Skip to Content

Varias

Exposición de froitos do outono 2021

Ao longo do mes de novembro realizamos unha exposición de traballos manuais elaborados con froitos do outono polo alumnado do noso centro.

Na seguinte galería podedes observar a gran calidade e creatividade de todos os traballos presentados.

 

Palabras

Periodismo de investigación

 

Este ano, no Sueiro decidimos achegarnos a un dos oficios máis importantes na pandemia. Intentamos ser periodistas, os que nos informaban á perfeción das novas.

Intentámolo por todos os medios, como reporteiros, como presentadores, como xornalistas, ao final, decidimos seguir estudando, que para traballar ainda nos queda.

Pasea pola túa cidade

O día 19 de maio o alumnado de Ed. Infantil participou na actividade "Pasea pola túa cidade" que organizou a Concellería de Ed. de Ourense.

Realizamos unha visita guiada polo monicreque Martiño ao casco vello da cidade que partíu dos xardíns das Burgas e continuou con visitas á Praza Maior e Concello para posteriormente visitar as tres entradas da Catedral, comezando pola praza do Trigo e rematando na praza de San Martiño.

Antes de regresar para o cole, fixemos unha parada na zona de xogos do parque da Alameda, no que repuxemos forzas para voltar para casa.

Semana escolar dos Camiños de Santiago

Na "Semana escolar dos Camiños de Santiago" o alumnado de  4° de EP púxose na pel dos peregrinos e percorreu os diferentes camiños que chegan ata a Santiago de Compostela.

Cada un de nós seleccionou unha ruta e buscou información sobre as etapas, albergues, datos de interese das cidades, vilas e pobos polos que pasan os distintos camiños, fotografías... e recompilamos a información en cartolinas que colocamos na aula logo de expoñer cada un dos proxectos.

Finalmente, logo de percorrer de forma satisfactoria cada etapa, fíxose entrega das credenciais a cada peregrino de 4°.

Esta actividade serviunos para coñecer datos que non sabiamos sobre o camiño e sobre moitas das cidades polas que se leva a cabo cada unha das diferentes rutas.

Pola súa parte, o alumnado de 6º curso de Educación Primaria, ademáis da lectura e traballo sobre o camiño de Santiago, realizou debuxos do libro "Sucedeu no camiño Primitivo"

OS FOOD HEROES SAEN DA ESCOLA

Os/as nosos SUPERHEROES non se conforman con coidar o seu GARDEN no cole. Agora deciden dar un chimpo e plantarse, nunca mellor dito, no CIFP Portovello coas súas tools e vegetables para facer a plantación da spring.

En autumn plantamos e recollemos carrots, en winter plantamos Spanish onions ás que aínda lles queda un pouco para poder recollelas. E agora, en spring, no CIFP Portovello, plantamos tomatoes, lettuce, carrots e chives. Cando recollamos todo, disfrutaremos dunha HEALTHY SALAD.

Moitísimas GRAZAS á comunidade educativa do CIFP Portovello por deixarnos un recunchiño do seu garden e ao profesorado por axudarnos na plantación dos nosos produtos.

Somos os SUPERHEROES, os heroes da saúde, e na nosa teima por coidar a nosa saúde, insistimos na importancia dunha dieta saudable para unha mellora da nosa saúde xeral.

Non esquezades o dito: ONE APPLE A DAY, KEEP THE DOCTOR AWAY!

Concurso fotografía: Emociónate co meu libro

Leo e máis o equipo de biblioteca organizan un concurso de fotografía para celebrar o Día do Libro, titulado: Emociónate co meu libro”.

Os participantes tiñan que realizar unha fotografía da portada dun libro que os emocionara e outra na que se caracterizaran como a personaxe do libro nesa portada.

O folleto de publicidade do concurso informou das bases do mesmo.

Traballos presentados

Na seguinte galería podedes observar as imaxes da entrega dos premios aos traballos máis votados polo alumnado.

Auga Máxica

O alumnado de 3º de Ed. Pprimaria traballou o poema Auga Máxica de Carlos Fontes do poemario Versos con flor.

 

>

Día da poesía 2021

 

O alumnado de 4º de Ed. Primaria traballou con poemas de Rosalía de Castro, Antonio García Teijeiro, Eduardo Pondal, Álvaro Cunqueiro e Xela Arias.

 

Semana da prensa 2020/2021

Ao longo da semana do 8 ao 12 de marzo traballamos nas aulas con xornais de tirada provincial, autonómica e nacional buscando que o noso alumnado empregue a prensa como recurso didáctico para facilitar o desenvolvemento das actitudes e habilidades persoais, como creatividade, educación para o lecer, estudo do contorno e inserción en grupos e servizos sociais, así como todo tipo de opcións das que o xornal se fai eco cada día nas súas páxinas.

Asemade, perseguimos que os nenos e nenas aprendan a ler a prensa, a expresar a súa opinión libremente, a debater en grupos e a desenvolver o seu sentido crítico.

Distribuir contido


by Dr. Radut