Saltar navegación.
Inicio
Narón (A Coruña)

4º de Primaria

Programa de Natación Escolar

Piscina municipal

21/04/2017

Na imaxe podedes ver ao noso alumnado de 4º de Primaria na piscina municipal de Narón, xa que hoxe comezou a súa participación no Programa de Natación Escolar organizado polo Concello. A actividade continuará todos os venres restantes deste curso.

Día Mundial de Concienciación sobre o Autismo

FerrolFai clic para ver máis fotos

07/04/2017

Esta mañá, o alumnado de 4º de Primaria acompañou ao alumnado de ASPANAES, a percorrer un anaco do Camiño Inglés, dende o Porto de Ferrol ata a Praza de Armas, para conmemorar o Día Mundial de Concienciación sobre o Autismo.

@s espeleólog@s do Feal

Minerais 2016Fai clic para ver máis fotos

26/11/2016

O alumnado de 4º de Primaria tivo a sorte de participar recentemente nun obradoiro sobre as Propiedades dos minerais impartido polo alumnado de 1º de ESO B, e guiado pola profesora de Bioloxía, María Varela.

O obradoiro levouse a cabo en varias sesións, unha para cada aula. Nestas sesións, os nenos e nenas de 4º de Primaria manipularon distintos minerais nos que puideron comprobar de forma directa algunhas das súas propiedades (cor, cor de raia, brillo e forma).

O alumnado gozou e aprendeu moito na realización desta actividade. A partir de agora… os minerais son outro mundo.

Non hai mellor maneira de aprender que aprender facendo entre iguais. O enriquecemento mutuo do que ensina (alumnado da ESO) e do que aprende (alumnado de Primaria), guiado pola profesora coordinadora, é un dos sendeiros na formación de persoas íntegras. 

As titoras de 4º de Primaria

Visita a Exponav

Exponav 2016

11/04/2016

O pasado martes 5 de abril, o alumnado de 4º de Primaria visitou Exponav, o museo da construción naval de Ferrol. Ademais, na fundación Abanca, asistiron a unha exposición fotográfica sobre a emigración galega, e participaron nun obradoiro.

Unha pequena exposición de figuras de plastilina

Exposición de plastilinaFai clic para ampliar a foto

27/05/2015

No corredor onde están as nosas aulas de 4º de Primaria, podedes ver as divertidas figuras de plastilina que fixo este alumnado recentemente.

Crónica da disección dunha lura

LuraFai clic para ver as novas fotos enviadas por Ana Allegue
(ademais das xa coñecidas de María Varela)

29/01/2015

A nosa experiencia no laboratorio (o pasado 18 de decembro) consistiu en disecar unha lura. Para levala a cabo tivemos como mestres a distintos alumnos/as de 2º e 3º da ESO coa supervisión da súa profesora de Bioloxía (María Varela). En grupos de dous ou tres, íannos ensinando as partes da lura (ollo, mandíbulas, pluma, tentáculos...). Estoupamos a bolsa de tinta nun vaso de auga e aprendemos a distinguir entre macho e femia.

Tamén aprendemos a empregar utensilios do laboratorio como as tesoiras, a coitela, as pinzas, a lanceta, etc. Todo isto vímolo primeiramente nas bandexas de disección, e logo, tivemos a oportunidade de velo no microscopio. Finalmente, recibimos unhas fichas para traballar todo o que fixemos no laboratorio.

A experiencia resultou fantástica dado que foi a primeira vez que estivemos nun laboratorio e traballamos nel. Encantaríanos que nos volvesen convidar e agradecémoslles que nos ensinasen desta maneira tan nova e inesquecible para todos nós.

Alumnado de 4º A e titora

Visita á Granxa Escola Belelle

Belelle 2013Fai clic para ver máis fotos

11/06/2013

A pasada semana, o noso alumnado de 4º de Primaria visitou a Granxa Escola Belelle (Neda) acompañado polos seus titores. Deixamos un pequeno resumo fotográfico da actividade na nosa Galería.

Obradoiro de prensa en 4º de Primaria

Francisco Varela en 4º A

Fai clic para ver máis fotos

19/04/2013

O xornalista de La Voz de Galicia Francisco Varela (con dúas fillas no noso centro) estivo esta mañá na aula de 4º de Primaria A dirixindo un pequeno obradoiro de prensa. Podedes ver máis imaxes desta actividade (xunto con outras deste ano do mesmo grupo) na nosa Galería. Moitas grazas a Francisco Varela pola colaboración co noso centro!

Cooperativismo en 4º de Primaria

Cooperativismo

17/03/2013

Temos novas fotos da aula de 4º A de Primaria na nosa Galería, neste caso de actividades de cooperativismo, aínda que hai novas fotos adicionais do mesmo grupo nos seguintes álbums:

Moitas grazas a María Manso polo novo material... e perdón polo retraso na publicación!

Fotos de 4º A de Primaria durante o outono

Aldea Nova 2012

27/12/2012

A nosa compañeira María Manso enviounos fotos de actividades da súa clase (4º A de Primaria) durante o outono de 2012. Podes ver unha selección na nosa Galería:

Pedimos desculpas polo retraso na publicación (ultimamente houbo moito traballo na web). Grazas María!

Enderezos electrónicos

  • Equipo directivo: cpi.feal@edu.xunta.es
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido