Saltar navegación.
Inicio
Narón (A Coruña)

Bioloxía e Xeoloxía

Os volcáns do Feal

          Infantil - 3 anos

27/05/2019

O pasado mércores 22 de maio, o alumnado de 4º da ESO de Bioloxía e Xeoloxía desenvolveu un "Obradoiro de erupción de volcáns" na aula de Infantil de 3 anos, no que os máis pequenos aprenderon un pouco sobre os volcáns, e viron unha erupción a pequena escala.

Premiados no concurso "Frases da Ciencia"

Frases da Ciencia 2019

11/02/2019

Xa temos gañadores do concurso “Frases da Ciencia”!

  • 1º de ESO: Iara Leal Cendán
  • 3º de ESO: Iván Ferreira Galego
  • 4º de ESO: Noa Filgueira Piñeiro

PARABÉNS!

Obradoiro de fósiles en Infantil de 3 anos

07/02/2019

O pasado mércores 6 de febreiro, e na  aula de 3 anos, algúns alumn@s de 4º de ESO desenvolveron un obradoiro no que os máis pequenos aprenderon a facer un fósil.

Ao final da actividade, os nenos pequenos quedaron cos seus fósiles, e os maiores coa ledicia da canción que lles brindaron os de 3 anos. Os demais quedamos con este vídeo de recordo, coas fotos da actividade.

Prácticas con polo no laboratorio

06/02/2019

O alumnado de 6º de Primaria pasou recentemente polo laboratorio de Secundaria para facer unha práctica de disección e observación dos distintos tecidos que forman parte dun órgano. Para isto, estiveron guiados por alumn@s de 3º de ESO, que exerceron de monitores. Queda este vídeo de recordo coas fotos destas sesións.

Frases de ciencia

Ciencia no corredor

04/12/2018

Seguindo coa conmemoración do mes da Ciencia, dende o Departamento de Bioloxía e Xeoloxía, en colaboración coa Biblioteca de Secundaria, propoñemos un concurso dirixido ao noso alumnado.

Ao longo dos corredores están colocadas catro frases, correspondentes a enunciados científicos. Hai que ler con atención e pensar a que teorema, hipótese ou lei corresponde cada unha; quen a formulou; a cal das ciencias pertence. (Seguro que se estiveches atent@ ás clases non terás problema para resolver estes enigmas).

Solicita na biblioteca a ficha de participación e responde ás preguntas establecidas para cada enunciado. Cando estea cuberta, deposítaa na urna habilitada na mesma biblioteca. O prazo de entrega remata o 31 de xaneiro.

As bases completas do concurso atópanse nos propios corredores. Os premios serán libros de temática científica.

As células do Feal

22/11/2018

O alumnado de 3º da ESO fixo unhas maquetas dalgúns tipos de células humanas, como parte do desenvolvemento do seu traballo na materia de Bioloxía. Podedes velas no vídeo que abre este artigo.

Votacións para o concurso de fotos da Natureza de Secundaria

06/11/2018

Cal destas fotos é a que máis che gusta? Míraas ben e queda co número da foto que prefiras. Despois vota para decidir entre todos cal é a mellor.

Para votar hai que entrar na aula virtual e ir a “Concurso fotos da Natureza”, entrar no sitio da votación, e escoller o número da foto que máis che gustou. O prazo para votar é desde o 7 ao 22 de novembro.

Como alternativa ao vídeo que abre este artigo, as fotos están expostas na entrada do centro. Grazas pola túa colaboración.

Fotos da Natureza 2018

 

Blog de Ciencia

08/10/2018

O Departamento de Bioloxía e Xeoloxía está a lanzar un blog para traballar co alumnado da ESO. Presentará actividades levadas a cabo polo alumnado, e divulgará novas sobre ciencia, concursos, etc. O seu nome é “Aprendiendo con/ciencia” e o seu enderezo escienciaparatodos.blogspot.com (que queda engadido no bloque "Blogs do Feal" da nosa web oficial). Moitas grazas aos alumnos Noa Filgueira e Mario Mouriz (de 4ª A) pola grande implicación neste proxecto.

Para incentivar a participación, abrimos este blog publicando nel as bases dun concurso de noticias científicas ("A mellor nova de ciencia"):

O concurso será trimestral, de xeito que en cada avaliación escollerase a mellor nova. O concurso consiste en recompilar noticias científicas, resumilas e subilas ao blog. Acompañando este resumo, deben aparecer as seguintes partes:

  1. Título para a noticia
  2. Nome e curso do alumno e materia na que se fixo o traballo
  3. Medios de comunicación dos que se recolle a noticia (xornal, xornal científico ou sitio web)

Anímate e participa.

Concurso “Fotografías da Natureza” curso 2018/19

Praia de Doniños

Praia de Doniños

05/10/2018

Un ano máis, convócase ao alumnado da ESO do Feal a participar no Concurso de fotos da Natureza, cun premio de dúas entradas de cine. Achegamos as bases do concurso.

Ademais da foto vencedora en 2017 (feita por Sara Caro) que abre este artigo, deixamos a continuación algunha máis das que se presentaran o ano pasado:

Acantilados

Acantilados

 

Canóns do río Sil

Canóns do río Sil

 

O bosque

O bosque

Brais e Mario falan pola radio

Brais e MarioFai clic para escoitar a entrevista

05/05/2018

Todos os anos, a profesora de Bioloxía (María Varela) propón aos seus alumnos participar cun proxecto de investigación que se poida presentar a un concurso. Algún ano non se anima ninguén; noutros hai moitos, pero ningún seleccionado a concurso. Este ano presentamos dous proxectos ao concurso de Galiciencia, os dous igual de interesantes, pero só un foi seleccionado, o presentado por Brais Rodeiro e Mario Pereira, de 1º ESO B.

Por tal motivo Mario e Brais, xunto coa súa profesora, foron entrevistados por RadioVoz o mércores 2 de maio. Nesa entrevista, explicaron que foron capaces de producir electricidade con patacas e acender pequenos aparatos como LEDs,  calculadoras e reloxos dixitais. Tamén que se van 3 días a Ourense a presentar ese proxecto, e que se gañan o concurso no que participan, irán a outra feira-concurso a Barcelona, Bilbao ou A Coruña.

Engadimos un enlace a un artigo publicado no Diario de Ferrol do 5/5/2018 sobre o mesmo asunto.

Parabéns a estes novos científicos e sorte no concurso!

Enderezos electrónicos

  • Equipo directivo: cpi.feal@edu.xunta.es
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido