25/04/2024

A nova entrega do Son do Feal está feita polo alumnado de 3º de Primaria. Contén unha sección sobre Rosalía de Castro e outras sobre diversas actividades realizadas durante o pasado inverno.

27/02/2024

A nova entrega do Son do Feal está feita polo alumnado de 6º de Primaria. Contén unha reportaxe sobre a recente vertedura de polietileno nas nosas augas e unha entrevista con Priya, a nosa actual auxiliar de conversa para a Lingua Inglesa de Primaria.

16/01/2024

Aquí vos deixamos o primeiro podcast do Son do Feal do curso 2023-24, feito polo alumnado de 4º de Primaria.

10/11/2023

Achegamos as gravacións premiadas no concurso de relatos de Samaín para Primaria en 2023:

• Sei que estás esperto - Noa Cao Casdelo, de 6º de Primaria A (1º premio)
• Os catro amigos nunha noite de terror - Nahiel López Feal, de 6º de Primaria C (finalista)
• Samaín no Feal - Inés Pereira Cagiao, de 5º de Primaria C (finalista)

30/05/2023

En 2015, comezárase a utilizar a ferramenta do podcast no Feal, baixo o nome Radio Feal. Despois dun tempo esquecida, retómase a idea baixo o novo nome Son do Feal.

Nesta ocasión, podedes escoitar unha gravación do alumnado de Primaria con motivo do Día do Libro 2023.

05/03/2022

Con motivo da recente conmemoración do Día de Rosalía (23 de febreiro), retomamos os podcasts educativos de Radio Feal, agora tamén en Spotify.

Neste caso, o alumnado de Educación Infantil e de Educación Primaria, colaborou para a gravación dun episodio no que se fai unha viaxe pola vida e obra de Rosalía, contando cun variado abano de seccións: gastronomía, humor, recitado, música, entrevista...

Agardamos que gocedes do traballo dos máis pequenos/as! Vémonos nas Ondas!

Fai clic para escoitar o podcast

19/05/2019

O alumnado de 6º C de Primaria celebrou as Letras Galegas antes de marchar de excursión a Madrid. Para conmemorar a figura de Antonio Fraguas, fixeron unha pequena investigación e escribiron un texto sobre a súa vida. A partir dese texto, elaboraron un pequeno podcast para participar no Certame Escolar de Podcast e Relato Radiofónico Xosé Mosquera Pérez, organizado polo IES Rosalía de Castro e impulsado polos Equipos de Dinamización Lingüística.

Velaquí tedes o resultado.

21/02/2016

Continuamos co proxecto de Radio Feal. Neste caso, abrimos unha serie de entrevistas a alumn@s do noso centro que practican deportes minoritarios. Na foto podedes ver o amplo equipo encargado desta tarefa. Este equipo quere comentarvos que aínda que comezou con nervios, espera coller máis confianza nas próximas entrevistas.

• 15/02/2016: Entrevista a Hugo Castro Meizoso e Daniel López Pazos (6º A de Primaria)

26/10/2015

Comezamos cunha experiencia proposta a finais do pasado curso por un grupo de nais de alumn@s do noso centro. Pouco a pouco iremos subindo aquí diversos arquivos de audio con entrevistas ou reportaxes feitas polo noso alumnado. Nalgúns casos, tamén se podería publicar o vídeo correspondente no noso canal de YouTube.

• 26/11/2015: Entrevista ao micólogo Luis Cuba de Sara Caro e Santiago Paz (6º de Primaria) coa axuda de Ana Belén Martínez e José Manuel Timiraos

• 23/10/2015: Entrevista ao escritor Antonio Lozano de María Arribí e Pedro Díaz (3º de ESO A) coa axuda de Mónica Fernández