MATRÍCULA PARA O CURSO 2022-23
PRAZOS, DOCUMENTACIÓN, INFORMACIÓN

PRAZOS DE
PREINSCRICIÓN E MATRÍCULA

     A partir do 11 de xaneiro comezan os prazos para solicitar matrícula en centros de ensino públicos. Os prazos para a formalización da preinscrición e matrícula, marcados por lei na Orde do 12 de marzo de 2013 e modificados este curso pola Orde do 18 de decembro, son os seguintes:

PRAZO 1. ALUMNADO DE CENTROS ADSCRITOS (CEIP ALBORADA, CEIP NOVO MESOIRO, CEIP PLURILINGÜE MANUEL MURGUÍA E CEIP SALGADO TORRES)
Do 11 de xaneiro ao 8 de febreiro:

• reserva de praza desde os centros adscritos de primaria mediante modelo ED550A incluído o Anexo I bis (só alumnado interesado en solicitar praza no centro de adscrición)
• modelo de formulario informativo para a secretaría do noso centro (formulario de optativas e transporte para 1º ESO)

Lugar de presentación: na secretaría dos centros onde se atopa matriculado neste curso ou na Sede electrónica da Consellería de educación vía on line.

Antes do 1 de marzo: asignación de prazas e publicación de prazas vacantes nos centros de secundaria.

RELACIÓN DE VACANTES PARA O CURSO 2021-2022

* O número de vacantes foi actualizado na primeira quincena de marzo 2022 engadindo un novo grupo por orde das autoridades educativas. O número que figuraba anteriormente reflicte as auténticas capacidades actuais do IES, polo que no incrementado (123) cóntase coa vontade de actuación das unidades da Consellería, que teñen a capacidade de garantir a adecuación de novos espazos (que aínda non existen) de calidade docente e a tempo para o inicio do vindeiro curso.

Salientar que en calquera caso todas as persoas que fixeron reserva de praza deben volver a presentar solicitude e toda a documentación durante o actual periodo de admisión (incluíndo a documentación de baremación se fose preciso).

Voltar á cabeceira

PRAZO 2. PRAZO ORDINARIO. ALUMNADO DE CENTROS NON ADSCRITOS E ADSCRITOS SEN PRAZA
Do 1 ao 21 de marzo: solicitude de praza mediante modelo ED550B (Anexo II e Anexo IIbis) (alumnado que quedou sen praza na reserva, alumnado que busca praza nun centro distinto ao de adscrición). Información na páxina da Sede electrónica da Consellería de educación vía on line.

Lugar: centro no que se quere matricular ao alumnado o curso próximo ou na sede electrónica da Xunta de Galicia vía on line.

Antes do 25 de abril: listaxes provisionais de persoas admitidas e non admitidas.

As listaxes de admitidos no proceso de reserva deben comprobarse na aplicación de admisión ou in situ no taboleiro de anuncios do centro de ensino de orixe e/ou de admisión [en virtude da actual lexislación de protección de datos]

Antes do 15 de maio: listaxes definitivas de persoas admitidas e non admitidas.

 As listaxes de admitidos no proceso de reserva deben comprobarse na aplicación de admisión ou in situ no taboleiro de anuncios do centro de ensino de orixe e/ou de admisión [en virtude da actual lexislación de protección de datos] 

 Voltar á cabeceira

PRAZO 3. MATRÍCULA OFICIAL DE XUÑO
Do 25 de xuño ao 10 de xullo: matrícula en ESO e Bacharalato.

Instrucións para a matrícula

Lugar: centro no que se quere matricular ao alumnado o curso próximo.

Voltar á cabeceira

*      *      *

NOTA INFORMATIVA IMPORTANTE

1. Cada alumno/a só pode presentar unha única solicitude de admisión para o centro no que desexe praza. De presentar máis dunha solicitude en varios centros perderá todo dereito de prioridade que puidese corresponderlle en calquera deles.

2. O alumnado que teña reserva de praza concedida en centro adscrito, deberá comunicar por escrito a este centro a súa renuncia no caso de que desexe presentar solicitude de admisión para outro centro. Esta renuncia deberá facela antes de que comece o prazo de admisión (1 de marzo).

3. O alumnado que teña garantía de permanencia nun centro (porque forma parte de el e pode continuar alí os seus estudos), deberá dar comunicación neste centro se presenta solicitude de admisión para outro centro.

4. O IES Plurilingüe Elviña conta con dúas liñas de transporte escolar e cafetería escolar en horario de 09:00 a 13:30.

Voltar á cabeceira

*      *      *

LEXISLACIÓN E PROCEDEMENTO

    O procedemento de matriculación e os seus prazos está marcado polas seguintes directrices lexislativas:

a. Decreto 254/2012, de 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación [DOG 26 de decembro de 2012] [DERROGADA POLO DECRETO 13/2022 do 3 de febreiro]
a(bis). Decreto 13/2022, do 3 de febreiro, polo que se regula a admisión de alumnado en centros sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación [DOG do 11 de febreiro de 2022]
b. Orde do 12 de marzo de 2013, pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación [DOG 15 de marzo de 2013]
c. Orde do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación [DOG 1 de febreiro de 2017]
d. Orde do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación [DOG 1 de febreiro de 2017]
d. Instrucións sobre o proceso de admisión da Dirección Xeral de Centros e Recursos Humanos
e. Procedemento de admisión: instrucións da Xefatura Territorial da Coruña para os centros de ensino

Voltar á cabeceira

O CEIP Salgado Torres e o IES Elviña na Xornada mundial da Paz

    Nun tempo tan adoecido por guerras sanguentas e conflitos bélicos, só aparentemente lonxanos de nós, que os vivimos na distancia das pantallas televisivas e das páxinas dos xornais, a celebración do Día escolar da non violencia e da Paz cos rapaces e rapazas do barrio de Elviña ven tinguida da triste cor da esperanza.

     Unha vez máis, desde o IES Elviña, quixemos facer dunha celebración internacional a oportunidade para irmandar ao noso alumnado co alumnado dalgún dos nosos centros de primaria veciños. Tocoulle turno ao alumnado de 6º de Primaria do CEIP Salgado Torres, que fixo unha visita ao noso centro, de primeiras, para celebrar connosco a Xornada da Paz, e, de segundas, para botar ollo ás dependencias do instituto que, para moitos deles, será o seu centro de estudos a partir do próximo curso.

Pombas nas árbores do xardín	Pombas nas árbores do xardín

      A parte máis importante da celebración tivo lugar no patio interior do edificio. Alí, os tres grupos de 1º de ESO e os nosos convidados colgaron pombas de papel nas árbores do xardín botánico e cantaron xuntos dous clásicos musicais deste día, que falan de solidaridade e perdón (Color esperanza de Diego Torres e No dudaría de Antonio Flores). Agradecemento cordial ao noso compañeiro Iñaki Tomás, que puxo a banda sonora no cálido son da súa guitarra.
     Tras disto, alumnado e profesorado compuxeron no chan a palabra PAZ en humanas letras maiúsculas e soltouse ao ar unha chea de globos brancos. Perdidos no ceo de inverno -marabillosamente azul para esta ocasión-, os globos levaron polo vento de xaneiro a súa mensaxe de irmandade.

Que chegue ben lonxe!

Globos no ceo de inverno	O alumnado cantando

Velaquí o vídeo da xornada.