Preme para ver máis fotos

05/02/2024

Esta mañá tivemos a sorte de contar cun poeta consagrado no centro. Adrián Sixto tivo a amabilidade de compartir con nós dúas horas do seu tempo. Nelas amosou a alumnos de 1º de ESO coñecementos fundamentais do texto lírico antes de experimentar coa palabra nun taller de creación poética cuxas mostras serán expostas e recitadas ó longo da semana.

Gracias, Adrián, pola túa dedicación!

14/02/2022

Enya Magallón e Brais Peña, alumnos de 1º de ESO C, cumpriron moi ben a súa función de "Cupidos": no día de San Valentín entregaron todas as mensaxes de cariño depositadas na caixa de correos durante a semana pasada.

Grazas pola súa colaboración e grazas tamén a todos os que participaron nesta actividade, que buscaba destacar a importancia de manifestar sentimentos tan positivos como a amizade, o amor e o agradecemento cara ás persoas que forman parte da nosa vida.

08/02/2022

Achégase o día de San Valentín, dende o Departamento de Lingua Castelá propoñemos unha actividade para celebrar esa data tan amorosa: escribe unha carta de amor, amizade ou agradecemento, dirixida a algunha persoa do centro.

Mete a carta nun sobre no que indiques o nome do teu destinatario/a (e o grupo). Deposítao na caixa de correos que atoparás na entrada do colexio (ata o 11 de febreiro. 10h).

O luns 14, o noso equipo de Cupidos, entregará cada mensaxe a quen corresponda.

(Trata de ser correcto tanto no contido como na forma da túa mensaxe. As cartas que non indiquen o nome do remitente, serán revisadas para evitar expresións inadecuadas).

22/05/2020

Gran parte do alumnado de Lingua Castela de 2º ESO segue a traballar moito na súa casa durante este confinamento. Nesta ocasión propuxémoslles que creasen unha escena teatral e que despois a gravasen en audio ou vídeo. Entre os interesantes e orixinais textos que enviaron, destacamos o de Claudia Zhu Díaz Casas, que aquí amosamos. Grazas a todos por manter a ilusión nesta nova forma de aprendizaxe.

Achegamos a Programación Didáctica do Departamento de Lingua Castelá para este curso.

03/06/2019

Irene Navidad Chas, alumna de 2º de ESO - C, resultó premiada en la 59ª edición del Concurso de Relato Corto promovido por la Fundación Coca Cola y respaldado por la RAE. Se trata de un concurso nacional de redacción, dirigido al alumnado de 2º ESO.

Este año, tan solo en Galicia se presentaron seiscientos participantes y de ellos, 21 fueron seleccionados como finalistas, distribuidos en siete sectores geográficos.

El pasado viernes 31 de mayo se celebró la Gala de Entrega de Premios, en el incomparable marco de las islas Cíes.  Allí estuvo Irene para recoger su galardón como segunda clasificada del sector Ferrolterra. Además de la entrega de premios, todos los participantes, sus familias y profesores disfrutaron de una comida y de diversas actividades en la isla.

Enhorabuena, Irene y gracias por tu pasión por la literatura!

Nota: Se puede ver alguna foto adicional de las Cíes en el álbum "Lingua Castelá 2019" de nuestra Galería.

07/05/2019

Hai varias semanas que informabamos da participación de seis alumnos de 2º ESO no concurso de Relato Curto promovido pola empresa Coca Cola e apoiado pola RAE.

Pois ben, acabamos de coñecer que Irene Navidad Chas, alumna de 2º C, quedou seleccionada entre os tres alumnos que representan a comarca de Ferrolterra. A finais de mes, esta apaixonada da literatura, recollerá o seu premio nunha gala provincial e saberá se tamén está elixida como representante autonómica deste concurso nacional que leva xa 59 edicións. Parabéns a Irene e grazas ao resto do alumnado participante.

23/03/2019

Inés, Nuria, Lara, Sandra, Irene e Brais, alumnos de 2º ESO, representaron ao CPI do Feal na 59ª edición do Concurso de Relato promovido pola empresa Coca Cola e apoiado pola RAE.  A facultade de Filoloxía acolleu aos participantes da zona de Coruña. A proba desenvólvese, simultaneamente, en toda España.

Esta vez o estímulo de escritura era un pequeno reloxo de arena. Os rapaces debían incluír nos seus escritos a frase "la arena se escapaba lentamente".

Grazas aos nosos representantes polo seu entusiasmo e traballo. Moita sorte!

Nota: Achegamos os arquivos orixinais das fotos neste artigo, e tamén queda unha versión reducida no álbum "Lingua Castelá 2019" da nosa Galería.

18/01/2019

Neste mes de xaneiro, a Biblioteca de Secundaria quere destacar a súa sección de Mitoloxía. Ofreceremos diversas actividades relacionadas con este tema. A primeira delas terá lugar nos recreos: o alumnado de 1º ESO elaborou, nas clases de Lingua Castelá,  un xogo de naipes de criaturas mitolóxicas: estades invitados a botar unha partida.

A próxima semana engadiremos outra opción de xogo, esta vez on line: no ordenador da biblioteca terás aberta unha páxina de xogos sobre mitoloxía.

Lembramos tamén que continúa aberto o prazo para participar no concurso da Ciencia proposto a finais de novembro. Quen dixo que Ciencia e Mitoloxía eran incompatibles?

Fai clic para ampliar a foto

15/01/2019

Maite Núñez, ex profesora do CPI do Feal, vive dende hai varios anos en Noruega. Alí traballa nun instituto de Erdal, impartindo clases de español e, por tal motivo, no mes de decembro propuxo a idea de facer un intercambio de postais de Nadal entre os seus alumnos de Secundaria e os nosos. Así o fixemos.

Na foto aparece unha parte do alumnado que participou nesta iniciativa: todos elaboraron as súas tarxetas con esmero e agarimo. Moitas grazas pola vosa inestimable colaboración. Esperamos que este primeiro contacto sexa o comezo dunha relación máis estable entre os mozos e mozas de ambos centros educativos.

Un saúdo dende aquí para Maite e os seus alumnos e grazas por tender esta ponte entre lugares tan distantes.

Mar González