Saída didáctica a Portugal

 

O alumnado de portugués de 3º da ESO, 4º da ESO e 1º e 2º de bacharelato realizou unha saída didáctica a Portugal o pasado xoves día 7 de abril. Achegáronse ao Museo da fábrica de chocolate en  Viana do Castelo, onde se lles explicou, en portugués, toda a historia do chocolate e as fases da súa produción desde a antiguidade ata hoxe. Despois de dar un paseo polo centro desta cidade, foron ata a cidade do Porto, para realizar a pé un percorrido  que os levou polos principais monumentos: Torre dos clérigos, estación de São Bento, ponte de Luis I, Sé-Catedral etc.