INFORMACIÓN SOBRE A ADMISIÓN DE ALUMNADO PARA CURSO 2017/2018

3. Marzo 2017 - 10:53 | fpuentes

NORMATIVA REGULADORA DO PROCESO DE ADMISIÓN ALUMNADO PARA O CURSO 2017- 2018

Decreto 254/2012 do 13 de decembro (DOG do 26-12-12)
Orde do 12 de marzo do 2013 (DOG do 15-03-13)
Orde do 25 de xaneiro de 2017 (DOG do 01-02-17)
Instruccións da Dirección Xeral de Centros do 13 de febreiro do 2017.
Instruccións da Xefatura Territorial do 20 de febreiro do 2017.
Resolución do 23 de febreiro de 2017 da Dirección Xeral pola que se fai público o resultado do sorteo de letras de prioridade en caso de empate.

PRESENTACIÓN DAS SOLICITUDES DE ADMISIÓN:

Do 1 ao 20 de marzo ata as 14:00h.

Só presentarán e se recollerán:

• anexo II (ver Modelo ED550B nos adxuntos; ou aquí para a tramitación presencial; ou aquí para a tramitación en liña)

• copia do DNI da persoa solicitante e dos membros computables da unidade familiar, cando se denegue a súa consulta

• documento acreditativo do requisito de idade do/a alumno/a

• documento acreditativo de estar en disposición de reunir os requisitos académicos esixidos en cada nivel educativo ou etapa

• convenio regulador ou resolución xudicial de separación xudicial ou divorcio, se é o caso.

PRESENTACIÓN DOCUMENTACIÓN XUSTIFICATIVA DOS CRITERIOS ALEGADOS (CANDO O NÚMERO DE SOLICITUDES SEXA MAIOR AO DAS PRAZAS OFERTADAS):

Do 23 de marzo ao 5 de abril ata as 14:00 horas.

Cando haxa máis solicitantes que prazas ábrese este prazo para presentar documentación xustificativa dos criterios de baremo. Só será necesario presentar a documentación relativa aos criterios de domicilio fiscal, renda per cápita da unidade familiar, condición de familia numerosa e de discapacidade cando a persoa interesada denegue expresamente a consulta automática destes datos.

LISTA PROVISIONAL DE ADMITIDOS E NON-ADMITIDOS:

Antes do 25 de abril

Publicación das puntuacións totais despois de informar ao Consello Escolar. Despois de publicar hai 5 dias hábiles para reclamar contados a partires do día seguinte da súa publicación, pero sen poder entregar ningún documento complementario para acreditar criterios do baremo non contemplados na solicitude inicial.

LISTA DEFINITIVA DE ADMITIDOS E NON-ADMITIDOS:

Antes do 15 de maio

Publicación das puntuacións totais definitivas despois de informar ao Consello Escolar.

Contra a relación definitiva as persoas interesadas poderán interpoñer recurso de alzada ante o titular da xefatura territorial no prazo dun mes contado a partir do día seguinte ao da súa publicación.

FORMALIZACIÓN DA MATRICULA:

Prazo ordinario: do 25 de xuño ao 10 de xullo ESO e bacharelato (anexo III)

INFORMACIÓN: (Art.13.d da orde do 12 de marzo do 2013)

• Cada alumno/a só poderá presentar unha única solicitude no centro que solicite praza no primeiro lugar. A infracción determinará a perda dos dereitos de prioridade.

• O alumnado que ten garantía de permanencia nun centro deberá comunicalo, ao mesmo tempo ao centro de orixe

• O alumnado que ten reservada praza nun centro se presenta solicitude de admisión noutro distinto deberá comunicar a renuncia á reserva.

CENTROS ADSCRITOS