Saltar navegación.
Inicio
Narón (A Coruña)

Dinamización da Lingua Galega

Enquisas sobre o idioma no ensino galego

11/06/2009

Dende a Coordinadora Galega de Equipos de Normalización e Dinamización Lingüística, chegounos unha carta acompañada dun tríptico informativo sobre o debate actual do idioma no ensino.

O Equipo de Normalización do Feal tamén quere sumarse a esta iniciativa e axudar a difundir  esta información entre a comunidade educativa.

Dominar máis dunha lingua é unha vantaxe e por iso, cremos que os nosos rapaces deben ter garantía de que na escola aprenderán por igual galego e castelán, acadando un uso normal das dúas.

Vídeo da entrega dos premios de Intercentros 2009

Marina Laura Filgueira Martínez
Fai clic para ver o vídeo

16/05/2009

O pasado 15 de maio, celebrouse a entrega dos premios do XX Certame Intercentros de Narón, que organizou o CPI do Feal. Achegamos un vídeo cos premios recibidos polo noso centro. Chama a atención o rebumbio do público.

Nota: En 2008, o centro mercou un trípode para estabilizar a cámara de vídeo, e de feito está levándose aos eventos. Sen embargo, a xente que se ofrece a gravar resístese a utilizalo.

Exposición dos murais de Intercentros 2009

Exposición de Intercentros 2009 en Odeón
Fai clic para ver máis fotos

12/05/2009

Os murais que fixo o alumnado de Narón para o XX Certame Intercentros estarán expostos no centro comercial Odeón ata o luns 18 de maio. Podedes ver máis fotos na Galería.

Aproveitamos para publicar unha imaxe dos carteis sobre as Letras Galegas 2009 expostos na entrada principal do noso centro.

Letras Galegas 2009
Fai clic para ampliar a foto
 

Vídeos de Intercentros 2009

Intercentros 2009

Un caso verídico (con Andrea, Tatiana e Ángel)

 

Intercentros 2009

Amar pode matar - (Adrián e Bruno)

Achegamos o texto do rap en pdf

 

 

Intercentros 2009

Santo Domingo de la Calzada,
onde cantou a galiña despois de asada
(4º/3º de ESO)

 

24/04/2009

Onte recibimos na web tres vídeos das actuacións da ESO en Intercentros. As gravacións volven a ter problemas co son e a estabilidade da cámara como o ano pasado, pero teñen un gran valor documental. Podedes facer clic nas fotos para ver os vídeos, aínda que os arquivos son bastante grandes e a súa descarga será lenta; hai fotos adicionais na Galería. A maior sorpresa para nós foi descubrir que se fai hip-hop no Feal. Temos esperanzas de recibir tamén imaxes das actuacións de Primaria e Infantil durante os próximos días.

O Equipo de Normalización e Dinamización Lingüística agradece a todos os alumnos e alumnas do CPI do Feal a súa participación no XX Certame Intercentros do Concello de Narón e felicita a todos pola súa actuación. Este equipo tamén quere dar as grazas ao profesorado que traballou co alumnado participante.

Xa podemos publicar a relación de premiados do noso centro:

  • O alumnado de 6º A de Primaria na modalidade de teatro, coa obra "O señor Piñeiro".
  • Andrea, Tatiana e Ángel de 2º de ESO, na modalidade de teatro, coa obra "Un caso verídico".
  • Adrián e Bruno de 3º de ESO, na modalidade de canción, coa titulada "Amar pode matar".
  • Rocío Soler de 4º de ESO, na modalidade de poesía, con "Nos teus ollos sumerxida".

Moitas grazas!!

Cartel anunciador das Letras Galegas 2009

Cartel de Intercentros 2009

Fai clic para ampliar a imaxe

31/03/2009

A imprenta xa rematou o cartel anunciador das Letras Galegas 2009 para Narón. Lembramos que ésta foi a primeira actividade do Certame Intercentros que este ano organiza o noso centro, e que o cartel gañador fora elaborado pola a nosa alumna de 6º de Primaria Marina Laura Filgueira Martínez. Parabéns!!

Para completar este cartel, rescatamos o vello logo do Feal que fixera Xaquín Marín cunha lixeira actualización das cores e o texto.

Logo do Feal

Bases do XX Certame Intercentros "Concello de Narón"

Achegamos as bases do XX Certame Intercentros de Narón, que está sendo organizado polo CPI do Feal e terá lugar en abril de 2009.

Bases do concurso do cartel anunciador das Letras Galegas 2009

Ramón Piñeiro López

Ramón Piñeiro López
(homenaxeado no Día das Letras Galegas 2009)


1. PARTICIPACIÓN

Poderá participar todo o alumnado matriculado no CPI do Feal.

2. TEMA

O cartel será anunciador das LETRAS GALEGAS 2009, adicadas este ano a Ramón Piñeiro López.

3. PRESENTACIÓN

A presentación farase nunha cartolina tamaño A-3, empregando un máximo de catro cores.
Nun sobre pechado, pegado no dorso da cartolina, figurarán os datos persoais, curso e grupo do autor ou autora.

4. LUGAR E PRAZO DE PRESENTACIÓN

Os traballos entregaranse na conserxería do propio Centro antes do 27 de febreiro de 2009.

5. PREMIOS

Concederanse 3 premios a través de vales por importes non inferiores a:

  • 1º premio: 150 euros
  • 2º premio: 80 euros
  • 3º premio: 40 euros


6. XURADO

Estará integrado polos membros organizadores do concurso.

7. DITAME

Farase público a través do taboleiro do ENL, expoñendo a acta do concurso.

8. FINAL

A resolución do xurado será inapelable e este pode declarar deserto algún premio.
A participación no concurso implica a aceptación das presentes bases, así como a decisión do xurado.

Nadal 2008/09

Aquí tedes as dúas postais e o calendario que levamos este ano á imprenta. O calendario pódese ampliar facendo clic nel.

Felices Festas 2008

Felices Festas 2008

Calendario 2009

Como vedes nas postais, os autores delas foron Sara Seijo (6º A de Primaria) e Mario Mouriz (5 anos), mentres que os autores do calendario foron:

Xaneiro Marco Rodríguez 1º de ESO A
Febreiro Ariadna Fraguela 1º de ESO B
Marzo Nekane Lechuga 2º de ESO A
Abril Sara Rey 2º de ESO B
Maio Laura Mosquera 3º de ESO A
Xuño J. Carlos Criado 3º de ESO B
Xullo Diego Grandal 4º de ESO A
Agosto Desirée Calderón 4º de ESO B
Setembro Wesley Octavio 3º Diver.
Outubro Cecilia Bernal 4º Diver.
Novembro Lauren López PCPI
Decembro Ywona Nakonieczna PT

Entre tantos debuxos que se fixeron non foi doado elixir. Grazas aos nenas e as nenas polo seu traballo, e aos titores e titoras porque sabemos que sen a súa colaboración isto non sería posible.

A Tribo 2008 xa está aquí!!

A Tribo 2008

17/06/2008

A espera mereceu a pena, moi poucos centros poden presumir dunha revista de tanto nivel.

A portada ten un fondo de Daniela Calderón de 4º de ESO e un logotipo da profesora de Plástica Sonia Álvarez.

Sonia foi a cociñeira deste número. En primeiro lugar xa custou reunir tódolos ingredientes, pero despois tamén houbo moito que cociñar, non vos podedes imaxinar. O traballo de Sonia foi descomunal, aínda que nalgúns momentos contara con pinches entre o alumnado ou o profesorado. Tódolos anos é así, pero nesta ocasión aínda houbo máis ambición posto que a revista chegou ás 56 páxinas (24 delas en cor) con gran cantidade de ilustracións.

Grazas polo teu esforzo Sonia, e felicidades polo fantástico resultado.

Entrega de premios de Intercentros

María Yáñez e 3º ESO - B

19/05/2008

O pasado venres entregáronse os premios de Intercentros 2008 no auditorio do Concello de Narón. Na foto podedes ver a María Yáñez entregando o 1º premio de Expresión Oral aos nosos alumnos/as de 3º de ESO - B, pero hai máis imaxes na Galería.

Lembramos que en 2009 tocaralle ao CPI do Feal organizar o XX Festival Intercentros do Concello de Narón. Unha vez máis, parabéns para os premiados!!

Enderezos electrónicos

  • Equipo directivo: cpi.feal@edu.xunta.es
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido