Saltar navegación.
Inicio
Narón (A Coruña)

Dinamización da Lingua Galega

As máscaras gañadoras

Premios das Máscaras 2014

11/03/2014

Neste entroido puidestes ver á entrada do centro unha exposición coas carautas presentadas polo alumnado para o concurso que convocara o Equipo de Dinamización Lingüística. Estas tres son as gañadoras:

  1. Alba Perille Borreiros (1ºB de Primaria)
  2. Yaiza Caamaño Canosa (2ºB de Primaria)
  3. Andrea Leira Bouza (3ºA de Primaria)

Noraboa ás tres e moitas grazas a todos rapaces e ás familias que participastes nesta iniciativa!

Títeres de Nadal para Infantil e Primaria

A estrela xoguetona

18/12/2013

Algúns alumnos de 6º de Primaria representaron unha pequena peza de títeres para festexar o Nadal. O público foi o alumnado de Primaria, que quedou encantado coa representación dos seus compañeiros. Mañá repetirán a posta en escena desta obra titulada "A estrela xoguetona" para os rapaces de Infantil.

Temos que agradecer o seu entusiasmo a Alba Fontal, Alba Fachal, Alba Romero, Alex L. Matuszczak, Isaac Freire e Nuria Romero. Non tiveron miramentos en investir parte do seu tempo de lecer nos ensaios. Tamén agradecemos a colaboración do resto de compañeiros coa decoración e das familias na elaboración dos monicreques.

Concursos de Nadal 2013

 Calendario 2014

18/12/2013

GRAZAS

A todo o alumnado de Secundaria pola súa participación no concurso:

“O NOSO CALENDARIO”

Os traballos seleccionados son de:

Miguel Piñeiro
1º de ESO B
Adolfo Monteiro
2º de ESO B
Alicia Santos
2º de ESO A
Estefanía López
2º de ESO B
 Carla Mourente / Silvia Felpete 3º de ESO A
Ainhoa Lechuga
3º de ESO B
Nelson Fonseca
3º Diver.
Fernanda Morales
4º de ESO A
Xiemiao Liu
4º Diver.
Tania López
PCPI
Cristian Mahía
1º de ESO A
Gabriel López
1º de ESO B

 

GRAZAS

A todos os nenos e nenas de Infantil e Primaria que participaron no concurso:

“TARXETA DE NADAL”

Saíron seleccionadas as tarxetas de:

Nerea Muíño Díaz
6º de Primaria
Víctor Carballeira Pedre
Infantil - 5 anos

 

Postal de Primaria 2013

Postal de Infantil 2013

 

Este ano, as nosas postais levan un adhesivo cun código QR, que é algo parecido a un código de barras, pero con moitas máis posibilidades, e pensado para ser lido sobre todo con teléfonos móbiles. Lendo ese código, poderedes ver un vídeo moi especial gravado recentemente no Feal.

Existen numerosas aplicacións para móbiles que permiten isto, como por exemplo BIDI (que está dispoñible para todos os sistemas operativos). Non hai máis que executar a aplicación e visualizar o código coa cámara do móbil o mellor posible.

Feliz 2014 desde O Feal

Xa podes baixar A Tribo 2013 dixital, e tamén participar no concurso do décimo aniversario da nosa revista escolar

A Tribo 10 - 2013

19/09/2013

Un ano máis temos que dar as grazas a toda a xente que colaborou no novo número d'A Tribo. E moi especialmente a Sonia Álvarez, que este ano o tivo un pouco máis complicado para rematar a maquetación. A versión dixital xa está por fin dispoñible no apartado Revista escolar deste espazo web, con diversos erros corrixidos respecto á versión impresa de xuño.

A tribo cumpre dez anos, e parece que foi onte cando se foi artellando a primeira delas... ao principio nin sequera tiña nome! Decidimos chamala así por un lema africano que vén a dicir que para educar a un neno fai falta a tribo enteira.

Na Biblioteca de Secundaria, tedes expostos os dez números que levamos, e tamén podedes participar nun concurso que argallamos para festexar o décimo aniversario. Enchendo un cuestionario con 10 preguntas que acharán resposta en cadanseu número d'A Tribo, poderedes conseguir algún agasallo. Animádevos!!

Material sobre Vidal Bolaño

Mural de Freixeiro sobre Roberto VidalMural de Infantil - Freixeiro sobre Roberto Vidal Bolaño

22/05/2013

AUTOR, ACTOR E PÚBLICO DE AQUÍ é a proposta que nos envía este ano a Secretaría Xeral de Política Lingüística para traballar en Infantil e Primaria.

É unha idea elaborada polo CEIP A.D.R. Castelao de Rianxo.

O día 20 de maio chegou ao noso centro este material (dez carteis e unha guía, editados co gallo do Día das Letras Galegas de 2013).

Aínda que non chegou para a data sinalada (17 de maio) poñémolo a vosa disposición na biblioteca de Primaria porque pensamos que vos pode servir para achegar aos vosos nenos/as actividades que propicien a dinamización da nosa lingua dun xeito transversal e dinámico.

Tamén se pode consultar nesta páxina da Xunta.

 

Equipo de Dinamización da Lingua Galega.

XXIV Certame Intercentros do Concello de Narón

Intercentros 2013Fai clic para ver máis fotos

05/05/2013

Todo  o  alumnado de  Infantil  e  Primaria  participou  nas modalidades  de murais, conto ilustrado e cómic. Os seus traballos estarán expostos no Pazo da Cultura de Narón ata o día 20 de maio. Todos recibirán un premio pola súa participación.

En expresión oral podía participar  todo o alumnado de infantil primaria e secundaria. Nesta modalidade conseguiron premio:

  • Alicia, Joel, Manuela e Rebeca, de 1º ESO, que representaron a obra de teatro " Un caso verídico".

En expresión escrita foron premiados os seguintes alumnos:

  • Alicia Santos Lago de 1º ESO  conseguiu dous premios, un en narrativa co seu relato "Carreira cara a morte", e outro na modalidade de cómic co seu traballo titulado "Distracción".
  • Belén Seoane Barcia de 2º ESO levou o premio de  Poesía, polo  seu poema "Sentimentos".
  • Martín Lage Ares de 4º Diver. foi premiado pola súa reportaxe xornalística sobre o "Downhill".

Todos eles acudirán ao Pazo da Cultura o vindeiro 14 de maio para recibir o seu premio, acompañados dalgúns dos seus compañeiros e profesores.

FELICIDADES AOS PREMIADOS E
GRAZAS A TODOS OS QUE PARTICIPARON.

GRAZAS TAMÉN A TODO O PROFESORADO
QUE COLABOROU E AXUDOU AOS NENOS E NENAS.

Chegou a hora

Versión en HD: http://youtu.be/4a4aDwDq7-s?hd=1

Non recomendado para menores de sete anos

14/03/2013

Animados pola fantástica experiencia do lipdub do pasado ano, comezamos este novo curso coa intención de proseguir coa gravación de ideas que rondaban por algunhas cabeciñas. De camiño pensamos que a festa do Samaín era unha boa ocasión para convocar aos rapaces maiores e facer unhas tomas dunha procesión de cabazas e candeas... a idea sentou de marabilla e acudiron entusiasmados unha tarde de novembro para disfrazarse e facer cantas escenas fosen requiridas!

Case á vez, xurdiu outra proposta para un vídeo dunhas rapazas de 2º da ESO e ocorréusenos que podía ser boa idea mesturar as dúas cousas. De aí foi agromando o guión desta historia "de medo" ambientada no Feal e protagonizada por rapaces de 2º e 4º de ESO.

Aínda que o primeiro día de gravación desa segunda parte da historia foi algo desalentador (os risos eran tan irreprimibles que as caras dos actores e actrices non daban nadiña de medo!!), os que viñeron despois foron deixando claro que a cousa prometía. Pouco a pouco fomos gravando as distintas escenas, pensando na montaxe, na música,... ata que - xa case postos nas vacacións de Nadal - conseguimos facernos coa última toma necesaria. Á volta das vacacións puxémonos cos remates: a montaxe definitiva, as últimas pezas da banda sonora, os créditos... e chegou a hora da estrea, xa entrado o mes de marzo! Postos a escoller unha data, pensamos nos números e gustounos que fose o 13 do 3 do 2013, ás 20:13h, cando xa se ía indo a luz do día.

Nota pintoresca: Xa temos presentada a curtametraxe no Festival de Cans!!

 

Versión en HD: http://youtu.be/r-Mf26laVug?hd=1

Celebramos o Día de Rosalía

 

24/02/2013

Desde o CPI do Feal decidimos participar na celebración do Día de Rosalía, establecido o 24 de febreiro conmemorando a data do seu nacemento. Seguindo unha iniciativa da AELG (Asociación de Escritoras e Escritores en Lingua Galega) fixemos a gravación do poema 22 de Cantares gallegos.

Nela interveñen catro rapaces do noso centro que non son galegos de orixe:

  • XIEMIAO LIU, China, 1996 (3º ESO Diversificación)
  • NABIL TOUIJAR, Marrocos, 1995 (PCPI)
  • FERNANDA MORALES LOPERA, Colombia, 1998 (3º ESO)
  • CATHERINE FERNÁNDEZ FACCHIN, Uruguai, 1998 (3ºESO)

Temos que felicitar a estes catro rapaces e transmitirlles a emoción e agradecemento cos que nos contestaron desde a AELG nestes días ao recibir o noso traballo.

Pódense ver todas as lecturas colectivas dos distintos centros participantes en www.aelg.org (aínda que tardan moito en cargarse).

Xa está aquí A Tribo 2012

A Tribo 9 - 2012

10/01/2013

Un ano máis, grazas a toda a xente que participou na nova edición da nosa revista. Esta vez chega cun pouco de retraso, pero xa está dispoñible en papel e en formato dixital. O alumnado que rematou a ESO ou o PCPI en 2012, pode recoller o seu exemplar en papel na Conserxería.

Enderezos electrónicos

  • Equipo directivo: cpi.feal@edu.xunta.es
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido