Contido popular
Título | Resumo | ||||||||||||
---|---|---|---|---|---|---|---|---|---|---|---|---|---|
VI Concurso Escolar de carteis relacionados coa Doazón e os Transplantes. A VIDA AGROMA POR TI |
A VIDA AGROMA POR TI A implicación da comunidade educativa do Sueiro nas causas máis xustas esténdese no tempo: Colaboramos en recollida de alimentos, xoguetes, roupa; participamos en campañas promovidas por UNICEF e SAVE THE CHILDREN. E demos un paso máis ao participar no VI Concurso Escolar de Carteis relacionados coa DOAZÓN e os TRANSPLANTES organizado pola Coordinación Autonómica de Transplantes (ADOS). Tivemos acceso a recursos educativos na seguinte ligazón: Os alumnos/as de 5º Educación Primaria decidiron participar cun cartel pondo en valor a doazón e o posterior transplante de corazón porque entenden que este órgano é o motor da nosa vida. Non hai maior xesto de xenerosidade que doar VIDA. O primeiro paso foi a elaboración dun “colaxe” sobre un debuxo dun corazón. Esta técnica minuciosa de busca do papel axeitado, o recortado en pequenos cachos e a colocación de cada un deses pequenos papeis, representa a paciencia que precisan os doentes á espera dun corazón e tamén a calma e a tranquilidade das persoas que coa súa xenerosidade doan ese órgano nun intre tan doloroso. No segundo paso do traballo, cubriron o colaxe con flores de papel. Con elas pretenden amosar a esperanza dunha nova vida para as persoas receptoras do órgano. E por último decidiron o título: “A vida agroma por ti”. Se un gromo anuncia a chegada da primavera en flores e árbores, o corazón doado representa ese anuncio dunha nova oportunidade de vida. E o remate da frase, “... por ti” fai referencia á xenerosidade da persoa e familiares doantes. Fomos felices coa nosa participación pero aínda máis coa nova de que o noso cartel foi o gañador desta edición. PARABÉNS AOS CORAZÓNS XENEROSOS! |
||||||||||||
LUISA VILLALTA.KAHOOT. |
O día remato bailando e cantando todos xuntos a súa biografía musical elaborada polo CEIP Chans de Bembrive |
||||||||||||
A banda deseñada como método de expresión |
O alumnado potencia a súa creatividade a través da banda deseñada en traballos de expresión escrita. No segundo trimestre do curso, o noso alumnado destacou polo seu entusiasmo e creatividade ao empregar a banda deseñada para realizar traballos de expresión escrita seguindo a liña de traballo proposta por Bibliotecas Escolares de Galicia para este curso. Esta ferramenta pedagóxica foi incorporada en diversas ocasións, proporcionando aos estudantes unha plataforma para explorar e expresar as súas ideas de xeito máis dinámico e estruturado. A banda deseñada, unha metodoloxía visual e didáctica, permitiu aos nenos e nenas desenvolver habilidades esenciais na escritura, tales como a organización de ideas, a coherencia e a cohesión textual. A través desta ferramenta, os estudantes puideron crear relatos, poemas e descricións, fomentando así a súa imaxinación e mellorando a súa competencia lingüística. Durante as sesións, o alumnado mostrouse entusiasmado e participativo, gozando do proceso creativo que a banda deseñada facilita. Observamos unha notable mellora na calidade dos textos producidos, así como un maior interese pola escritura entre os nenos e nenas. Ademais, esta actividade fomentou o traballo colaborativo, xa que en moitas ocasións compartiron as súas creacións e proporcionaron retroalimentación construtiva entre eles. Esta experiencia demostrou que a creatividade e a expresión escrita poden florecer cando se brindan os recursos adecuados e se estimula o interese dos alumnos. Grazas á liña de traballo deste curso Bibliotecas escolares, a banda deseñada foi unha revelación nas nosas clases de expresión escrita. Vimos como o alumnado se involucra máis e se sente orgullosos dos seus traballos. Sen dúbida, seguiremos utilizándoa e explorando novas formas de facer que a escritura sexa unha actividade emocionante e enriquecedora para todos e todas. Esta experiencia positiva non só enriquece a aprendizaxe académica dos estudantes, senón que tamén senta as bases para unha educación máis creativa e inclusiva, onde cada neno e nenas pode atopar a súa voz e expresala con confianza e orixinalidade. MÁIS ACTIVIDADES |
||||||||||||
Metereoloxía na aula de apoio |
O alumnado da aula de apoio recolleu ao lomgo de todo o curso os datos metereolóxicos nun calendario. Nei ían reflectindo o estado atmosférico de cada día. Ao rematar o mes facían un reconto de todos os estados e reflexionaban sobre como foi o tempo dese mes. A final de curso comparamos os valores dos estados atmosféricos dos diferentes meses.
|
||||||||||||
Decoración do recanto de meteoroloxía | |||||||||||||
O universo |
O alumnado de 4º e 5º de Ed. Infantil pescudou sobre o Universo no seu PDI. Partiron do conto "Como atrapar a unha estrela", de Oliver Jeffers, para motivalos a pensar sobre todos aqueles aspectos que lles resultan intrigantes sobre o universo. Resumimos a continuación as actividades realizadas ao longo do curso:
O traballo con este PDI foi moi motivador para os nenos e nenas. |
||||||||||||
Construímos robots |
O alumnado de 6º de Ed. Infantil dedicou o seu PDI a traballar o pensamento computacional. Para elo, os seus traballos xiraron en torno ao estudo e creación de robots. Os obxectivos que se perseguiron foron os seguintes:
Entre outras, relizamos as seguintes actividades:
GALERÍA DE IMAXES DO TRABALLO DESENVOLVIDO |
||||||||||||
Visita de Leanne Rivera á nosa biblioteca |
O 5 de outubro tivemos o privilexio de contar coa presenza da poetisa de orixe cubano Leanne Rivera grazas á colaboración do Círculo poético ourensán. O alumnado do noso centro rendeulle unha pequena homenaxe cos traballos que realizaron nas súas clases ao longo dos días previos á súa visita:
Despois de sometela a unha pequena encerrona, con preguntas de todo tipo sobre a súa vida e obra, Leanne recitounos o poema que tiña preparado para participar nos IX encontros internacionais de poesía que organizou o Círculo poético ourensán. Na seguinte galería amosamos os principais momentos do encontro coa poetisa. |
||||||||||||
O mundo da enerxía |
O 29 de outubro contamos co presenza no noso centro dunha aula móbil da Fundación Repsol para impartir varios obradoiros sobre a enerxía, a todo o alumnado do centro, dentro do programa "O mundo da enerxía". A través de actividades interactivas, conducidas por unha educadora especializada na temática, reflexionamos e aprendemos sobre el mundo da energía:
|
||||||||||||
Kamishibai by Yayoi Kusama |
Yayoi Kusama achegouse ao noso cole a contarnos uns contos. E, como non?, contunos historias ao xeito tradicional xaponés, o KAMISHIBAI. Aprendemos por que as stones están no fondo dos rivers. Grazas a algúns animais: elephants, frogs, hens, …, coñecemos porque as stones están alí. Noutro conto, Yayoi Kusama saudou a Hans Christian Andersen e deleitou aos nen@s co conto The Tin Soldier. Dinamarca e Xapón non están tan alonxadas!
|
||||||||||||
Mochilas viaxeiras |
No curso 2019/2020 estiveron en funcionamento 7 mochilas viaxeiras, e dicir, unha por cada classe do cole. Como en anos anteriores, as mochilas viaxeiras permiten ao alumnado un préstamo por un período dunha semana, para compartir coas familias o contido da mesma. O contido do material foi escollido pola persoa titora, supervisado pola biblioteca e procurando que teña a maior variedade de textos e formatos, tanto en galego como castelán, para que o alumando poida elixir. Todas as mochilas inclúen “O diario da mochila” no que, tanto os nenos/as como as súas familias, aportan a súa opinión, novas creacións, debuxos, suxerencias, …, sobre o contido da mochila o dos libros lidos. Achegamos unha mostra do traballo realizado polo alumnado nas súas casas. Para a maioría das familias resulta ser unha actividade moi divertida que axuda a entrelazar lazos entre pais e fillos e enriquécenos a todos. Foi unha mágoa que a partir de mediados do mes de marzo non puideron funcionar. |
||||||||||||
OS FOOD HEROES SAEN DA ESCOLA |
Os/as nosos SUPERHEROES non se conforman con coidar o seu GARDEN no cole. Agora deciden dar un chimpo e plantarse, nunca mellor dito, no CIFP Portovello coas súas tools e vegetables para facer a plantación da spring. En autumn plantamos e recollemos carrots, en winter plantamos Spanish onions ás que aínda lles queda un pouco para poder recollelas. E agora, en spring, no CIFP Portovello, plantamos tomatoes, lettuce, carrots e chives. Cando recollamos todo, disfrutaremos dunha HEALTHY SALAD. Moitísimas GRAZAS á comunidade educativa do CIFP Portovello por deixarnos un recunchiño do seu garden e ao profesorado por axudarnos na plantación dos nosos produtos. Somos os SUPERHEROES, os heroes da saúde, e na nosa teima por coidar a nosa saúde, insistimos na importancia dunha dieta saudable para unha mellora da nosa saúde xeral. Non esquezades o dito: ONE APPLE A DAY, KEEP THE DOCTOR AWAY! |
||||||||||||
PDI de 5º e 6º de Ed. Primaria |
O curso 2021/2022, o PDI do CEIP Plurilingüe Manuel Sueiro segue a directriz marcada por bibliotecas escolares de Galicia coa temática “A Biblioteca escolar ten a palabra”. O grupo de 5º e 6º de Educación Primaria céntrase na defensa e a loita que todos debemos levar a cabo para defender o noso medio ambiente, polo que van a realizar diversas accións que permitirán coñecer e mellorar o noso medio ambiente, para elo realizaremos as seguintes accións... 1º) Mes de novembro de 2021: Aforro de auga: do mesmo xeito que, no caso da enerxía, debemos apagar a luz cando non se estea utilizando, tamén debemos procurar pechar a billa cando non o necesitamos, evitando así desperdiciar un dos nosos recursos máis prezados. OBXECTIVO: Obxectivo 1: Reducir o consumo da auga entre un 1% con respecto ao consumo do ano anterior. ACTUAR:
2º) Mes de decembro de 2021: Aforramos enerxía. Obxectivo 2: Reducir o consumo eléctrico do centro 1% CONCIENCIAR: A enerxía é imprescindible para manter o progreso e o nivel de vida alcanzado, polo que a humanidade actualmente ten unha gran dependencia enerxética. ACTUAR:
3º) Mes de xaneiro de 2022: Uso responsable no medio de transporte. Obxectivos: Concienciar: Utiliza o transporte público. Actuar:
4º) Mes de febreiro de 2022: Reducir, reciclar e reutilizar. OBXECTIVOS: Obxectivo 4: Reducir o consumo de papel nun 1%. CONCIENCIAR: As 3 R: REDUCIR, REUTILIZAR E RECICLAR. ACTUAR:
Plantamos árbores. Obxectivo: Obxectivo 5: Plantar unha árbore todos os anos na semana da auga e da árbore. Actuar:
6º) Mes de abril de 2022: Creamos o noso horto escolar. Obxectivos: Concienciar. Que é un horto ecolóxico? Todos pensamos que as froitas e verduras que se cultivan son totalmente saudables, pero en ocasións, cando compramos nun supermercado ou unha superficie comercial, non sabemos do todo como se sementaron e recollido estes alimentos, certo? Actuar.
7º) Mes de maio de 2022: Coidamos a flora e a fauna. A flora e a fauna son vitais para a subsistencia do planeta e do ser humano. Un ecosistema sen a presenza de árbores, daría lugar a unha escasa concentración de osíxeno, necesario para que todo ser vivo desenvólvase. Do mesmo xeito que a falta de animais rompería a cadea alimenticia. Necesitamos ecosistemas equilibrados para que prosperen as especies e plantas con biodiversidade. Actuar.
8º) Mes de xuño de 2022: Consumo responsable. Consiste en comprar un produto ou contratar un servizo que proveña de fontes onde os recursos actuais e futuros estean apoiados por unha cadea de valor onde o comercio xusto destaque. Actuar.
|
||||||||||||
Encontros con Andrea Maceiras |
O venres, 4 de febreiro, realizamos a actividade encadrada dentro da XXXII CAMPAÑA DE ANIMACIÓN Á LECTURA, promovida pola Concellería de Educación do concello de Ourense, que leva por título Encontros co autor/a. Este ano a elixida foi a autora Andrea Maceiras que nos veu a falar do seu libro “A folla azul” que previamente traballamos no noso Club de lectura nos meses de decembro e xaneiro. O libro A folla azul relata a historia dun mundo verde así como o fogar de moitas tribos indíxenas que viviron alí desde o inicio dos tempos. Relata a historia de Husu Aké, membro da tribo dos Tacaré, filla da Nai Terra e habitante do mundo verde. Andrea Maceiras presentounos o seu libro a través dunha presentación que nos fixo reflexionar sobre a natureza. Logo tivemos a oportunidade de facerlle preguntas sobre o seu libro. E para rematar as sinaturas adicadas dos nosos libros. Foi un enorme pracer ter connosco a Andrea Maceiras e xa estamos agardando a que escriba o seu próximo libro. |
||||||||||||
Hora de ler en 2º de Ed. Primaria |
O curso escolar 2021/2022, a hora de ler, realizouse todos os días despois do recreo co obxectivo prioritario: Contribuír ao fomento do gusto pola lectura. Obxectivos:
Actividades.
Temporalización. Na hora de ler, que se realizou todos os días despois do recreo, de 12:00 a 12:20 traballamos os seguintes contos: No 1º trimestre: O primeiro conto foi escollido por Marco e elexiu o conto de "Cocorico" e que podedes ver nesta ligazón: O segundo dos contos traballados foi: Grazas. Historia dun rueiro. Outro dos contos escollidos por eles foi a fermosa historia de “Si yo tuviera una púa” que tamén podedes ver no noso blog da biblioteca. Alegría, outra das nenas de 2º elexiu o conto “La paleta de los recuerdos”. A súa protagonista Lucía conta como cada un dos recordos ten unha cor diferente e como a través desas cores viaxa por distintos momentos da súa vida e transmitindolle sentimientos diferentes. Debuxamos a portada do conto e fixemos unha en A3 para facerlle un agasallo a alumna de prácticas que se vai e puxémoslle na paleta da protagonista os nomes dos nen@s de 2º que compartimos con ela moitos momentos. Agradecer a Nerea por traballar co alumnado de 2º o conto de Elmer e aproveitar esa oportunidade para dramatizar o conto con eles. O elefante de cores, de David Mckee, trata dous grandes temas: o respeto hacia o outro dende a aceptación das diferencias, e a importancia de ser auténtico, ser un mesmo, celebrando o ser diferente. Tamén aproveitamos a presentación do noso proxecto das plantas para traballar o conto “Unha árbore”. Alina decidiu plantar unha árbore e todo comenzou a mudar. Ás veces unha pequena decisión é abondo para transformar todo o que nos rodea. Cada neno despois de traballar a comprensión e facer o cálculo de todo o que vai crecendo a través da árbore pedimoslle aos nenos que fixeran a ilustración do conto que máis lle gustara e todos coincidiron con facer a portada (cando alina caba o burato para plantar a súa plantiña) No 3º trimestre: O luns despois do día do libro fixemos un contacontos do conto LUME na bibblioteca. Nesta fermosa historia, o protagonista é un pequeno misto que sempre está enfadado, pero con esforzo aprenderá a xestionar a súa frustración. Neste mes de maio teremos un encontro coa autora deste libro na nosa biblioteca por iso o traballamos antes. Os alumn@s de 2º de primaria para conmemorar o día do libro recordamos todos os contos favoritos que lemos durante este curso na hora de ler e plasmámolos nas ramas da nosa árbore de lecturas. A árbore seguirá medrando e seguiremos gozando de cada unha das follas das maravillosas historias dos contos da nosa biblio. Como conclusión, destacar o motivad@s que estiveron @s nen@s por traballar cos contos que eles elexiron, os seus intereses e o que lle gusta é o éxito da actividade. A valoración foi moi positiva sobre todo no referente ao traballo en equipo cando dramatizan os contos e cando despois van a interpretarllo @s nen@s máis pequenos. |
||||||||||||
Día do punto | |||||||||||||
Festa do Samaín 2022 |
O último día do mes de outubro voltamos a celebrar a Festa do Samaín no noso cole coa realización das seguintes actividades:
A celebración na prensa local ENTREGA DE PREMIOS
Traballos premiados polo alumnado |
||||||||||||
Entrega do 1º premio do concurso do Exército de Terra |
Hoxe, 16 de maio de 2023, acudiu ao noso centro o Excmo. General de Brigada Sr. D. Alfonso Pardo de Santayana Galbis para realizar a entrega do 1º premio autonómico do concurso “Premios do Exército de Terra” ao alumnado de 4º curso de Educación Primaria co traballo Mirando sen ver centrado no traballo que realiza el Grupo Militar de Alta Montaña (Base Oroel San Bernardo) a prol das persoas con discapacidade visual. Recordar que dito traballo acaba de recibir, tamén, o 1º Premio Nacional e que leva asociada unha contía de 4500 euros. Na entrega do premio regional acudiron autoridades militares desprazadas dende a “Base General de Morillo” en Pontevedra o Excmo. General de Brigada Sr. D. Alfonso Pardo de Santayana Galbis e comandante D. Pablo Ponce de León Rodríguez e o Suboficial Mayor D. Manuel Fariña Martínez. Da Subdelegación de Defensa de Ourense o comandante D. José Manuel Zapata Paz e o subteniente D. José Manuel Duque e representando a Xunta de Galicia D. Manuel Pardo Cid xefe territorial da Consellería de Presidencia, AAPP e Xustiza e Dna. María del Pilar Barandela Sandianes inspectora da Consellería de Cultura, Educación, Formación Profesional e Universidades. Na entrega do recoñecemento do 1º premio entregouse ao centro un diploma, unha bandeira de percha así como dous libros relacionados coa Campaña Antártica e o traballo da Base Gabriel de Castilla. Que gran día... e que orgullosos estamos do noso alumnado. PARABÉNS AOS NOSOS/AS PEQUE-ESCALADORES!
|
||||||||||||
A Lazy Ladybird! |
Nesas estabamos cando decidimos percorrer o xardín da escola e amosarlle o noso horto. Non foi un voo moi longo, pero a ladybird descubriu o pracer de voar en liberdade. FLY LADYBIRD FLY!
|
||||||||||||
Libros que van e veñen 2023/2024 |
Mochilas de Contos para Nenos e nenas de Ed. Infantil A partir do mes de setembro, os nenos e nenas de Educación Infantil tiveron a oportunidade emocionante de levar a casa as súas mochilas especiais de contos todos os venres. Cada mochila inclúe un conto encantador e un caderno para debuxar baseado na historia. Esta iniciativa, chamada "Libros que van e veñen", permite que o alumnado comparta experiencias literarias únicas coa súa familia e tamén coñezan un pouco máis sobre o mundo da escritura e a arte do debuxo. A idea é simple: os nenos e nenas levan unha mochila a casa, desfrutan dun conto durante o fin de semana e fan un debuxo sobre a historia no caderno proporcionado. O proceso é o seguinte: as mochilas deben ser devoltas os martes ou mércores da semana seguinte, cando se cambiarán os contos. Durante a semana, revisamos os cadernos cos debuxos feitos na casa. Os nenos e nenas teñen a oportunidade de compartir os seus debuxos co grupo e contar o que máis lles gustou do conto. Esta iniciativa busca fomentar a paixón pola lectura e a creatividade desde idades temperás, ao mesmo tempo que fortalece os lazos entre o fogar e a escola. Estamos entusiasmados por ver a creatividade dos nosos pequenos artistas e o seu entusiasmo polos contos. Agradecemos a colaboración dos pais e dos encargados no fomento desta nova aventura literaria. Estamos seguros de que "Libros que van e veñen" é unha experiencia enriquecedora para todos e todas.
|
||||||||||||
Club de Lectura do curso 2023/2024 |
O Club de Lectura do cole volta a brillar! O curso 2023/2024 foi un ano de grandes éxitos para o Club de Lectura do cole. Tras o premio nacional conseguido no curso anterior, a participación e o entusiasmo de nenos e nenas alcanzou niveis sen precedentes. Un espazo para o amor á lectura O Club de Lectura converteuse nun oasis para os amantes dos libros. O Club de Lectura do cole voltou a funcionar como un paraugas dos clubs de lectura de 1º Ciclo, 3º, 4º, 5º e 6º de Ed. Primaria. Nenos e nenas de todos os cursos e idades reúnense para compartir a súa paixón pola lectura. Nun ambiente acolledor e distendido, len de forma silenciosa ou colectiva, discuten sobre as obras lidas, intercambian opinións e descobren novos autores e xéneros. Un legado de éxito O premio nacional obtido no curso 2022/2023 serviu como un impulso importante para o Club de Lectura. Este recoñecemento reforzou a confianza do alumnado na súa capacidade para desfrutar da lectura e espertou o interese de outro estudantes que antes non participaban neste tipo de actividades. Un futuro prometedor O éxito do Club de Lectura no curso 2023/2024 énchenos de orgullo e anímanos a seguir traballando para mellorar o programa e ofrecer ao noso alumnado a mellor experiencia posible. Queremos agradecer a todos os nenos e nenas que participaron no Club de Lectura durante este curso, así como ao seu profesorado e familias polo seu apoio. Tamén queremos estender o noso agradecemento ao equipo da biblioteca do colexio pola súa dedicación e traballo incansable.
Esperamos que o Club de Lectura do Sueiro siga crecendo e acadando éxitos nos próximos anos!
|
||||||||||||
Valor da auga, dos mares e océanos |
Durante o curso 2023/2024, o Proxecto de Desenvolvemento Integral (P.D.I.) centrouse no coidado do medio ambiente, especificamente na temática do ODS 14: Vida Submarina. Este enfoque busca sensibilizar e educar ao alumnado sobre a importancia da auga dos mares e océanos para a sustentabilidade do planeta. Obxectivos
Actividades Realizadas Lecturas e Análise de Libros
Cada libro foi lido e discutido en clase, fomentando a análise crítica e a reflexión sobre os temas presentados. Vídeos Didácticos Proxectáronse varios vídeos didácticos que abordaron a temática da vida submarina, a contaminación dos océanos e as medidas de conservación. Estes vídeos serviron como complemento visual ás lecturas e discusións en clase. Obradoiros e Experimentos en Clase Leváronse a cabo diversos obradoiros e experimentos para que os alumnos puidesen aplicar de maneira práctica os conceptos aprendidos. Temporalización As actividades desenvolvéronse durante o terceiro trimestre do curso, con periodicidade quincenal. Isto permitiu un seguimento continuo e unha integración adecuada dos contidos no plan de estudos. Metodoloxía Empregouse unha metodoloxía activa e de descubrimento guiado, promovendo a participación activa e a aprendizaxe autónoma dos alumnos. As actividades apoiáronse na maioría en soportes escritos, pero priorizouse o traballo a través da comunicación oral. Esta metodoloxía axustouse ás características individuais do alumnado, asegurando que cada estudante puidese participar e aprender de maneira efectiva. Resultados e Avaliación O alumnado demostrou un alto nivel de compromiso e comprensión sobre a importancia de coidar os océanos e mares. As actividades prácticas e as visitas didácticas foron especialmente efectivas para consolidar as aprendizaxes teóricas. A lectura dos libros seleccionados fomentou un interese xenuíno polos temas medioambientais e motivou discusións enriquecedoras en clase. Conclusión O proxecto "Valor da Auga dos Mares e Océanos" logrou os seus obxectivos de sensibilización e educación ambiental. Os alumnos de 4º de Educación Primaria non só adquiriron coñecementos sobre a vida submarina, senón que tamén desenvolveron unha actitude proactiva cara á protección do medio ambiente. Este enfoque educativo integral sentará as bases para futuros proxectos que continúen promovendo a sustentabilidade e o respecto polo noso planeta. Recomendacións Para próximos cursos, recoméndase:
|
||||||||||||
As mandas do meco | |||||||||||||
Día da Poesía 2015 |
A celebración do Día da poesía no noso centro durou máis dunha semana. Ao longo deste tempo realizamos múltiples actividades co fin último de fomentar o gusto e a lectura de poesía. Unha das principais actividades foi a realización dun obradoiro/concurso de poesía onde todo o alumnado do centro que traía unha poesía (inventada, copiada, con axuda dos pais,...) recibiu un agasallo. Colgamos na entrada do centro un cartaz "Se un agasallo queres ter, poema has de traer" para motivar aos nenos/as. No tempo destinado á Hora de ler traballamos lecturas de poemas e fixemos actividades variadas. Realizamos unha exposición no centro das poesías feitas polo alumnado. O propio día da poesía, que o celebramos o venres 27 de marzo, todo o alumnado e profesorado asistiu na biblioteca a un fantástico recital de poemas, onde os alumnos e alumnas de Educación Infantil recitaron unha poesía "Chegoua primavera" e adiviñas de contidos matemáticos relacionadas co PDI. Unha vez finalizado o recital,os alumnos e alumnas foron ás aulas, onde os seus titores lle deron o agasallo a todos os que fixeran a poesía. Para rematar, formamos grupos de dúas clases para ir ver a exposición das poesías. Cada grupo amosoulle ao outro grupo as súas poesías, recitando os que quixeron en voz alta os seus poemas. |
||||||||||||
Xogando ás olas coas Pitas de Eiroás |
O último venres de xaneiro, víspera do domingo oleiro, as Pitas de Eiroas cordinaron o xogo das olas no noso colexio. Previamente, tivéramos un obradoiro onde nos explicaron a orixe da Pita de Eiroás e asemade nos amosaron como decorar as olas coas que posteriormente íamos xogar. Este ano, unha nova cor pendurará do broche da Pita e 2016 será a VERDE CLARA, coa que queren facer fincapé na defensa do ensino público, despois de ter sido unha das propostas de cor nos últimos anos e ante a continuidade dun modelo que semella ir encamiñado cara a precarización dos servizos públicos e de calidade. No desenvolvemento da actividade participaron tres Pitas de Eiroás e todo o alummado e profesorado do centro. Esta resultou ser moi entretida para todos os participantes. A pesar de que había un bo número de olas, estas resultaron insuficientes debido á aceptación e entusiasmo que amosaron os participantes no xogo. Na galería de imaxes podedes observar o ben que o pasamos... |
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »