Skip to Content

Actividades

Ler por Ler: Poemas de Manuel María, paxaros, piares

Alumnado de 1º B con poemas de Manuel María       Alumnado de 1º B recitando poemas de Manuel María                                            

O venres 15 de abril tivo lugar na Biblioteca do noso Centro unha nova actividade de “Ler por Ler”. Nesta ocasión foi o alumnado de 1º ESO B quen baixo o título de “Poemas de Manuel María, paxaros, piares” quixo render unha homenaxe ao poeta a quen este ano se lle adica o “Día das Letras Galegas”. O alumnado recitou varios textos acompañados de imaxes de paxaros e dos seus piares. Nesta actividade colaboraron varios departamentos e foi organizada pola Biblioteca e o EDL do Centro.

Entrega de premios do Torneo de Xadrez 2015-2016

1º premio Torneo Xadrez 2015-16 Xabier Martínez Bello          2º premio Torneo Xadrez 2015-16 Francisco Otero Lobato                  

 O pasado mércores, 16 de marzo,  tivo lugar a entrega dos premios do Torneo de Xadrez 2015-2016 que durante varias semanas  celebrouse na Biblioteca do noso Centro. O gañador foi Xabier Martínez Bello de 4º ESO A, seguido de Francisco Otero Lobato de 4º ESO C e de María Victoria Luna Magariños de 3º ESO C. Tamén houbo un premio de consolación para un dos participantes que, tras efectuarse un sorteo, recaeu en Pablo Rial Rivas de 1º ESO B. Os premios foron entregados polo Director  e Vicedirectora do noso Centro así como polo Xefe do departamento de Matemáticas, J. A. Montoto, un dos organizadores deste Torneo. Competición que esperamos teña continuidade nos vindeiros cursos.  

 

Torneo de Xadrez 2015-2016

Javier Martínez de 4º ESO A, gañador do Torneo de Xadrez do IES Valga 2015-2016             Partida do Torneo de Xadrez 2015-2016 na Biblioteca do IES Valga        

O Torneo de Xadrez chegou ao seu final coas partidas pendentes celebradas este luns 7 de marzo. Despois de cinco rondas, o vencedor do Torneo foi o alumno de 4º ESO A, Javier  Martínez Bello coa puntuación final de 4,5, seguido de Francisco Otero Lobato de 4º ESO C e Mª Victoria Luna Magariños de 3º ESO C con 4 puntos. Se picas aquí podes ver a clasificación final. Noraboa a todos os participantes e ao gañador en particular. En vindeiras datas celebrarase a entrega de permios.

 

Torneo de Xadrez 2015-2016. 5ª Ronda da competición

O torneo de Xadrez entra na súa 5ª e última ronda, nesta semana do 1 ao 4 de marzo. Se picas aquí verás o calendario de partidas previstas para esta decisiva ronda. A clasificación despois de catro rondas está encabezada por Xabier Martínez de 4º ESO A e  Pablo De Jesús de 2º ESO B. Está é a clasificación provisional con puntuacións e partticipantes do Torneo.  

Torneo de Xadrez 2015-2016. 4ª Ronda da competición

Torneo de Xadrez 2015-2016 O Torneo de Xadrez segue o calendario previsto durante os recreos semanais. Esta semana toca celebrar a 4ª Ronda. Se picas aquí verás o calendario de partidas previstas. Finalizada a 3ª Ronda , a clasificación tivo algúns cambios; esta é a clasificación provisional con puntuacións e participantes do Torneo.
Distribuir contido


by Dr. Radut