Animación á lectura

Club de lectura de 4º de Ed. Primaria

Ao longo do curso 2022/2023 o club de lectura de 4º de educación primaria formado por 12 nenos e nenas traballou os seguintes libros:

1º trimestre:

  • LIBRO 1º: A Señorita Bubble  de Ledicia Costas da editorial Xerais

O libro foi traballado ao longo do 1º trimestre do curso escolar 2021/2022 e conta a historia dunha muller inventora e diferente que chega a unha vila nova.

  • LIBRO 2º: Peligro Vegetal de Ramón Caride da editorial Anaya.  

O libro foi traballado nos meses decembro, xaneiro e febreiro do curso escolar 2022/2023 e conta a historia de dous irmáns que viaxan no tempo para buscar información sobre unha planta que pode acabar coa fame no mundo.

2º trimestre:

  • LIBRO 3º: Diario de Greg 17 Dando la nota de Jeff Kinney da editorial Molino.  

O libro foi traballado nos meses  de marzo e abril do curso escolar 2022/2023 e nel Greg cóntanos as aventuras que lle acontecen ao seu irmán Rodrick cando quere formar unha banda de rock.

3º trimestre:

  • LIBRO 4º: A pequena compaña  de Carlos Labraña da editorial Embora. Esta divertida e máxica obra de teatro foi gañadora do VIII Premio Estornela de Teatro.

 

7 reporteiros e un periódico

No último trimestre, no Club de lectura de 3º de Ed. Primaria traballamos co libro "Siete reporteros y un periódico" de Pilar Lozano Carbayo.

Alejandro, un rapaz de once años, quere  dirixir un xornal na súa escola. O problema radica en que non ten reporteiros ni diñeiro para poñelo en marcha...
Unha historia sobre a forza de vontade e a superación de dificultades.

Coma en anteriores ocasións, unha vez rematada a lectura do libro realizamos un concurso de animación á lectura do que podedes ver as imaxes na seguinte galería.

Unha maleta mariñeira


Ás veces, chegan mensaxes misteriosas nunha botella, outras, como neste caso, chegan maletas cheas de libros sobre os nosos mares e océanos.

Foi polo mes de febreiro cando recibimos no centro a exposición itinerante “Coidando o noso mar” prestada polo CEIDA (Centro de Extensión Universitaria e Divulgación Ambiental de Galicia) na Coruña, así como as redes e as nasas que os/as nosos mariñeiros/as usan a cotío no seu labor nas Rías Baixas. http://www.edu.xunta.gal/centros/ceipmanuelsueiro/node/2078

RÍAS ALTAS e RÍAS BAIXAS XUNTAS NO CEIP MANUEL SUEIRO!

As/os peques de Infantil achegáronse á beira do noso mar para descubrir eses libros con historias que nos achegan á inmensidade e tamén á fraxilidade dos nosos mares.

As/os alumnas/os de 4o E.P., como parte do proxecto documental sobre os mares, mergulláronse nese océano de libros achegándose aos seres vivos que os habitan.

DESFRUTEMOS E COIDEMOS OS NOSOS MARES!

Gravación da banda sonora da curta

Durante o mes de maio realizamos múltiples ensaios para preparar a gravación da canción principal da banda sonora da nosa curta que foi dirixida pola profe de música. Previamente foi elaborada a letra da canción con axuda do titor de 3º de Ed. primaria.

O resultado final podédelo observar no seguinte vídeo:

Hora de ler en 5º de Ed. Primaria

A  hora de ler realízouse todos os días, de 12:00 a 12:20 horas e a súa configuración estivo deseñada pola titora Eva Vidal Ferro.

Neste ano académico intentáronse acadar:

OBXECTIVOS:

  • Espertar o gusto pola lectura apreciándoa como fonte de  información, entretemento e pracer.
  • Mellorar a capacidade lectora: pronunciación, entonación e ritmo axeitado segundo o tipo de texto.
  • Aumentar a riqueza de vocabulario e mellorar a comprensión e expresión oral.
  • Afianzar valores (amizade, solidariedade, verdade, respecto).
  • Coñecer e valorar os diferentes xéneros e autores literarios.
  • Intercambiar ideas e opinións respectando e valorando  as diferentes aportacións.
  • Desenvolver a atención e a práctica da escoita activa.
  • Usar o dicionario en formato dixital e os buscadores de imaxes con eficacia para consultar termos descoñecidos.
  • Apreciar a capacidade dos compañeiros e a súa propia para realizar creacións relacionadas cos libros lidos.
  • Tomar conciencia do valor da natureza para as nosas vidas e das consecuencias dos nosos actos sobre ela (ecosistemas en perigo).
  • Respetar as diferentes culturas e modos de vida do planeta.
  • Mellorar  o coñecemento e o uso do galego como lingua propia.

Así, procurouse que as lecturas fosen variadas en contidos, xénero, tipoloxía e complexidade. Tamén utilizamos diferentes soportes: impresos e electrónicos (libros de lectura propiamente ditos, prensa, libros de consulta, banda deseñada, folletos, Internet… tanto en galego como en castelán. As lecturas realizaronse de forma silenciosa ou en voz alta co fin de mellorar pronunciación, ritmo, entonación… e de aprender uns de outros.

Noutros  momentos foi a titora quen fixo a lectura en voz alta de libros, textos… en calquer soporte, co fin de que aqueles alumnos que presentaban máis dificultades lectoras obtivesen un exemplo de cómo realizar unha lectura coa entonación e o ritmo axeitados.

Para acadar estes obxectivos realizáronse:

ACTIVIDADES

  • Lecturas colectivas nos dous idiomas, pero especialmente en galego.
  • Debates e reflexións sobre distintos aspectos da lectura e posta en común de coñecementos e ideas do alumnado.
  • Representación dos capítulos /partes do libro a través de: unha banda deseñada, monicreques dos personaxes principais, maquetas/murais dalgún elemento importante….
  • Dramatización dalgún capítulo/ libro.
  • Participación en todas as actividades programadas e realizadas polo Equipo Dinamizador da Biblioteca e do Equipo Dinamizador da Lingua Galega (mochilas viaxeiras, préstamos, uso da hora de biblioteca para investigación e realización de traballos, concursos, preparación de contacontos para os máis pequenos…)
  • Celebración do día de Rosalía de Castro.
  • Celebración do día  do Libro.
  • Celebración do día das Letras Galegas.

TEMPORIZACIÓN:

No curso escolar 2022/2023 os libros seleccionados foron os seguintes:

1º trimestre: libro común a todos os nenos e nenas.

  • Galego: Formigas 4. Misión Rosalia. Pere Tobaruela. Ed. Xerais.

O libro foi traballado no curso 2022-2023 durante os meses de setembro e outubro.

  • Castelán: Mi nombre es Skywalker. Agustín Fdez. Paz. Ed. El Barco de Vapor.

O libro traballouse principalmente durante os meses de novembro e decembro, cando se leu e se resumiu para convertelo en banda deseñada... un proceso que se alongaría ao longo do curso nalgunhas clases de educación plástica.

Contacontos na aula.

No mes de decembro e principios de xaneiro cada alumno contoulle aos seus compañeiros o conto que elixiu da biblioteca do centro.

2º trimestre: libro común a todos os nenos e nenas.

  • Galego: A gruta da Torre. Lois Pérez Ed. Xerais

O libro traballouse no mes de xaneiro e parte de febreiro.

  • Castelán: libros individuais a elección de cada alumno/a.

Na segunda metade do trimestre e para coñecer mellor os gustos de cada alumno/a permíteselles ler durante unhas semanas diferentes libros propios, da biblioteca da aula e da biblioteca do colexio... descubrimos que, a parte dos gustos propios da súa idade, son uns amantes da xeografía.

3º trimestre: leuse poesía e teatro nos dous idiomas adaptados aos gustos e niveis lectores que presenta o alumnado.

  • Castelán: libros de poemas seleccionados polos alumnos da biblioteca do centro.
  • Galego Estrela fugaz. Carlos Labraña Barrero Ed. Galaxia.

No mes de maio cada alumno quedouse cun personaxe  do conto e todos xuntos dramatizámolos na aula.

Entrega do 1º premio do concurso do Exército de Terra

Hoxe, 16 de maio de 2023, acudiu ao noso centro o Excmo. General de Brigada Sr. D. Alfonso Pardo de Santayana Galbis para realizar a entrega do 1º premio autonómico do concurso “Premios do Exército de Terra”  ao alumnado de 4º curso de Educación Primaria co traballo Mirando sen ver centrado no traballo que realiza el Grupo Militar de Alta Montaña (Base Oroel San Bernardo) a prol das persoas con discapacidade visual. Recordar que dito traballo acaba de recibir, tamén, o 1º Premio Nacional e que leva asociada unha contía de 4500 euros.

Na entrega do premio regional acudiron autoridades militares desprazadas dende a “Base General de Morillo” en Pontevedra o Excmo. General de Brigada Sr. D. Alfonso Pardo de Santayana Galbis e comandante D. Pablo Ponce de León Rodríguez e o Suboficial Mayor D. Manuel Fariña Martínez. Da Subdelegación de Defensa de Ourense o comandante D. José Manuel Zapata Paz e o subteniente D. José Manuel Duque e representando a Xunta de Galicia D. Manuel Pardo Cid xefe territorial da Consellería de Presidencia, AAPP e Xustiza e Dna. María del Pilar Barandela Sandianes inspectora da Consellería de Cultura, Educación, Formación Profesional e Universidades.
Neste día a docente coordinadora do proxecto expuxo, xunto co alumnado de 4º de Educación Primaria, o proxecto Mirando sen ver que foi merecedora deste galardón.

Na entrega do recoñecemento do 1º premio entregouse ao centro un diploma, unha bandeira de percha así como dous libros relacionados coa Campaña Antártica e o traballo da Base Gabriel de Castilla.

Que gran día... e que orgullosos estamos do noso alumnado.

PARABÉNS AOS NOSOS/AS PEQUE-ESCALADORES!

 

Mochila viaxeira en 1º de Ed. Primaria

Ao longo do curso 2022/2023 funcionaron na aula de 1º de Ed. Primaria dúas mochilas viaxeiras.

Esta mochilas permitiron ao alumnado un préstamo por un período dunha semana, para compartir coas familias o contido da mesma. O contido do material foi escollido pola persoa titora, supervisado pola biblioteca e procurando que tivera a maior variedade de textos e formatos, tanto en galego como castelán, para que o alumando poida elixir.

Nas dúas mochilas achegamos un libro en galego, outro en castelán e unha revista. Aoo comezo de cada trimestre cambiamos os maeriais de lectura de cada unhadas mochilas.

As dúas mochilas incluían “O diario da mochila” no que, tanto os nenos/as como as súas familias, aportaron a súa opinión, novas creacións, debuxos, suxerencias, …, sobre o contido da mochila ou dos libros lidos.

Para a maioría das familias resultou ser unha actividade moi divertida que axuda a entrelazar lazos entre todos os membros da familias e enriquécenos a todos.

Na seguinte ligazón podedes observar unha selección dalúns dos traballos realizados polo alumnado no diario da mochila.

PREME AQUÍ PRA VER A TAMAÑO COMPLETO

Mochila viaxeira de 6º de EP

O curso escolar 2022/2023 o alumnado de  6º Educación Primaria curso utilizaron dúas mochilas viaxeiras que foron intercambiadas cada quince días durante todo o curso. O traballo do alumnado queda reflectido nos debuxos que se acompañan nos libros configurados para elo.

As mochilas viaxeiras permiten ao alumnado un préstamo por un período de quince días, para compartir coas familias o contido da mesma. O  contido do material foi escollido polo titor de  6º curso de Educación Primaria, supervisado pola biblioteca e procurando que teña a maior variedade de textos e formatos para que o alumando poida elixir.

Acompañan a estes materiais “O diario da mochila” no que, tanto os nenos/as como as súas familias, aportan a súa opinión, novas creacións, debuxos, achegas, …, sobre o contido da mochila.

O material que acompaña a mochila do alumando de 6º curso de Educación Primaria foi o seguinte.

1º mochila:

  • Lingua Galega.
  • Megatoxos e o aprendiz de druída. Ed. Xerais.
  • Lingua castelá.

El último curso en Torres de Malory. RBA
Papagaio.
Nº 9. Os dinosaurios , dos libros aos videoxogos.
Reportero DOC.
Nº 282. ¡Bienvenidos a Japón!

2º mochila:

  • Lingua Galega.

Megatoxos e os templarios da luz. Ed. Xerais.

  • Lingua castelá.

Quinto grado en Torres de Malory. RBA
Papagaio.
Viaxe á Galicia medieval.
Reportero DOC.
Nº 283. ¿Quién inventó la escuela?

Como conclusión, destacar que ler en familia é unha actividade moi divertida que axuda a entrelazar lazos entre os pais e nais e os seus fillos e fillas enriquécenos a todos. Ademais, a lectura enriquece intelectualmente aos nenos e nenas, estimulando a súa imaxinación, a capacidade para resolver problemas, a memoria e a linguaxe, axúdalle a coñecer o mundo no que vive e impúlsalle a querer saber máis. Comentando as lecturas que facemos todos xuntos podemos reflexionar sobre o lido, os valores do libro infantil e xuvenil que escollésemos, explorando nosos propios sentimentos. É, en definitiva, unha axuda na educación dos nosos fillos, polo que é importante proporcionarlle ao alumnado lecturas estimulantes, acompañalos no descubrimento do pracer da lectura, sendo un hábito moi saudable e cheo de beneficios.

Mochila viaxeira de 4º de EP

O curso escolar 2022/2023 o alumnado de  4º curso utilizaron 4 mochilas viaxeiras que foron intercambiadas cada quince días durante todo o curso. O traballo de alumnado queda reflectido nos debuxos que se acompañan nos libros configurados para elo.

As mochilas viaxeiras permiten ao alumnado un préstamo por un período de quince días, para compartir coas familias o contido da mesma. O  contido do material foi escollido polo titor de 4º curso, supervisado pola biblioteca e procurando que teña a maior variedade de textos e formatos para que o alumando poida elixir.

Acompañan a estes materiais “O diario da mochila” no que, tanto os nenos/as como as súas familias, aportan a súa opinión, novas creacións, debuxos, achegas, …, sobre o contido da mochila.

O material que acompaña a mochila do alumando de 4º curso de Educación Primaria foi o seguinte.

1º mochila:

  • Lingua Galega.

Cando a terra esqueceu xirar.  Fina Casalderrey. Ed.SM.

  • Lingua castelá.

Lechuza detective 3. El inquietante caso del huevo roto. Álvaro Núñez, Alberto Díaz, Miguel Can. Ed. Anaya.
Reportero DOC. Nº 293

2º mochila:

  • Lingua Galega.

Escarlatina, a cociñeira defunta. Ledicia Costa. Ed. Xerais

  • Lingua castelá.

Días de clase. Daniel Nesquens. Ed. Anaya.
Reportero DOC. Nº 276

3º mochila:

  • Lingua Galega.

Choven palabras no futuro. Xunta de Galicia. Gálix

  • Lingua castelá.

Diario de Greg 16. El número 1.  Jeff Kinney. Ed. Molino.
Papagaio Nº 18   2023
Leo Leo Nº 395
Reportero DOC. Nº 276

4º mochila:

  • Lingua Galega.

Os Megatoxos e o Reto de Internet.  Anxo Fariña. Ed. Xerais

  • Lingua castelá.

Diario de Nikki. Una famosa con poco estilo. Rachel Renée Russell. Ed. RBA Molino
Papagaio Nº 18   2023
Leo Leo Nº 389
Reportero DOC. Nº 306

Como conclusión, destacar que ler en familia é unha actividade moi divertida que axuda a entrelazar lazos entre os pais e nais e os seus fillos e fillas enriquécenos a todos. Ademais, a lectura enriquece intelectualmente aos nenos e nenas, estimulando a súa imaxinación, a capacidade para resolver problemas, a memoria e a linguaxe, axúdalle a coñecer o mundo no que vive e impúlsalle a querer saber máis. Comentando as lecturas que facemos todos xuntos podemos reflexionar sobre o lido, os valores do libro infantil e xuvenil que escollésemos, explorando nosos propios sentimentos.

É, en definitiva, unha axuda na educación dos nosos fillos, polo que é importante proporcionarlle ao alumnado lecturas estimulantes, acompañalos no descubrimento do pracer da lectura, sendo un hábito moi saudable e cheo de beneficios.

Clubs de lectura do curso 2022/2023

O funcionamento do club de lectura no centro, no curso 2022/2023, funcionou como paraugas de varios clubs que xa viñan funcionando de anos anteriores en distintos cursos, e tivo como finalidade espertar e realzar o gusto e o pracer por ler en tempos de lecer.

Nas seguintes ligazóns reflectiremos o traballo desenvolvido nos clubs de lectura do noso centro:

Novo club de lectura de 1º ciclo
Club de lectura de 3º de EP Club de lectura de 4º de EP
Club de lectura de 5º de EP Club de lectura de 6º de EP
Distribuir contido