultural. Co seu amplo repertorio de contos, mitos, lendas e parábolas promove, entre outros valores, o respecto pola experiencia e a sabedoría dos nosos maiores.