Actividades Lingua Galega

Fai clic para ver imaxes

Boas a todas e todos:

Cada semana teredes instrucións das tarefas que imos propoñer mentras non teñamos clases presenciais.

A semana do día 24 de marzo deberedes repasar a conxugación dos verbos regulares que podedes ver no apéndice de calquera dos vosos libros. Logo escollede o texto inicial da primeira unidade e clasificade os verbos das 25 primeiras liñas (número, persoa, modo, tempo).

Se tendes calquera dúbida podedes escribirme unha mensaxe ao correo electrónico: vtaboada@edu.xunta.gal

Ánimo para todas e todos.

Para facilitar a xestión do traballo e a comunicación co alumnado estas materias serán seguidas a través dos respectivos cursos na Aula virtual do instituto, á cal podedes acceder no seguinte enderezo:

https://www.edu.xunta.gal/centros/iespolitecnicovigo/aulavirtual/

Os cursos están situados dentro dos seus correspondentes niveis nos enderezos que se indican a seguir.

Ámbito Lingüístico e Social (2º PMAR/3º da ESO)

https://www.edu.xunta.gal/centros/iespolitecnicovigo/aulavirtual/course/view.php?id=397

Lingua Galega e Literatura (3º ESO B)

https://www.edu.xunta.gal/centros/iespolitecnicovigo/aulavirtual/course/view.php?id=395

Lingua Galega e Literatura (1º Bacharelato A)

https://www.edu.xunta.gal/centros/iespolitecnicovigo/aulavirtual/course/view.php?id=373

Literatura Universal (Grupo mixto 1º Bacharelato A + C)

https://www.edu.xunta.gal/centros/iespolitecnicovigo/aulavirtual/course/view.php?id=396

Marcaremos novas tarefas no comezo de cada semana e o prazo de entrega será dunha semana a partir de estes aparecer na páxina do curso.

Para calquera cuestión podedes contactarme en: irene.romero.iturralde@edu.xunta.gal

Unha aperta e moito ánimo a todas e todos. Non perdades o ritmo de traballo e aproveitade para ler, estar en familia e facer cousas que vos presten. Seguro que desta experiencia saímos enriquecid@s.

O pasado xoves 26 de setembro celebramos o Día Europeo das Linguas coa idea de transmitir ao alumnado o valor de vivirmos nunha sociedade plurilingüe e visivilizar a realidade das diversas linguas de Europa. Aínda podedes ver algúns dos materiais que empregamos polos corredores do instituto.

 Alumn@s do IES Politécnico simpatizando coa química do galego no parque de Castrelos

A escritora e a ilustradora presentaron o libro A palabra perdida

Contos de defuntos

Descarga as bases do concurso aquí

 Artigo do DUVI  Gravación da Uvigotv

Asistencia do alumnado de 1º Bacharelato ás Bibliotecas Viventes, organizadas polo Concello de Vigo, Normalización Lingüística no Verbum, en Vigo. 16/4/2015

O día 24 de febreiro celebramos o Día de Rosalía de Castro, data do nacemento desta grande escritora que deu comezo a unha nova etapa, importante, dentro da Literatura Galega: o Rexurdimento.

Aínda hoxe Rosalía segue sendo a musa de moitas persoas, un dos piares das nosas letras, unha muller exemplar que soubo transmitir con delicadeza e sabedoría a realidade da Galiza. 

Partindo da proposta realizada pola AELG (Asociación de Escritoras e Escritores en Lingua Galega), conmemoramos este día, que levaba por lema “Tod@s somos Rosalía”, con dúas sesións de lectura dos seus textos literarios, tanto en prosa como en verso, e os participantes foron agasallados cunha flor que levaba nos seus pétalos, feitos en papel, versos da propia autora. 

Temos a honra de contar no noso centro con Olga Novo, unha das voces máis auténticas da escritura en Lingua Galega, por iso, propuxémoslle que dese unha conferencia sobre a "Poesía dos noventa", dirixida fundamentalmente ao alumnado de 2º de Bacharelato, porque, entre outras razóns, é un dos temas que lles "cae" na proba de selectividade, pero está aberto a todas as persoas que queiran asistir.

Fragmento da presentación realizada polo alumnado da asignatura "Portugués" coa dirección do profesor do centro Xan Garrido.

 EXAMES SELECTIVIDADE 2010

 EXAMES SELECTIVIDADE 2011

REGULACIÓN DAS PROBAS DE ACCESO Á UNIVERSIDADE