Saltar navegación.
Inicio
Narón (A Coruña)

Dinamización da Lingua Galega

Erro no mes de decembro do noso calendario 2018

Decembro de 2018Fai clic para abrir o pdf

03/12/2018

Houbera un erro de imprenta no mes de decembro do noso calendario 2018, de xeito que todas as datas aparecían desprazadas un día. Achegamos a páxina corrixida en pdf.

Aproveitamos para lembrar que a Consellería de Educación estableceu que o venres 7 de decembro de 2018 non é lectivo.

Entrega dos premios de Intercentros 2018

Logo

15/05//2018Fai clic para ver máis fotos

15/05/2018

Este ano, o CPI do Feal foi especialmente premiado no Certame Intercentros de Narón, ademais de ser o centro organizador. Grazas e parabéns para todo o alumnado que figura a continuación e o profesorado que o axudou.

Nas fotos do acto de entrega de premios, celebrado hoxe no Pazo da Cultura (e pechado pola nosa concelleira de Ensino Mercedes Taibo), ademais dos premiad@s do Feal actual, tamén podedes atopar tres das nosas ex-alumnas e unha das nosas ex-mestras...

Bases do XXIX Certame Intercentros "Concello de Narón"

Logo

Intercentros 2018

17/03/2018

Achegamos as bases do XXIX Certame Intercentros de Narón.

  • Este ano o CPI do Feal é o centro organizador, e por iso temos unha interese especial en que haxa unha alta participación.
  • Lembramos que os paneis de cartón pluma teñen que estar na nosa conserxería antes do 9 de abril.
  • A fase de expresión oral realizarase no Pazo da Cultura os días 18 e 19 de abril.
  • Precisamos que @s interesad@s en participar informen á Coordinadora de Dinamización (Paula de Infantil) o antes posible.

Escaleira de Castro

Logo

Escaleira de CastroFai clic para ver máis escaleiras

17/03/2018

O pasado 24 de febreiro celebramos no centro o Día de Rosalía, pero na web despistámonos e non faláramos aínda dunha actividade que se fixo con tal motivo en Infantil e Primaria:

Despois de pintar as tabicas da escaleira de Primaria en diferentes cores, cada aula deste bloque escribiu nelas un par de versos de Rosalía de Castro. Engadimos un pequeno vídeo feito por Paula Neira co alumnado de 3 anos e un poema desta escritora.

Concurso do cartel anunciador de Intercentros 2018

Logo

19/02/2018

Como centro organizador do Certame Intercentros 2018, correspóndenos convocar o concurso para seleccionar o seu cartel anunciador:

  • Deberá centrarse na celebración do Día das Letras Galegas 2018, ser orixinal e inédito.
  • Será de concepción e técnica libres, sempre que sexa posible a súa reprodución.
  • Os traballos deberán presentarse sobre papel, cun tamaño de de 45 x 30 cm (tamaño A3), e antes do 27 de febreiro.
  • Deberá integrar a seguinte lenda: Letras Galegas 2018.
  • O nome e o curso irá na parte traseira do papel.

Casamento dos paxariños

Logo

Casamento dos paxariños 2018

Fai clic para ampliar a imaxe

07/02/2018

Un ano máis o mes de febreiro chegou, mes do amor, onde as aves buscan parella para facer o seu niño na metade do ciclo de inverno.

Este curso as nenas e nenos de tres anos pintamos pólas de cor branca e con elas fixemos a nosa propia árbore das emocións.

Acendimos candeas que penduramos da árbore e demostrámos o amor que sentimos uns polos outros dándonos apertas.

Casamento dos paxariños 2018

Fai clic para ampliar a imaxe

Calendario do Feal 2018 e postal de Nadal

Calendario do Feal 2018Fai clic para ampliar a imaxe

22/12/2017

As protagonistas do noso calendario de 2018 son as mulleres "bravas" galegas.

Os traballos seleccionados son do seguinte alumnado da ESO:

Unay Seco Ocampo
1º de ESO C Xaneiro
Greilin Reyes García
3º de ESO A Febreiro
Brais Rodeiro Fraga
1º de ESO B Marzo
Pedro Seco Ocampo
1º de ESO A Abril
Andrea Fernández Fraguío
2º de ESO B Maio
Alba Fachal Durán
4º de ESO A Xuño
Noa Filgueira Piñeiro
3º de ESO B Xullo
Laura Corral Rodríguez
4º de ESO B Agosto
Irene Mas López
2º de ESO A Setembro
Sara Paredes Bascoy
2º de ESO C Outubro
Sally Jennsy Reyes García
2º de ESO B Novembro
Lucía Rodríguez Bernárdez
1º de ESO A Decembro

 

Fe de erratas na versión impresa:

Unay Seco Ocampo é de 1º de ESO C.

Andrea Fernández Fraguío debería levar o acento do i.

A colocación das datas de decembro corresponde a 2017.

 

Os gañadores de Infantil e Primaria para as tarxetas foron:

Bruno Oreona Pita
Infantil - 3 anos
Marcos Domínguez Alonso
6º A de Primaria

 

Postal 2017 - Infantil

Postal 2017 - Primaria

Moitas grazas a todo o alumnado participante (e aos titores/as).

Boas festas e feliz 2018!

Samaín robotizado

Logo

Samaín robotizado

Fai clic para ampliar a foto

02/11/2017

Nos dous primeiros recreos desta semana, o alumnado de 6º de Primaria presentou un xogo de preguntas e respostas sobre a orixe do Samaín, feito por eles mesmos. O máis orixinal da actividade é que o encargado de confirmar a resposta correcta era un pequeno escornabot.

Xa podes descargar a versión dixital de A Tribo 2017

Logo

A Tribo 14 - 2017A Tribo 2017

27/06/2017

Publicamos xa a versión dixital de A Tribo 2017. Grazas especiais a Paula Neira, porque este ano tivo que encargarse tanto da coordinación como do deseño da revista, sendo ademais a súa primeira experiencia nesta actividade. Bo traballo!!

Día das Letras Galegas 2017

Logo

Carlos Casares e O Feal

Fai clic para ampliar a imaxe de Carlos Casares e buscar a túa foto (65,55 MB)

17/05/2017

Presentar a figura de Carlos Casares na súa celebración do Día das Letras Galegas deste 2017 non é doado. Que faciana escoller? Escritor, editor, conferenciante, ensaísta, activista cultural, lector atento, crítico literario, cidadán implicado na recuperación do autogoberno en Galicia...

Ocasión haberá nestes días de salientar biografía e obra, con abondosa produción tanto para pequenos como para grandes, na procura de continuar coa sedución de lectores e lectoras. Sedución que sentimos cando nos achegamos a "un país de palabras", facéndonos conscientes do tesouro que significa posuír lingua propia.

A imaxe-mosaico de conmemoración do Día das Letras 2017 dedicado ao escritor Carlos Casares xorde da colaboración do IES Leixa co noso centro: do Ciclo Formativo de Grao Medio en Impresión de Artes Gráficas co noso Departamento de Lingua e Literatura Galega e co Equipo de Dinamización da Lingua galega.

O mosaico foi realizado pola alumna Irene Aneiros González, de 1º de Ciclo Medio de Preimpresión, no módulo de TIM (Tratamento da imaxe en mapa de bits). O traballo seleccionado foi supervisado pola profesora Celia María Menéndez, a quen lle agradecemos a súa xenerosidade.

Agradecemos a colaboración de toda a comunidade educativa que participou nesta actividade, así como o traballo realizado polo alumnado, con especial mención para a alumna de 3º de ESO A, Alba Fontal Bouza, que realizou as fotografías, e ao alumno de 2º de ESO A, Adrián Rodríguez Castro, que colocou a exposición de fotos e paneis.

Luisa Bel Ortega

Enderezos electrónicos

  • Equipo directivo: cpi.feal@edu.xunta.gal
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido