Orientación Educativa

Receitario de Igualdade

Coa participación de Raquel Pereiro e Paula Sotelo, alumnas do CS de Robótica Industrial. Frear e eliminar a violencia sexual é cousa de todos e todas. 

Creemos unha dieta de xustiza e igualdade!

 

 

EQUIPO DE IGUALDADE. IES POLITÉCNICO VIGO 

Aquí tedes a información que nos facilitan as Escolas Superiores de Arte de Galicia, facendo click nos logos podedes acceder a súa páxina web.

 PROBAS DE ACCESO 2020/21

Inscrición: Do 18 ao 29 de xuño, ambos días incluídos.
Realización: A patir do 13 de xullo.

PROBAS PRESENCIAIS | Especialidade de Interpretación

Debido á situación sanitaria derivada da COVID-19, a ESAD de Galicia vai establecer un procedemento coas MÁXIMAS GARANTÍAS de SEGURIDADE, PREVENCIÓN e HIXIENE para o desenvolvemento das probas de acceso presenciais na especialidade de Interpretación, respectando todas as medidas recollidas na Resolución, de 22 de maio de 2020, da Consellería de Educación, Universidad e Formación Profesional pola que se reinicia a actividade lectiva presencial.

PROBAS TELEMÁTICAS | Especialidades de Dirección escénica e dramaturxia, e Escenografía

As probas de acceso nas especialidades de Dirección escénica e dramaturxia, e de Escenografía vanse realizar de forma telemática, mediante o servizo de videoconferencia Cisco Webex Meetings, facilitado pola Xunta de Galicia.

Inscrición ás EESS de Deseño nas EASD´s de Galicia, tamén para as EESS de Deseño de Moda e de Deseño de Produto que se imparten na EASD Mestre Mateo. 
Inscrición entre o 18 e o 29 de xuño, para todas as modalidades de acceso. A inscrición pódese realizar de forma telemática, para poder formalizala de forma telemática é necesario dispor da Chave365
PROBA MADUREZA: 6 de xullo, ás 9.00 horas, no IES As Fontiñas de Santiago de Compostela. (para os solicitantes que non dispoñan de título de bacharelato ou equivalente)
PROBA ESPECÍFICA: Realizarase o 13 de xullo Como novidade, este curso, a proba específica non estará centralizada na Coruña. Para evitar desprazamentos, esta parte das probas levarase a cabo simultáneamente nas catro Escolas de Arte e Superiores de Deseño de Galicia: EASD Mestre Mateo en Santiago de Compostela, EASD Pablo Picasso A Coruña, EASD Antonio Faílde Ourense, EASD Ramón Falcón en Lugo.

Haberá que levar a inscrición e facer a proba naquela Escola que estea máis preto do domicilio do solicitante. A proba é unica para as 4 especialidades en Deseño que se imparten nas Escolas: Deseño de Moda, Deseño de Produto, Deseño Gráfico e Deseño de Interiores.

Preguntas frecuentes: http://www.easd.es/gal/secretaria/acceso/preguntas-frecuentes-deseno

Obtención Chave365 no teléfono 012 ou no seguinte enlace: https://sede.xunta.gal/tramites-e-servizos/chave365?langId=es_ES

As solicitudes para participar nas ditas probas poderanse presentar desde o día 22 de xuño ao 3 de xullo, para ciclos de grao superior, e desde o día 22 de xuño ao 4 de setembro para ciclos de grao medio.

A proba substitutiva do requisito de titulación de bacharelato para acceso ao ciclos de grao superior terán lugar o día 10 de xullo, e as probas específicas de acceso terán lugar o 20 de xullo; para o acceso a ciclos de grao medio, a proba substitutiva do título de ESO terá lugar o día 9 de setembro, e as probas específicas o día 15 de setembro. Todas as probas realizaranse nos centros correspondentes, de acordo cos calendarios establecidos na resolución

Departamento de orientación 

 IES Politécnico de Vigo

Aquí tedes un enlace a unha guía moi sinxela e completa sobre a ABAU e o acceso a Universidade deste ano 2020.

Moito ánimo e o esforzo será recompensado.

 Departamento de orientación 

 IES Politécnico de Vigo

No seguinte blogue, Mónica Diz, orientadora no IES a Sardiñeira, preparou un documento interactivo que vos explica perfectamente e de forma sinxela como facer a vosa matrícula na ABAU.

https://monicadizorienta.blogspot.com/2020/06/como-hacer-la-matricula-en-la-abau.html  

Recomendámos que lle votedes un ollo.

 Departamento de orientación 

 IES Politécnico de Vigo

Publicados os parámetros de ponderación para as ABAU 2020 en Galicia.

 Departamento de orientación 

 IES Politécnico de Vigo

A Universidade da Coruña ofrécenos unhas xornadas virtuáis con videoconferencias explicativas sobre as diferentes titulacións que ofrecen. Pode ser moi interesante para o alumnado con dúbidas sobre que estudar ó rematar o bacharelato.

Dende o departamento de orientación animámosvos a navegar no seguinte enlace:

https://www.udc.es/gl/futuros_estudantes/portas_abertas/graos/

O Departamento de Orientación segue neste tempo  de toma de decisións coa asistencia telemática, orientarvos   sobre o voso futuro académico e profesional  é noso obxectivo. Deixámosvos o noso correo electrónico para que vos poñades en contacto .

• INFORMACIÓN ESO E BACHARELATO

Irma Álvarez:orientación.vigo@gmail.com

Sara Rivera: sara.rivera@edu.xunta.es

• INFORMACIÓN CICLOS FORMATIVOS FP

Charo Cid: orienta.laboralprofesional@gmail.com

Déixovos a presentación da charla de qué facer despois do bacharelato, podevos servir de axuda nas vosas decisións.

LIGAZÓNS

• Qué estudar Universidade de Vigo
• Proximidade das ciencias e letras
• Selección de vídeos para axuda de decisións vocacionais (blog Mónica Diz Orienta)

ABAU 2020

No documento adxunto podedes atopar toda a información necesaria para a realización da ABAU 2020.

CONTACTO PARA CALQUERA DÚBIDA:

IES Politécnico de Vigo: ies.politecnico.vigo@edu.xunta.es

Departamento de Orientación:

María Irma Álvarez Diéguez - orientacion.vigo@gmail.com

Sara Rivera Villanueva – sara.rivera@edu.xunta.es

Con motivo da participación no Concurso Clases Sen Fume e Plan Proxecta deixamos constancia da primeira parte do Programa cos Slogans que fixeron o alumnado de 1º A e 1ºB nas sesións de titoría presencial e na materia de Educación Plástica e Visual.

1º ESO - A

1º ESO - B

Como principais novidades, o Sistema Universitario de Galicia (SUG) incorporará o vindeiro curso tres novos títulos de grao e os seus tres primeiros graos abertos.

Graos abertos

O curso 2020/2021 será o primeiro no que o SUG oferte graos abertos, en concreto o de Ciencias Sociais e Xurídicas (Universidade da Coruña, Campus da Coruña, 10 prazas), o de Enxeñaría Industrial (Universidade da Coruña, Campus de Ferrol, 8 prazas) e o grao aberto 5USC Enxeñarías (Universidade de Santiago de Compostela, Campus de Lugo, 10 prazas).

Novas titulacións

A oferta de prazas rexistrada no Ministerio inclúe, ademais, tres novos títulos de grao, seguindo o establecido no Mapa de Titulacións. Trátase dos graos en Empresa e Tecnoloxía (Universidade de Santiago de Compostela, Campus de Lugo, 45 prazas), en Bioquímica (Universidade de Santiago de Compostela, Campus de Lugo, 45 prazas) e en Nanociencia e Nanotecnoloxía (Universidade da Coruña, Campus da Coruña, 50 prazas).

Así mesmo, súmanse á oferta do SUG catro novos programas de simultaneidade de grao, todos eles na Universidades de Vigo. Serán o de ADE e Enxeñaría Informática (Campus de Ourense), Enxeñaría Biomédica e Enxeñaría Electrónica Industrial e Automática (Campus de Vigo), Enxeñaría Biomédica e Enxeñaría Mecánica (Campus de Vigo) e Enxeñaría Mecánica e Enxeñaría Electrónica Industrial e Automática (Campus de Vigo).

Podedes ler a noticia completa en:

https://www.xunta.gal/notas-de-prensa/-/nova/48739/oferta-del-sistema-universitario-gallego-para-curso-202021-incorpora-3-nuevos

Ademáis, poderedes atopar toda a información relativa ás titulacións universitarias das Universidades Galegas nos seguintes enlaces:

Titulacións Oficiais de Grao na USC: https://www.usc.gal/gl/servizos/oiu/dipgr.html 

Titulacións Oficiais de Grao na Uvigo: https://www.uvigo.gal/es/estudiar/que-estudiar/estudios-grado

Titulacións Oficiais de Grao na UDC: https://estudos.udc.es/

Por outra banda, o decano da Facultade de Ciencias do Campus Universitario de Lugo, facilitounos a seguinte información que vos pode ser de utilidade:

 Grao aberto 5USC Enxeñarías.

 Grao en Bioquímica.

Departamento de orientación 

 IES Politécnico de Vigo

 O día 3  de decembro Día  Internaciónal  da Diversidade Funcional no Politecnico de Vigo  celebrámolo con instalacións de TEGP  baixo a dirección do profesor Lois Corvera   e Exposición de Deseño realizadas polo alumnado de 2º Bacharelato Artes  baixo a dirección da profesora  Gema Jiménez .

 O alumnado de 1º curso do Ciclo Básico de Electricidade e Electrónica, dinamizados pola  súa profesora Carme Adán e Equipo Igualdade instalaron a exposición “ O machismo mata” con 51 globos negros en homenaxe as 51 mulleres asasinadas no que vai de ano 2019.No momento da publicación 52.

O martes 26 de novembro o alumnado de 2º de Bacharelato de Artes visitou as Facultades de Belas Artes e de Ciencias Sociais e da Comunicación, así como a Escola Superior de Conservación e Restauración de Bens Culturais para coñecer de cerca as titulacións de Grao e Master que ofrecen. Unha interesante visita que favorecerá a toma de decisións sobre o seu futuro académico e profesional entre outras propostas e accións que se desenvolverán ao  longo do curso.

Aquí deixámosvos un vídeo que pode axudarvos a decidir.

O Equipo de Igualdade do Politécnico de Vigo, un ano máis, elaborou un amplo programa de actividades para a conmemoración do  Día Internacional Contra a Violencia de xénero.

O equipo de igualdade do Politecnico de Vigo, representado pola responsable de igualdade Eva Piña e Carmen Adán, estivo nas xornadas municipais "Coeducacion  para  previr  a violencia de xénero e para a promoción dunha cultura en IGUALDADE"  organizadas pola Concellería de Igualdade os días 6 e 7 de novembro. Nelas Compartiron as boas prácticas no eido da igualdade  e da prevención de violencia de xénero que se desenvolven no noso centro.

"Enriquecedor encontro, compartir experiencias con outros centros moi comprometidos coa Igualdade!" (Eva Piña)

A compañeira Eva Piña, profesora de Formarción e Orientación laboral,  e a Orientadora do instituto, María Irma Álvarez, veñen de facer unha mobilidade ERASMUS+ ao Lycée de Pont du Château en Francia, dentro do Proxecto KA103 que xestionamos dende o noso centro.

Intercambio de experiencias educativas, con especial atención á diversidade funcional no tratamento a persoas con discapacidade, así como á convivencia/ promoción da igualdade, orientación académica, profesional e laboral.

Aberto o prazo de solicitude para a realización das probas de acceso a Escola Superior de Arte Dramático de Galicia  para o curso 2019-2020.

Inscripción:

• Data: Do 14 de Maio ata o 7 de Xuño
• Lugar: Con carácter xeral, as solicitudes deberán realizarse de maneira telemática cubrindo o seguinte formulario www.edu.xunta.es/reximeespecial. Tamén se poderá formalizar a inscrición directamente na Secretaría da ESAD de Galicia.

PROBA DE ACCESO PARA QUEN NON CUMPRA OS REQUISITOS ACADÉMICOS:

17 de xuño de 2019 no IES As Fontiñas, de Santiago de Compostela.
Ver horarios e características da proba na Resolución do 29 de abril de 201

PROBA ESPECÍFICA:

 1 de xullo de 2019 na sede da Escola Superior de Arte Dramática de Galicia de acordo co calendario establecido polos tribunais de cada especialidade.

Máis información:

• Escola de Arte Dramática de Galicia (ESAD) 
• Enlace á proba específica. 
• Web da Consellería.