Preme para ampliar a foto

06/11/2023

O alumnado da ESO participou nun Concurso de microrrelatos terroríficos co gallo da celebración do Samaín no noso centro. Aquí vos deixamos unha fotografía das gañadoras e gañadores. Parabéns!

A Tribo 2023

20/06/2023

Aquí tedes o número 20 da nosa revista A Tribo. Seguimos sen volver ao papel, pero isto permite publicar moitos máis contidos. Grazas especiais a Rosalía Ferreiro García (que se trasladará a un novo centro en breve), polo seu traballo de coordinación e deseño, e en xeral a toda a xente colaboradora.

16/05/2023

O pasado 11 de maio celebrouse no Pazo da cultura do Narón a entrega de premios do XXXII Certame Intercentros. Co gallo das Letras Galegas 2023, dedicadas a Francisco Fernández del Riego, todos os centros educativos públicos do concello participaron no certame celebrado os días 18 e 19 de abril.

O alumnado de Educación Infantil, 2º e 3º de Primaria actuou na categoría de canción, levando cadanseu premio por participación e un accésit de 50€ no caso dos grupos de 3º. Canto ao alumnado de Secundaria, cinco alumnas de 1º de ESO presentáronse na categoría de expresión oral contando lendas tradicionais da nosa comarca, mentres que alumnado de 2º de ESO A interpretou unha canción tradicional galega e mais tres obras teatrais. Como resultado destas actuacións, levaron un total de dous premios de 100€ nas súas categorías e tres accésits de 50€.

No que respecta a traballos escritos, o CPI do Feal foi o centro con maior número de textos entregados a concurso e o noso alumnado de 1º, 2º e 3º de ESO foi vencedor nun total de cinco categorías. Parabéns a todo o alumnado participante e ánimo para o ano que vén!

Podedes consultar a listaxe de premiad@s na imaxe que achegamos.

Preme para ver máis carteis

07/03/2023

Os grupos de 2º ESO estiveron traballando o texto publicitario nas aulas de lingua galega e, aproveitando estes coñecementos, crearon carteis para concienciar e promover a nosa lingua e cultura. Velaquí unha pequena mostra dos seus deseños!

25/02/2023

O 23 de febreiro (polo aniversario do seu nacemento), celébrase o día de Rosalía de Castro. Por este motivo, creamos entre todos “O xardín de Rosalía”, un recuncho para homenaxeala cheo de pensamentos (a súa flor preferida).

O pasado venres 24, clase por clase, o noso alumnado de Infantil e Primaria colocou as flores no xardín de Rosalía. Alí estaba Rosalía, coa que os nenos conversaron. Como agradecemento, Rosalía recitoulles algún dos seus poemas. Grazas por facelo tan fermoso!

Para completar este artigo, engadimos diversos recursos educativos sobre o tema recompilados polo equipo da Biblioteca de Infantil e Primaria.

“Eu son libre. Nada pode parar os meus pensamentos, eles son os que dirixen o meu destino”. Rosalía de Castro

Preme para ver o calendario completo

22/12/2022

O noso calendario de 2023 está dedicado a escritores/as de Ferrolterra.

Os traballos seleccionados son do seguinte alumnado de Primaria e Secundaria:

Os gañadores de Infantil e Primaria para as tarxetas foron:

Preme para ver a postal completa

Moitas grazas a todo o alumnado participante (e aos titores/as).

Boas festas e feliz 2023!

Preme para ampliar a foto

18/11/2022

Con motivo do Samaín, o equipo de Dinamización da Lingua, organizou un concurso de relatos de terror. Foron moitos os traballos presentados polo alumnado da ESO. Grazas a todos pola participación. Tras a deliberación do xurado, esta mañá fíxose entrega dun agasallo aos rapaces premiados en cada categoría.

• Categoría 1º-2º de ESO: O primeiro premio foi para Tania López Pazos (2º C), o segundo premio correspondeulle a Zeltia Freire Varela (1º B) e  Carla Hermida Valledor (1º B) recibiu o terceiro premio.
• Categoría 3º-4º de ESO: Primeiro premio para Lucía Pereira Pena (3º C), o segundo premio foi para Manuel Freire Cagiao (3º A) e o terceiro premio concedéuselle a Sergio Calvo Meizoso (4º A).

Parabéns a todos os premiados!

18/11/2022

Aquí tedes os resultados dos nosos concursos de Samaín:

Sección de "Microrrelatos de medo" (5º e 6º de Primaria)

• Gañadora: Daniela Alvariño Fraga (6º EP), co relato "O misterio da mansión do Feal".
• Finalistas: Ainhoa Dopico García (6º EP), co relato "Truco e Trato", e Alex Castro Martínez (5º EP), co relato " Unha noite de Samaín".

Sección de "Crea o teu monstro" (3º e 4º de Primaria)

• Gañador: Liam Alfonso Fernández, co monstro Pepe.
• Finalistas: Alicia Filgueira, Damián Izquierdo, Fernando Sinay Ramos, Hugo Díaz Novo, Inés Pereira Cagiao, Javier Gómez Cives, Laura Rivera Montero e Nicolás Pumariño Aneiros.

Ademais, podedes escoitar un podcast onde se explican todas as nosas actividades de Samaín. Os mellores da primeira sección len os seus relatos, o gañador da segunda fala do seu monstro, e tamén hai fragmentos dos contacontos de Infantil.

A Tribo 2022

20/06/2022

Tes a posibilidade de descargar a revista do noso 50 aniversario en pdf, ou visualizala en versión "flipbook". Grazas especiais de novo a Manuel Ángel López, polo seu traballo de coordinación e deseño, e en xeral a toda a xente colaboradora.

05/03/2022

Con motivo da recente conmemoración do Día de Rosalía (23 de febreiro), retomamos os podcasts educativos de Radio Feal, agora tamén en Spotify.

Neste caso, o alumnado de Educación Infantil e de Educación Primaria, colaborou para a gravación dun episodio no que se fai unha viaxe pola vida e obra de Rosalía, contando cun variado abano de seccións: gastronomía, humor, recitado, música, entrevista...

Agardamos que gocedes do traballo dos máis pequenos/as! Vémonos nas Ondas!