Formación de usuarios

Super Leo e os seus colaboradores

A Biblioteca do Colexio Promove Actividades Innovadoras para a Formación de Usuarios

Ao longo deste trimestre, a biblioteca do noso colexio estará fervendo de actividades emocionantes destinadas a mellorar as habilidades dos nenos e nenas na investigación, na lectura e no uso eficaz dos recursos dispoñibles. O Equipo de biblioteca e o alumnado de 6º curso uniron forzas para crear unha serie de experiencias envolventes que prometen desafiar, inspirar e divertir.

Unha das iniciativas máis agardadas é o "Scape Room Literario", onde os alumnos serán transportados a unha aventura de aprendizaxe inmersiva, resolvendo enigmas e desvendando misterios relacionados coa literatura e o universo dos libros. Con escenarios coidadosamente elaborados e desafíos intrigantes, esta actividade promete estimular tanto a mente como a imaxinación.

Ademais, os alumnos terán a oportunidade de explorar o mundo dixital co uso da plataforma Genially. A través de presentacións interactivas e dinámicas, serán guiados nunha xornada virtual para descubrir os recursos da biblioteca e acceder a materiais educativos e fondos da biblioteca de maneira eficiente e divertida.

Estas actividades foron meticulosamente planeadas polo dedicado equipo da biblioteca, xunto coa colaboración inspiradora do nenos e  nenas colaboradoras de 6º curso, que achegaron as súas ideas creativas e enerxía contaxiosa para o proxecto.

O obxectivo destas actividades vai máis aló de simplemente ensinar o básico da biblioteca. Buscamos cultivar no alumnado habilidades de investigación crítica, pensamento creativo e autonomía no aprendizaxe, preparándoos para enfrontar os desafíos académicos e persoais con confianza e entusiasmo.

Estamos ansiosos por ver ao noso alumnado mergullándose nestas experiencias únicas de aprendizaxe e saíndo da biblioteca cunha nova apreciación polo poder do coñecemento e da imaxinación.

Úneste a nós nesta emocionante xornada de descubrimento na Biblioteca do Cole!

 

Formación de usuarios en 1º de EP

Formación de usuarios en 2º de EP

Presentación do Día do libro 2023

O equipo de biblioteca realizou unha presentación do Día do libro na bibloteca na que descubrimos datos moi curiosos que moitos de nós descoñeciamos.

 


GALERÍA DE IMAXES


 

Visita á biblioteca da Ponte

O 20 de abril o alumnado de 1º e 2º visitou a biblioteca do barrio de A Ponte para realizar unha sesion de animación á lectura e de formación de usuarios.

Por medio dun contacontos realizado cun kamishibai a responsable da biblioteca foinos presentando os diferentes recantos que pode ter unha biblioteca e os diversos tipos de fondos bibliográficos cos que nos podemos encontar nela.

Tivemos un tempo para a lectura individual onde cada un de nós disfrutou coas lecturas dos libros que máis lles gustaban. Para rematar, realizamos unha actividade de creación de historias na que por medio de diversas técnicas iamos improvisando pequenas historias que lles contamos ao resto dos compañeiros e compañeiras.

 

Formación de usuarios na biblioteca

Nas primeiras semanas do mes de outubro realizamos na biblioteca diversas actividades de formación de usuarios con todo o alumnado do centro empregando para elo as presentacións e os materiais elaborados polo equipo de biblioteca.

 

Coñece a nosa biblioteca

Ao longo destas semanas iniciais do curso 2022/2023 realizaremos diferentes actividades para dar a coñecer a nosa biblioteca, e os servizos que oferta, entre a comunidade educativa.

Ver presentación a toda páxina

Galería de imaxes da formación de usuarios e usuarias da biblioteca

 

Visita á biblioteca municipal de Ourense

Nas semanas previas ao Día das bibliotecas escolares realizamos todo o alumnado do centro visitou as instalacións da biblioteca provincial para realizar unha xornada de animación á lectura e de formación de usuarios.

O 10 de outubro o alumnado de 4º e 5º de Educación Infantil, foi o que realizou a visita á Biblioteca Provincial de Ourense. Ao día seguinte,  os nenos e nenas de 6º de Educación Infantil e 1º de Ed. Primaria, realizaron a mesma visita para coñecer as instalacións da biblioteca. O 17 de outubro foi o alumnado de 2º, 3º e 4º de Ed. Primaria quen se acercou ata a biblioteca. Para rematar esta actividade de achegamento á biblioteca provincial, o 18 de outubro realizou a visita o alumnado de 5º e 6º de Ed. Primaria.

Na visita puidemos observar como é a biblioteca, cales son as súas normas, os diferentes libros que teñen... Tivemos a sorte de escoitar varios contos, pero o que máis nos gustou foi o “Pollo Pepe” e o de "Andrés mentiroso".

Durante a vista, aos nenos e nenas que non tiñan carné o noso carné da biblioteca, foille facilitado un para que poidan facer uso dos servizos da bibliotecas coas súas familias.

Pasámolo xenial!!

Galería de imaxes da visita de 4º e 5º de Ed. Infantil

Visita dos nenos e nenas de 6º de EI e 1º de EP

Visita do alumnado de 2º, 3º e 4º de Ed. Primaria

 Visita do alumnado de 5º e 6º de EP

O alumnado de 3 anos visita a biblioteca

Os nenos e nenas de 3 anos visitaron por primeira vez a biblioteca do cole, estiveron moi atentos e caladiños escollendo o conto que levarán esta semana ás súas casas.

 

Visita á biblioteca da Ponte

 O 27 de abril o alumnado de Ed. Infantil visitou a biblioteca municipal do barrio da Ponte.

Distribuir contido