Preme para ampliar

21/03/2024

O pasado luns, o noso alumnado de 4º de ESO matriculado en Oratoria, participou nun novo pleno escolar organizado polo Concello de Narón. No pleno, presidido pola alcaldesa e a concelleira de Ensino, participaron outros centros de Narón e se fixeron diversas propostas para dinamizar a xuventude do Concello.

Engadimos un enlace ao artigo sobre a actividade que se publicou hoxe en La Voz de Galicia.

Preme para ver máis fotos

19/02/2024

Aínda que este ano non houbo queima do meco debido ao mal tempo, o venres de Entroido non deixou de haber festa no Feal. En Infantil e Primaria, a temática dos disfraces era olímpica, pero na ESO era libre. Na imaxe, destacamos a un fantástico samurai (Hugo Vérez Pérez, de 2º de ESO C) que fixo todo en casa con material reciclado, pero podedes ver máis fotos no álbum Entroido 2024 da nosa Galería.

Achegamos tamén o texto do testamento do meco e un pequeno vídeo no que o le un grupo de 4º de ESO.

Preme para ampliar

05/02/2024

Durante o primeiro trimestre, decidírase establecer un calendario de limpeza do noso patio no que participase tanto o noso alumnado coma o noso profesorado, organizándose en patrullas por titorías. Esta tarde de luns abriu o fogo a Patrulla Cristina: 3º de ESO A. Xa vedes a cantidade de lixo que recolleron nunha soa clase. A colaboración do grupo foi total. Un millón de grazas a todo 3º de ESO A e á súa titora (Cris). Parabéns!! Esperemos que a partir deste exemplo haxa unha pandemia explosiva de patrullas de limpeza.

De todas maneiras, sabedes de sobra que hai unha solución bastante máis sinxela: non tirar nada fóra das papeleiras. Pasa un pouco como co cambio climático: estanse desenvolvendo tecnoloxías complicadísimas para recoller CO₂ da atmosfera, incluso con Intelixencia Artificial, cando o primeiro é deixar de botar CO₂ a atmosfera (queimando combustibles, bosques, mecos ou o que sexa).

2/01/2024

Como todos os anos no colexio, celebraremos o Entroido por todo o alto.

Todos os días ata o venres 9, día da celebración, faremos os mandatos do Meco para ir ambientando o colexio.

O venres 9, aquelas familias do alumnado de 1º a 6º de primaria que voluntariamente queirades, podedes mandar postres típicos de Entroido, para a festa que faremos co alumnado.

Ese mesmo día sobre as 13:00 horas teremos a tradicional queima do Meco, a que estades invitadas todas as familias.

Preme para ver a presentación

26/11/2023

Achegamos unha presentación feita en 4º de Primaria sobre as actividades feitas no Feal con motivo do pasado 25N.

29/06/2023

Tras catro anos e unha pandemia, o noso centro volveu ao Pazo da Cultura de Narón para celebrar o seu Festival Fin de Curso. Moitas grazas a toda a xente que participou dalgún xeito (tanto do Feal como do Pazo), e deixamos en YouTube unha lista de reprodución coas actuacións de 2023. Boas vacacións!

08/06/2023

Durante este curso, o cole estivo inmerso nun programa de Educación Responsable promovido pola Fundación Botín e a Consellería de Educación.

Dentro dese plan e baixo a sección do Coro das Emocións, formamos o Pequecoro Son do Feal, co cal ensaiamos durante o 2° e 3° trimestre, e fixemos unha gran actuación o 19 de maio en honra das Letras Galegas, contando coas familias e outros cursos do cole como espectadores. Aquí vos deixamos o vídeo da actuación esperando que vos guste.

Preme para ver máis fotos

08/05/2023

O alumnado de 3º da ESO participou o pasado 26 de abril na actividade Rutas Literarias, que organiza o Departamento de Didáctica do Museo Provincial de Lugo.

Despois de ler a obra "Contos de fantasmas no museo" visitaron estas instalacións onde, seguindo o fío dos relatos lidos, foron coñecendo, sen apenas decatarse, este espazo emblemático da  cidade.

Nesta mesma xornada tamén fixeron un percorrido polo entorno monumental da cidade.

Esta iniciativa estivo organizada polo Departamento de Lingua Galega e o Departamento de Xeografía e Historia.

Preme para ver máis fotos

07/03/2023

O pasado 3 de maio, o noso alumnado de 6º de Primaria fixo unha visita ao parlamento galego, acompañado de Matilde, Belén e Eugenio. Alí, os nenos e nenas puideron sentirse un pouco parlamentari@s e ademais coñeceron a arte co que está decorado o edificio. Na despedida, o alumnado recibiu un cómic de agasallo sobre o funcionamento do parlamento, e o profesorado outro libro sobre a súa arte.

Na xornada houbo tempo para visitar a catedral e o casco vello, e o xantar tivo lugar no xardín das pedras que falan, xunto á catedral.

Deixamos unha selección de fotos da saída no álbum "Santiago 2023" da nosa Galería.

13/03/2023

A xente de Primaria non para, e envíanos un vídeo da saída de 5º de Primaria á Domus da Coruña (6 de marzo) e outro coa saída de 2º de Primaria a Corax Fauna en Paderne (8 de marzo).

Na visita á Domus, non ten prezo o fragmento no que o alumnado ve un parto (nun vídeo).