Animación á lectura

Ti reciclas, Ourense gaña

O 11 de febreiro o alumnado de 5º e 6º de Ed. Primaria participou nun obradoiro de reciclaxe que se desenvolveu na biblioteca do noso centro baixo o título “Ti reciclas, Ourense gaña”.

Os obxectivos principais desta actividade perseguen que o alumnado entenda o medio como un ben común a todos os cidadáns e digno de protección e que contribúa á redución da emisión de gases o efecto invernadoiro e en especial, que axude a reducir a pegada ecolóxica, comezando dende o ambiente escolar.

A evolución social dos últimos decenios acadou un aumento da calidade de vida reflectido na mellora da hixiene, da sanidade, da alimentación, do benestar social,... sen embargo, estas aínda que positivas, traen asociados impactos ambientais importantes que temos que xestionar do mellor xeito posible  para tratar de evitalos e para non alterar o medio ambiente no que vivimos. Un deses impactos é o aumento da xeración de residuos debido ao incremento do consumismo da poboación e do número de embalaxes que se empregan na comercialización de produtos ( papel, cartón, vidro, plásticos, metais,...) e polo emprego de envases de usar e tirar. Toda esta situación provocou un crecemento continuo no volume de refugallos xerados por habitante e día ata os 1,216 Kg/habitante rexistrados no ano 2009.

 

El último violín

O alumnado de 4º de Ed. Primaria traballou ao longo do segundo trimestre na "Hora de ler" o libro de "O último violín" de Anna Manso e publicado por Anaya.

EL  PADRE  DE  Octavio  es  lutier,  fabrica  violines.  Su  hijo  admira su dedicación y su arte; a menudo pasa horas jun-to a él en el taller, por eso será el primero en darse cuenta de que a su padre le tiemblan los dedos. Son los síntomas de una enfermedad que poco a poco se irá haciendo más evidente, y que le llevará a no encontrar la perfección en su trabajo. El hombre, tras construir un violín del que está del todo satisfecho, decide cerrar el taller. Entonces aparecerá una extraña pareja (los Trencitas) en su puerta dispuesta a pagarle una gran cantidad de dinero por un último violín. Los coleccionistas de últimos objetos convencen al padre de Octavio, que pone el mismo mimo en ese violín que en cualquiera de  los  que  ha  hecho  en  su  vida.  Una  vez  terminado,  antes  de  la  fecha fijada, el lutier cae enfermo y no sale de la cama en quince días.  Se  recupera  justo  a  tiempo  para  celebrar  el  cumpleaños  de  Octavio. Durante la fiesta, le hará entrega del violín a su hijo, y le dice que es un regalo para él. Octavio, emocionado y feliz, decide convertirse en tan buen lutier como su padre.

Como remate ao traballo realizado unha alumna do centro, Eva, agasallounos cunha fabulosa interpretación con violín do "Himno da alegría" que para nada envexa a Ana Sophie Mutter.

Sueiro obliteration corner

Non somos Yayoi Kusama nen temos unha big room, pero o noso rechuncho foise transformando aos poucos ata chegar ao que aquí vedes.

Pasamos dese white que amosa a obliteration a ese colourful corner que nos enche de sensacións.

Peques, e no tan peques, pasárono moi ben mudando o aspecto do noso recuncho.

Anímate e achégate á nosa obliteration corner!

Pega todos os polkadots que queiras.

Kamishibai by Yayoi Kusama

 

Yayoi Kusama achegouse ao noso cole a contarnos uns contos. E, como non?, contunos historias ao xeito tradicional xaponés, o KAMISHIBAI.

Aprendemos por que as stones están no fondo dos rivers. Grazas a  algúns animais:  elephants, frogs, hens, …, coñecemos porque as stones están alí.

Noutro conto, Yayoi Kusama saudou a Hans Christian Andersen e deleitou aos nen@s co conto The Tin Soldier.

Dinamarca e Xapón non están tan alonxadas!

 

Día da árbore

Na primeira semana da Primavera celebramos a semana da Árbore e da Auga.

Con este motivo saímos a plantar un bidueiro que nos mandaron ao colexio desde a Deputación Provincial. Estas árbores precisan moita auga para medrar, polo que as plantamos no patio do noso colexio e a regaremos a miudo. 

Ao longo deste mes traballamos na clase o libro que nos achegou a Deputación titulado “A Dama da auga e o segredo das árbores”.

Asemade, o Día da árbore, todo o alumnado recitou poemas sobre árbores e natureza para celebrar o Día da poesía.

 

Día de Rosalía

Para conmemorar o aniversario de Rosalía, ao longo da semana, traballamos na aula cos materiais que o EDL do centro ten recopilados na web.

Como actividade central, recitamos o poema "Fun un domingo" entre toda a comunidade educativa e realizamos un vídeo con música de fondo "O son do ar" de Luar na Lubre.

 

 

 

Encontros con autores: Iria Misa

O 19 de febreiro participamos en “Encontros coa autora” con Iria Misa, autora do libroMamá, quero ser Ziggy Stardust” e organizado pola concellería de educación nas instalacións do Liceo de Ourense co fin da promoción do hábito lector entre os escolares ourensáns e o traballo en valores.

A actividade comezou coa dotación, por parte da Concellería dos libros seleccionados para este curso para a súa lectura na aula e o posterior encontro co autor do libro.

Esta actividade ten dous importante obxectivos. Por unha banda poñer en contacto directo aos escolares cos escritores e ilustradores e por outra banda, dar a coñecer e preto o traballo dun escritor e ilustrador.

Os libros foron entregados aos escolares no mes de decembro e hai unhas semanas e tras a lectura, realizouse o encontro con Iria Misa, momento no que o alumnado tivo a oportunidade de coñecela e conversar con ela sobre a temática do libro e as principais mensaxes que se achegaban coa súa lectura.

Antes de asistir a estes encontros, o alumnado de quinto e sexto curso do noso cole xa fixera un traballo exhaustivo desta obra de Iria Misa.

O resumo argumental do libro, trata da historia de Aine, quen naceu cun corpo aparentemente de nena, pero en realidade séntese neno. Aine conta cun amigo imaxinario chamado Thomas, como xeito de fuxida dunha realidade que o abafa.

Nunha viaxe turística cos seus pais, Aine descobre a figura do músico David Bowie, coa que se identifica de inmediato. Desde entón, Thomas e Aine xogan a disfrazarse de Ziggy Stardust, o personaxe creado por Bowie, e a actuar enriba da cama coma se fose un escenario.

O pai de Aine non comprende ao seu fillo. Pero Fran, a súa nai, pouco a pouco irá reaccionando e aceptando a Aine tal e como é, o que provocará a ruptura co seu home. Tampouco a familia extensa de Aine se amosa moi comprensiva co que ven como unha simple teima dunha nena por vestirse e comportarse como un rapaz. Aine visitará a psicólogos, e sufrirá o rexeitamento de moitos compañeiros de escola, e das súas familias, na escola. Pero finalmente conseguirá realizar o seu soño: vivir de acordo a como sente a súa identidade de xénero e actuar na festa de fin de curso do colexio.

Neste libro profundan na transexualidade.  Aine é un neno trans que loita por poder mostrarse ao mundo tal e como se sente. Destaca tamén David Bowie como exemplo. A figura do músico está moi presente na novela como referente de persoa de éxito malia non encaixar sempre nos canons impostos socialmente, e é usado por Aine para afirmarse nun mundo que non quere aceptalo tal e como é.

Os escolares tiveron que realizar unha serie de actividades antes e despois da lectura. Primeiro tiñan que observar a portada e razoar a partir de aí sobre que pensaban que trataba o libro. Tamén tiveron que responder a cal foi o último libro que leron e o que máis lles gustou.

Tras a lectura, discutiron na clase sobre como a presión social e as súas convencións condicionan a liberdade individual e o dereito á diferenza. Outro dos aspectos que tiñan que respostar tiña que ver con David Bowie, comentar a súa figura e a súa música na clase.

Amor eterno

O alumnado de 4º de Ed. Primaria traballou na Hora de ler o poema, de Gustavo Adolfo Bécquer, titulado: "Amor eterno".

Finalmente, realizamos un croma coa recitaxe de dito poema.

 

Día dos corazóns

O 14 de febreiro, coincidindo coa celebración do Día de San Valentín celebramos no cole o día dos corazóns.

Os corazóns do Manuel Sueiro

Que latexan cun mesmo son:

 O son dos Rainbow Hearts

E do Amor Eterno

O alumnado de 5º interpretou en inglés o "Rainbow Hearts" e o alumnado de 4º curso recitou o poema de Gustavo A. Becquer "Amor eterno".


O cociñeiro Martiño e as cenorias desaparecidas

O 4 de febreiro visitou a bilioteca do noso centro o escritor Iago López para contarnos a historia de "O cociñeiro Martiño e as cenorias desaparecidas", libro do que é tamén autor.

"Celébrase a festa de aniversario do rei e o cociñeiro Martiño quere preparar a súa mellor torta de cenoria. Mais cando chega á horta… as cenorias desapareceron! Martiño vai necesitar moita axuda para que a torta chegue a tempo ao festexo".

Coma sempre, pasámolo xenial coas súas historias.

Distribuir contido