Preme para ver a presentación

26/11/2023

Achegamos unha presentación feita en 4º de Primaria sobre as actividades feitas no Feal con motivo do pasado 25N.

29/06/2023

Tras catro anos e unha pandemia, o noso centro volveu ao Pazo da Cultura de Narón para celebrar o seu Festival Fin de Curso. Moitas grazas a toda a xente que participou dalgún xeito (tanto do Feal como do Pazo), e deixamos en YouTube unha lista de reprodución coas actuacións de 2023. Boas vacacións!

08/06/2023

Durante este curso, o cole estivo inmerso nun programa de Educación Responsable promovido pola Fundación Botín e a Consellería de Educación.

Dentro dese plan e baixo a sección do Coro das Emocións, formamos o Pequecoro Son do Feal, co cal ensaiamos durante o 2° e 3° trimestre, e fixemos unha gran actuación o 19 de maio en honra das Letras Galegas, contando coas familias e outros cursos do cole como espectadores. Aquí vos deixamos o vídeo da actuación esperando que vos guste.

07/06/2023

Achegamos outro vídeo montado por Keko, sobre a saída de 6º de Primaria ao parque de aventuras "O Ventoso" (cerca da Laracha) o pasado 31 de maio.

Preme para ver máis fotos

08/05/2023

O alumnado de 3º da ESO participou o pasado 26 de abril na actividade Rutas Literarias, que organiza o Departamento de Didáctica do Museo Provincial de Lugo.

Despois de ler a obra "Contos de fantasmas no museo" visitaron estas instalacións onde, seguindo o fío dos relatos lidos, foron coñecendo, sen apenas decatarse, este espazo emblemático da  cidade.

Nesta mesma xornada tamén fixeron un percorrido polo entorno monumental da cidade.

Esta iniciativa estivo organizada polo Departamento de Lingua Galega e o Departamento de Xeografía e Historia.

Preme para ver máis fotos

07/03/2023

O pasado 3 de maio, o noso alumnado de 6º de Primaria fixo unha visita ao parlamento galego, acompañado de Matilde, Belén e Eugenio. Alí, os nenos e nenas puideron sentirse un pouco parlamentari@s e ademais coñeceron a arte co que está decorado o edificio. Na despedida, o alumnado recibiu un cómic de agasallo sobre o funcionamento do parlamento, e o profesorado outro libro sobre a súa arte.

Na xornada houbo tempo para visitar a catedral e o casco vello, e o xantar tivo lugar no xardín das pedras que falan, xunto á catedral.

Deixamos unha selección de fotos da saída no álbum "Santiago 2023" da nosa Galería.

13/03/2023

A xente de Primaria non para, e envíanos un vídeo da saída de 5º de Primaria á Domus da Coruña (6 de marzo) e outro coa saída de 2º de Primaria a Corax Fauna en Paderne (8 de marzo).

Na visita á Domus, non ten prezo o fragmento no que o alumnado ve un parto (nun vídeo).

27/02/2023

Publicamos xa algunhas imaxes do pasado Entroido no Feal. Hai un vídeo máis centrado en Infantil e Primaria, e outro co testamento e queima do meco que argallaron en 4° de ESO. Nesta ocasión, atopámonos cun MECOVID, que foi bastante máis duro de queimar do habitual; sen dúbida, unha cepa resistente a do 23. Tamén iremos subindo fotos ao álbum Entroido 2023 da nosa Galería, e ademais, achegamos o testamento 2023 en pdf.

Grazas a toda a xente que axudou dalgún xeito a facer a festa!

25/02/2023

O pasado 15 de febreiro, o noso alumnado de 3º de Primaria estivo de paseo pola Torre de Hércules, e despois disfrutou dun concerto da Banda Municipal da Coruña.

31/01/2023

O noso equipo de Actividades Complementarias e Extraescolares organizou este vídeo para celebrar o Día da Paz 2023. Os máis vell@s do lugar atoparán nel numerosos chiscos ao vídeo do noso 40 aniversario.