Vídeo coa canción Cantarela dos nenos

con letra de Neira Vilas e interpretada por Na Virada

29/01/2016

Ademais do vídeo gravado esta mañá na entrada do noso centro para celebrar o Día da Paz (tras varios anos con choiva que nos obrigaran a festexalo no patio cuberto), publicamos unha presentación que nos enviaron as profesoras de 1º e 2º de Primaria con imaxes do seu alumnado.

Presentación de 1º e 2º de Primaria

30/10/2014

Deixamos aquí unha pequena mostra das cabazas feitas por 3º e 4º de Primaria en colaboración con monitores do Concello de Narón.

04/12/2013

Non deixedes de visitar o noso fantástico tren de postais de Nadal, situado no corredor que leva ao edificio de Infantil e Primaria.

11/12/2013

Nas imaxes podedes ver debuxos feitos polo noso alumnado de Primaria para dous concursos:

• O 2º Ciclo de Primaria participa no III Concurso Infantil de Debuxo do Nadal, organizado polo Motoclub Fojeteiros (en colaboración co Concello e Comercio de Narón).
• O 3º Ciclo de Primaria participa no Concurso de Debuxo Infantil "Os nosos portos", organizado pola Autoridade Portuaria de Ferrol - San Cibrao, e cunha temática relacionada co mar e os portos.

10/06/2013

Xa temos os equipos que xogarán as semifinais do torneo de baloncesto. Moita sorte a todos!

• Martes 11 de xuño: Saltarines - Monster
• Xoves 13 de xuño: Sarandongas - Aguias

18/11/2010

O pasado 12 de novembro celebramos no colexio o Magosto. A xornada como non podía ser doutra maneira iniciouse comendo castañas. Despois saímos ao patio a facer diferentes xogos populares: carreiras de sacos, lanzamentos de castañas, o pano etc.

José Manuel Timiraos e Juan Carlos Bedia, 11/06/2010

Hoxe venres 11 de xuño, finalizaron as visitas que @s nos@s alumn@s desde 1º a 5º de primaria, fixeron ao campo de golf do Club Campomar de Narón. Os alumn@s coñeceron os aspectos básicos deste deporte e deron os seus primeiros golpes.

Agradecer desde aquí ao Club Campomar e ao Concello de Narón, a súa invitación, esperando  voltar o vindeiro curso.

Fai clic para ver máis fotos

30/05/2010

O pasado venres 28 de maio, tivo lugar a terceira marcha ciclista organizada polo Concello para o alumnado de entre 3º e 6º de Primaria de Narón. Eva Mª Bouza entregounos varias fotos da saída do Feal.

Yaiza Méndez Lago (6º B), 16/04/2010

O venres 9 de abril de 2010, fomos os rapaces e rapazas de 5º e 6º de Primaria ao Pazo Libunca, máis coñecido coma "Chalet de Cabezas". Alí unha rapaza do Concello explicounos que o Pazo Libunca era unha obra do século XX, construído coma pazo de recreo para unha familia galega, do ano 1920 ao 1922. Foi rehabilitado no ano 2002 para recuperar o estilo orixinal de principios de século.

Para iso conservaron as madeiras, vidrieiras, mármoles e materiales nobles. O pazo está rodeado con árbores de máis de 100 anos. Tamén había un estanque con peixes, aínda que a min o estanque non me gustou moito porque a auga estaba moi sucia.

Fai clic para ver máis fotos

26/11/2009

O pasado 19 de novembro, parte do noso alumnado de Primaria visitou Aldea Nova para aprender cousas das abellas. Pódese ver algunha foto máis na Galería, no álbum de "Aldea Nova 2009", que xa tiña outras fotos deste ano.