|
 
O martes 4 de decembro, o alumnado de 4º ESO asisitiu, na Biblioteca do centro, a unha charla-coloquio co escritor Pere Tobaruela. O alumnado tivo unha explicación do seu libro "Poñente", dende o punto de vista histórico e literario. Tamén puido descubrir outras facetas relacionadas coa tarefa de escribir e o mundo da literatura en xeral.
|
|
| |
|
|
 
O alumnado de 4º ESO visitou o Museo de Pontevedra o xoves 29 de novembro. Realizaron unha visita guiada a diferentes salas do Sexto Edificio relacionadas coa pintura galega dos séculos XVIII e XIX, finalizando nas salas dedicadas á figura de Castelao. Estiveron acompañados polo profesorado Noa Carrera e Xoán Carlos Montejano. A actividade foi organizada polos departamentos de Lingua e Literatura Galega e Xeografía e Histoira.
|
|
| |
|
 O mércores 21 de novembro, o alumnado de Xeografía de 2º de Bacharelato do IES de Valga visitou distintas dependencias da TVG, e entre elas as instalacións do espazo O Tempo. As explicacións correron a cargo dos xornalistas, encargados do tempo na TVG, Diego Viaño e Mabel Montes. Máis sobre a nova picando neste enlace. A actividade foi organizada polo Departamento de Xeografía e Historia. |
|
| |
|
|
  O martes, 20 de novembro, o alumnado da materia de Paisaxe de 2º ESO realizou unha visita ao Museo da Historia de Valga onde guiados polo responsable do Museo, Santiago Chenlo, puideron reflexionar sobre o que é a paisaxe, localizar espazos paisaxísticos e visionar os espazos naturais máis representativos do concello de Valga. Foron acompañados polos profesores Felipe Ben e Juan Carlos Montejano. A actividade foi organizada polo departamento de Xeografía e Historia.
|
|
| |
|
|
 O alumnado de 2º Bacharelato do noso Centro asistiu o mércores 26 de setembro á inaguración da exposición "Rexas, mulleres baixo o terror franquista" no Auditorio Municipal de Valga. A través de 78 fotografías, esta exposición conta as historias de 172 mulleres. A mostra divídese en tres bloques: o primeiro sobre a contextualización histórica mostra como o golpe de Estado supuxo una creba dos dereitos da República; o segundo analiza as diferentes tipoloxías de represión desde a perspectiva das mulleres que a sufriron e o terceiro busca recoñecer a labor solidaria e resistente das mulleres e o seu apoio imprescindible á guerrilla. A inauguración contou coa presenza das concelleiras de Cultura e Igualdade do concello de Valga así como do deputado provincial de Cultura, Xosé Leal, e da comisaria da exposición, Montse Fajardo, que completou o acto pronunciando unha interesante conferencia co título de: “A represión sobre as mulleres tras o golpe de estado do 36”.
Máis información picando neste enlace.
|
|
| |
|
