Skip to Content

2º Curso

Segundo de Educación Primaria

Actividades recomendadas polo profesorado para realizar mentres dure o Estado de alarma. Se precisas poñerte en contacto co profesorado podes facelo a través do seguinte correo ceipmsueiro@gmail.com

En principio, estas tarefas serán actualizadas semanalmente os luns.


AULA DE APOIO


O alumnado da aula de apoio pode descargar as súas tarefas no seguinte curso da aula virtual entrando como convidado.

 


 AULA VIRTUAL


 Como complemento a estas actividades poderás practicar cos exercicios interactivos da aula virtual do cole

Para acceder aos recursos deberás entrar como convidado.

Xogos populares no CIFP Portovello

O 12 de maio, coa colaboración co CIFP Portovello, participamos nunha xornada de xogos populares que o alumnado de 1º curso do Ciclo superior de animación sociocultural preparou para os nenos e nenas de 2º de Ed. Primaria do noso cole.

Xogos de presentación, carrilanas, a rá, xogos de aros... fixeron que os Superheroes do Sueiro disfrutaran dun momento de lecer a carón do horto escolar no que tamén estamos a traballar en colaboración co alumnado do CIFP Portovello.

A experiencia deixou con gañas de repetila, tanto ao noso alumnado como aos monitores e monitoras do ciclo de animación.

Se fose sinxelo, lerían outros.

O mércores, 28 de abril recibimos no noso centro a visita do General Jefe de la Brilat, Excmo. Sr. General de División don Luís Cortés Delgado, acompañado polo Coronel Jefe de la Delegación de Defensa de la provincia de Ourense, Ilmo. Sr. don Gustavo Doncel Paredes, o Suboficial Mayor del Cuartel General de la Brilat don Manuel Fariña Martínez e a Cabo Primera dona Ana Alonso Solla.

Uníronselles o Sr. Inspector Xefe da Consellería de Educación de Ourense, don José Fisteos Suengas e a secretaria territorial de la Delegación de la Xunta en Ourense, dona Silvia Dorado Morales.

A visita tivo lugar como recoñecemento ao proxecto escolar desenvolvido polos alumnos/as de 2º E. Primaria, titulado SI FUERA FÁCIL, LEERÍAN OTROS. As novas sobre a proxecto e o premio xa foron publicadas nesta web do centro.

Queremos dar as máis efusivas grazas aos membros do Exército de Terra que se desplazaron ata o centro por considerar que somos merecedores do premio e a interese que amosaron polo noso proxecto. Así mesmo, a consideración e axuda, vía telefónica, na organización do acto, do Comandante Ponce de León e o Subteniente García.
Fomos quen de ver que leron e prestaron  atención ata os detalles máis pequenos do noso proxecto, demostrando a súa profesionalidade e interese polo noso traballo.

Unha vez máis, sentimos un profundo orgullo polo traballo, interese, e bo comportamento dos nosos alumnos e alumnas. Espertar a curiosidade nos nenos/as, fomentar o coidado medioambiental e respecto polos demais, é o que nos motiva, cada día, como mestres/as.

O Sr. Director don José Manuel Rego, recibiu de mans do Excmo. Sr. General de división don Luís Cortés, o diploma acreditativo do premio e a metopa da Brilat. Por parte do centro, o Sr. Director fixo entrega ao Exmo. Sr. General de división dun cadro co logo representativo do noso centro, que foi resultado do concurso gañador de logos do centro xa hai algúns cursos. A autora é María Villarino López, nai dun alumno deste grupo de 2º E.P.

A cabo primero, dona Ana Alonso, membro da Campaña Antártica tempo atrás, contoulles aos nenos/as como é a vida na Base Gabriel de Castilla e contestou as preguntas que os nosos/as alumnos/as lle formularon.

Amosounos dúas imaxes que nos encheron de ledicia: o poste onde se indica a distancia que hai do noso cole ata a Antártida e un segredo que compartimos con vós: na Antártida hai unha nova especie de pingüinos, os SUEIRIÑOS.

Os/as peques entregaron á Cabo unha camiseta co logo do cole e coa impresión da foto do seu proxecto.

Ademais dos agasallos para o centro, os alumnos/as recibiron unha mochila cunha gorra e cores para continuar viaxe no mundo do coñecemento e aprendizaxe.

Unha vez máis, GRAZAS aos nosos invitados e NORABOA, grupo de 2º E.P.


A prensa fíxose eco desta nova:


OS FOOD HEROES SAEN DA ESCOLA

Os/as nosos SUPERHEROES non se conforman con coidar o seu GARDEN no cole. Agora deciden dar un chimpo e plantarse, nunca mellor dito, no CIFP Portovello coas súas tools e vegetables para facer a plantación da spring.

En autumn plantamos e recollemos carrots, en winter plantamos Spanish onions ás que aínda lles queda un pouco para poder recollelas. E agora, en spring, no CIFP Portovello, plantamos tomatoes, lettuce, carrots e chives. Cando recollamos todo, disfrutaremos dunha HEALTHY SALAD.

Moitísimas GRAZAS á comunidade educativa do CIFP Portovello por deixarnos un recunchiño do seu garden e ao profesorado por axudarnos na plantación dos nosos produtos.

Somos os SUPERHEROES, os heroes da saúde, e na nosa teima por coidar a nosa saúde, insistimos na importancia dunha dieta saudable para unha mellora da nosa saúde xeral.

Non esquezades o dito: ONE APPLE A DAY, KEEP THE DOCTOR AWAY!

CONGRATULATIONS PENGUINS!

Hoxe estamos de parabéns! O traballo desenvolvido sobre os "penguins", SI FUERA FÁCIL, LEERÍAN OTROS, e do que demos conta nunha nova anterior, acadou o seu pase á Fase Nacional, tras quedar gañadores na Fase Rexional na que tivemos de competidores/as a colexios de toda Galicia, Asturias e o País Vasco.

Foi un duro traballo no que demostramos que todos/as xuntos somos quen de coidar ese espazo tan prezado da Antártida e os "penguins" que alí viven, en especial o noso pingüín Sueiriño.

Grazas aos homes e mulleres da Base Gabriel de Castilla que desenvolven un duro traballo na Illa Decepción e que nos axudaron a levar adiante o noso proxecto medioambiental.

BE BRAVE SUEIRIÑO!

 

Obradoiro de saúde dental

O 24 de marzo, contamos coa colaboración do Colexio Profesional de hixienistas de Galicia para realizar tres obradoiros no noso cole destinados ao alumnado de Ed. Infantil e 1º e 2º de Ed. Primaria. Estes profesionais sanitarios forman parte do equipo de responsables da saúde bucodental da poboación e, ademais, xunto aos dentistas, son as únicas persoas que poden traballar na boca dos pacientes.

Primeiro, faláronlles da importancia que ten realizar unha boa hixiene dos dentes e da lingua, polo menos tres veces ao día. Asemade, recordáronnos a relación directa que existe entre unha boa alimentación e unha boa saúde dental, insistindo, sobre todo, en que debemos evitar o consumo de chuches e facer un consumo moderado de doces.

Co aprendido no relatorio, practicamos nun modelo de dentadura como se debe proceder para realizar un bo cepillado.

Para finalizar, agasallaron a todas as persoas participantes cun lote de cepillo e pasta dentífrica e un diploma que lles acredita que teñen a boca limpa e sana. Tamén nos deixaron para traballar na aula, coas nosas mestres, un caderno de banda deseñada titulado: Dr. Rabbit e os defensores dentais.

Se fora fácil, lerían outros

O noso cole sempre se implica en proxectos medioambientais que contribúan ao coidado do noso planeta.

Este curso unímonos á campaña “Apadrina un pingüino”. Recibimos o diploma que nos acredita como padriños do pingüín Sueiriño. Comprometémonos a coidar o medio ambiente para que o noso afillado medre nun planeta limpo e sostible e o quecemento global non o deixe sen fogar na Antártida.

Queremos agradecer aos homes e mulleres da Base Gabriel de Castilla que forman parte da Campaña Antártica, o seu esforzo por coidar ese recuncho no que vive o noso  pingüino Sueiriño.

Sabías que a Illa Decepción non é unha illa? Que ten forma de ferradura? Que o traxe que protexe ás persoas do frío ten un nome especial?

Lemos sobre pingüinos, sobre a Antártida; escribimos un diario  coas tarefas que desenvolvemos cada día durante o proxecto, recitamos poesía, fixemos pingüinos, construímos a nosa propia Base no cole, visionamos vídeos dos que tivemos información sobre ese lugar tan remoto do planeta e as actividades científicas que alí se desenvolven.

O título global do proxecto é "SI FUERA FÁCIL, LEERÍAN OTROS". Co espirito de esforzo polo traballo ben feito, asociado ás tarefas de lectura e escritura levamos adiante este proxecto que tan bos momentos nos fixo pasar.

Como di a nosa poesía: “DEL COLE A DECEPCIÓN”, saludamos a todos/as os que coidamos o noso planeta.

MEMORIA GRÁFICA

María Martinón

FROM THE PAST TO  THE PRESENT THROUGH OURENSE

No Día Internacional das Mulleres quixemos pór en valor o traballo desenvolvido, e non sempre coñecido, de MARÍA MARTINÓN TORRES.

Unha muller nova, de éxito profesional internacional e ourensá, sérvenos para homenaxear a todas as mulleres que, coma ela, e día a día, traballan con paixón, sexa cal sexa o campo no que se moven.

Dos máis peques de E.I. ata os compañeiros/as de 6º E.P., todos puxemos o noso gran de area para renderlle esta sinxela, pero sentida homenaxe, a María Martinón Torres.

Un mural no que, tal e como indica o título,  partindo do pasado chegamos ao presente pasando por Ourense.

Foi tamén a aportación da área de inglés ao calendario do cole, sendo a folla do mes de febreiro.

Coñecimos un pouco do lugar onde traballa no CENIEH, visitando a súa web https://www.cenieh.es/en , tamén explicándolle ao Ministro de Ciencia e Investigación o traballo que desenvolven no mesmo, https://www.youtube.com/watch?v=-LGBHZID9zY&t=47s , así como o programa Arqueomanía de RTVE,  adicado a Atapuerca, titulado “Atapuerca en la trinchera”https://www.rtve.es/alacarta/videos/arqueomania/atapuerca-trinchera/5761227/

GRAZAS POLO TEU TRABALLO E A PAIXÓN QUE POS NEL!


Despedida do profesorado de prácticas

Hoxe tocou despedir ás tres mestras de prácticas que nos acompañaron no traballo escolar ao longo destes meses tan peculiares por mor da pandemia. Foron moitas as bágoas que se derramaron nas aulas e no corredor do colexio… motivo polo cal se teñen que sentir orgullosas e satisfeitas xa que é o mellor indicativo de que deixan pegada no noso alumnado, e mesmo no profesorado.

Desde aquí queremos agradecerlles o seu bo facer e a súa excelente disposición ao traballo cos nenos e nenas, e felicitámolas por todo o traballo desenvolvido neste período de tempo.

Esperamos e desexamos que todo lles vaia ben e que nun futuro próximo volvan ao centro como novas compañeiras do noso claustro.

O cazo de Lorenzo

Ao longo deste trimestre o alumnado de 2º de Ed. Primaria traballou o conto de “O cazo de Lorenzo” no que a súa autora, Isabelle Carrier, tenta transmitirnos, con tenrura, agarimo e de xeito próximo, a historia dun rapaz chamado Lorenzo, que ten que arrastrar unha pota vermella, sempre ao seu carón. Ás veces a pota dálle certas dificultades e desafíos na vida que, grazas á axuda dalgunhas persoas amables, aprende a superalo aos poucos. Tendo, deste xeito, que atopar onde antes só vía aspectos negativos, os aspectos positivos da vida.

Quizais, a principal moral que se esconde entre as súas letras é que as persoas con discapacidade, que neste caso simula a cazola vermella, non teñan que querer desfacerse dela, é dicir, non teñen que velo como un estorbo. É certo que, ás veces, impide unha vida normal, pero é moito mellor, sobre todo para si mesmos e as súas familias, se intentan levala creativamente en vez de crear unha loita continua, aínda que non sempre é tan sinxelo, como Lorenzo Acaba levando a súa cacerola vermella nunha bolsa, o que lle permite superar os obstáculos cos que se atopou anteriormente dun xeito menos complicado. Se dedicamos o suficiente tempo para ver a discapacidade como o contrario, é dicir, como algo intrínseco á propia persoa, será moito máis doado para nós axudar aos que conviven con eles na súa adaptación e inclusión no mundo actual. E ademais, probablemente terán unha autoestima máis alta que lles permita, igualmente, levar unha vida plena e feliz.

Por que a discapacidade adoita asociarse a algo negativo? Por que cremos, dun xeito estereotipado, que as persoas con discapacidade non poden ou poden, pero dun xeito máis difícil, facer o mesmo que outras? Como ben explica a historia, os forasteiros a miúdo ven só a pota vermella que leva Lorenzo, e esta é información suficiente para crear equívocos. Creo que aos que non coñecen de cerca este mundo, botan de menos algo extraordinario e paga a pena exploralo porque descubrirían aquí cousas inimaxinables.

Distribuir contido


by Dr. Radut