Aquí tedes as dúas postais e o calendario que levamos este ano á imprenta. O calendario pódese ampliar facendo clic nel.

Como vedes nas postais, os autores delas foron Sara Seijo (6º A de Primaria) e Mario Mouriz (5 anos), mentres que os autores do calendario foron:

Entre tantos debuxos que se fixeron non foi doado elixir. Grazas aos nenas e as nenas polo seu traballo, e aos titores e titoras porque sabemos que sen a súa colaboración isto non sería posible.

17/06/2008

A espera mereceu a pena, moi poucos centros poden presumir dunha revista de tanto nivel.

A portada ten un fondo de Daniela Calderón de 4º de ESO e un logotipo da profesora de Plástica Sonia Álvarez.

Sonia foi a cociñeira deste número. En primeiro lugar xa custou reunir tódolos ingredientes, pero despois tamén houbo moito que cociñar, non vos podedes imaxinar. O traballo de Sonia foi descomunal, aínda que nalgúns momentos contara con pinches entre o alumnado ou o profesorado. Tódolos anos é así, pero nesta ocasión aínda houbo máis ambición posto que a revista chegou ás 56 páxinas (24 delas en cor) con gran cantidade de ilustracións.

Grazas polo teu esforzo Sonia, e felicidades polo fantástico resultado.

19/05/2008

O pasado venres entregáronse os premios de Intercentros 2008 no auditorio do Concello de Narón. Na foto podedes ver a María Yáñez entregando o 1º premio de Expresión Oral aos nosos alumnos/as de 3º de ESO - B, pero hai máis imaxes na Galería.

Lembramos que en 2009 tocaralle ao CPI do Feal organizar o XX Festival Intercentros do Concello de Narón. Unha vez máis, parabéns para os premiados!!

07/05/2008

Recompilamos tódolos primeiros premios obtidos por alumnos/as do CPI do Feal no XIX Certame Intercentros de Narón:

• Cómic: Cintia Saura Vázquez de 2ºde ESO – C, con “A festa do marisco”.
• Narrativa: Tania Castro Fernández de 4º de ESO – A, con “Amigas para sempre”.
• Reportaxe Xornalística: Cristóbal Vergara Vigo de 4º de ESO – C, con “Os rallys na comarca”.
• Expresión Oral: alumnos/as de 3º de ESO - B dirixidos por Paloma García , cunha adaptación da obra de Núñez Singala “A comedia bífida”.

Recibimos un vídeo coas dúas obras teatrais que representaron ao noso centro no Certame: a premiada e a dos alumnos de 6º de Primaria dirixidos por Loli Abelleira e Eva Bouza, os cales representaron a obra “Colorín, colorado, esta guerra xa está rematada”. Na sala non había un equipo de son axeitado polo que é difícil entender os diálogos e ademais a cámara non estaba estable, pero fixemos dous pequenos resumos que podedes ver pinchando en cada unha das fotos. Ademais, recibimos algunhas fotos da obra de Infantil - Freixeiro que podedes ver na Galería.

Grazas a tódolos participantes por deixar tan alto o pavillón do Feal!!

Obra de Secundaria premiada

Obra de Primaria

Obra de Infantil - Freixeiro

Aquí tedes as dúas postais e o calendario que levamos este ano á imprenta. O calendario pódese ampliar facendo clic nel.

Como vedes nas postais, os autores delas foron Edgar Gómez e Ivan Ferreira, mentres que os autores do calendario foron:

Un millón de grazas a tod@s.