Skip to Content

Actividades

"Ler por Ler" na Biblioteca do IES Valga con "El avaro" de Molière

"Ler por Ler" na Biblioteca do IES Valga con "El avaro" de Molière              "Ler por Ler" na Biblioteca do IES Valga con "El avaro" de Molière

O venres 19 de febreiro, tivo lugar unha nova sesión da actividade “Ler por Ler” na Biblioteca do noso Centro. Esta vez foi parte do alumnado de 1º Bacharelato e baixo a dirección da profesora de Lingua Castelá e Literatura, Carmen Pedreira, quen realizou unha representación da obra “El avaro” do escritor francés Molière. Durante aproximadamente vinte minutos, estes alumnos e alumnas entreteron ao alumnado e profesorado que, durante o segundo recreo, se acercaron ata a Biblioteca.

Torneo de Xadrez na Biblioteca

Torneo de Xadrez 2015-16 na Biblioteca do IES Valga           Torneo de Xadrez 2015-16 na Biblioteca do IES Valga

Segue desenvolvédonse, durante os recreos, o Torneo de Xadrez 2015-2016 na Biblioteca do noso Centro. Esta semana celébrase a 3ª ronda, faltando por xogar dúas máis. A clasificación despois da 2ª ronda está encabezada polo alumnado de 4º, 2º e 1º da ESO: Otero Lobato, Francisco; Blanco Rodríguez, Santiago A., Martínez Bello, Javier; Touceda García, Adrián, De Jesús Fieiro, Pablo; e García Rey, Diego. Todos eles con dous puntos.

Exposición "Lendas do mundo" na Biblioteca do IES Valga

Exposición "Lendas do Mundo" na Biblioteca IES Valga                  Exposición "Lendas do Mundo" na Biblioteca IES Valga

Na Biblioteca do noso Centro e ata finais deste trimestre, polo tanto ata mediados do mes de marzo, teremos ocasión de ver a exposición "Lendas do Mundo", feita polo alumnado de 1º ESO durante o curso 2014-2015 e dentro do Proxecto Interdisciplinar. A temática relativa ás culturas do mundo levou ao alumnado, en grupos de tres ou catro alumno@s, a investigar sobre lendas de diferentes culturas mundiais. Unha das actividades realizadas foi a realización deste material feito en cartolina e collage e que agora se pode apreciar nesta exposición. Animávoos a visitala e apreciar o traballo realizado. 

Torneo de Xadrez na Biblioteca do IES Valga

Cartel do Torneo de Xadrez curso 2015-2016 no IES Valga  O Departamento de Actividades Extraescolares, a Biblioteca e o Departamento de Matemáticas organizan un Torneo de Xadrez a partir da semana do 25 ao 29 de xaneiro. Será unha competición, na que xa se sortearon os primeiros emparellamentos, entre o alumnado participante. Terá lugar durante os recreos das vindeiras semanas e na Biblioteca do noso Centro.

Ler por Ler: "que será de nós cando sexamos maiores"

    O pasado mércores 9 decembro e na Biblioteca do noso Centro tivo lugar dentro do proxecto  “Ler por Ler”, unha nova actividade a cargo do alumnado de 3º ESO C co título “Que será de nós cando sexamos maiores”, onde nos explicaron un traballo que xa presentaran na súa participación no proxecto da USC “SEPA-interea”. A súa intervención consistiu nun vídeo, con participación de persoas maiores da contorna, e unha explicación sobre como facer un mundo máis sostible e ter uns hábitos máis saudables. Picando aquí podes ver o vídeo deste interesante traballo. 

Distribuir contido


by Dr. Radut