Taboleiro de anuncios
Listas provisionais de comedor
10/07/2024
A partir do xoves 11 de xullo, poderedes consultar as listaxes de comedor de admitidos e de espera, no taboeiro de anuncios do centro.
O prazo de alegacións comeza o venres 12 e remata o xoves 18 de xullo.
Calendario de formalización de matrícula - Curso 2024/2025
12/06/2024
Curso | Data | Horario |
EI (Nova admisión) | Do 20 ao 30 de xuño | 09:30 - 13:00 h |
1º EP (Nova admisión) 5º EP (Nova admisión) |
Do 25 ao 28 de xuño | 09:00 - 13:00 h |
1º ESO | 1 de xullo | 09:00 - 13:00 h |
2º ESO | 2 de xullo | 09:00 - 13:00 h |
3º ESO | 3 de xullo | 09:00 - 13:00 h |
4º ESO | 4 de xullo | 09:00 - 13:00 h |
- No caso de irmás/ irmáns que se matriculen en distintos cursos da ESO, poderán formalizar a matrícula o mesmo día.
- O día 5 de xullo poderán formalizar matrícula os que nos días anteriores non puideran facelo.
Solicitudes para o comedor escolar
18/06/2024
Dende o mércores 19 de xuño ao luns 1 de xullo, está aberto o prazo para a solicitude do comedor escolar para o vindeiro curso. As solicitudes pódense presentar na secretaría do centro (excepto o venres 21, para evitar aglomeracións con matrículas de alumnado novo no centro), ou a través do correo electrónico (cpi.feal@edu.xunta.gal) nos casos nos que non poidades desprazarvos ao centro.
Este curso, nas instrucións publicadas pola Consellería, hai un cambio no punto 1 das condicións a alegar, quedando redactado:
1. Alumnado usuario habitual do servizo de comedor no curso anterior, salvo que variase substancialmente o criterio polo que foi admitido.
Por usuario habitual, enténdese aquel usuario ou usuaria que fixese uso continuado e repetido en días fixos a totalidade de semanas do curso.
Fondo libros e axudas de material
22/05/2024
Dende hoxe e ata o día 21 de xuño, podedes solicitar as axudas para libros de texto de 1º e 2º de E. Primaria, o fondo libros de 3º e 4º de E. Primaria e as axudas para compra de material dende 1º de E. Pirmaria a 4º da ESO.
As solicitudes as podedes facer presencialmente no centro cubrindo os ANEXOS I e II e presentado a documentación necesaria, ou ven pola sede electrónica. No seguinte enlace tedes toda a información. https://www.edu.xunta.gal/fondolibros/
Alumnado admitido do CRA de Narón no proceso de reserva de praza
20/02/2024
Todo o alumnado que solicitou praza de reserva dende o CRA de Narón, está admitido para o vindeiro curso.
Pódese consultar a lista no taboleiro de anuncios do centro, ou a través da aplicacion de admisión.
Admisión de alumnado curso 2024-2025
15/01/2024
SOLICITUDE DE RESERVA DE PRAZAS PARA CENTROS ADSCRITOS (para o alumnado do noso centro de 4º de ESO que queira matricularse no vindeiro curso no IES As Telleiras, no seu Bacharelato):
- Prazo: do 15 de xaneiro ao 4 de febreiro.
- Lugar de presentación: secretaría do centro de orixe (CPI do Feal) ou aplicación de admisión con certificado dixital ou chave 365.
SOLICITUDES DE ADMISIÓN (para o alumnado que queira incorporarse no vindeiro curso ao noso centro):
- Prazo: do 1 de marzo ao 20 de marzo.
- Lugar de presentación: secretaria do CPI do Feal, ou aplicación de admisión con certificado dixital ou chave 365.
Prohibición do uso dos móbiles durante toda a xornada escolar
08/01/2024
Aínda que no noso centro xa se tomara esta medida anteriormente, a Consellería de Educación vén de publicar a Orde do 4 de xaneiro cun protocolo que prohibe o uso dos móbiles durante toda a xornada escolar:
"Nos centros docentes de niveis non universitarios sostidos con fondos públicos da Comunidade Autónoma de Galicia que ofrezan algunha das ensinanzas reguladas na lei orgánica educativa en vigor, a prohibición de uso de teléfonos móbiles e outros dispositivos electrónicos como mecanismo de comunicación establecida durante os períodos lectivos debe estenderse tamén, con carácter xeral, á totalidade da xornada escolar, incorporando os períodos non lectivos. En consecuencia, non se permitirá durante a xornada escolar o emprego libre destes dispositivos."
Enderezos electrónicos
- Equipo directivo: cpi.feal@edu.xunta.gal
- ANPA: o.buxato.anpa.o.feal@gmail.com
- Coordinación da web: web.feal@gmail.com
![RSS - Taboleiro de anuncios Distribuir contido](/centros/cpifeal/misc/feed.png)