Preme para ampliar

02/04/2024

Durante o pasado mes de marzo tivo lugar na Bliblioteca de secundaria un apaixoante torneo de xadrez que chegou ao seu fin proclamando como campións a Iván López (4º B) como 1º clasificado, Xoel Durán (4º A) en segunda posición e completando o podio Xián Pena (4ºB).

Este torneo resultou unha experiencia interesante e enriquecedora onde alumnos e alumnas de diferentes cursos interactuaron, xogaron e animaron aos participantes, facendo que a Biblioteca fose un espacio de xogo e compañerismo. Moitas grazas a todos e todas as que participáchedes (alumnado e profesorado) e aos voluntarios da Biblioteca, en especial a Antía Picos, que estivo supervisando as partidas durante todo o mes.

Esperamos que disfrutárades do torneo, de seguro que faremos outro!

Preme para ver máis fotos

26/02/2020

O pasado 18 de febreiro, Álex, Claudia, Hugo, Paula e Raúl (de 2º de ESO do Feal), participaron na II Olimpíada de Enxeñería de Camiños, Canais e Portos. Nela tiveron que mostrar os seus dotes como enxeñeir@s superando diferentes probas: construción (arco de dovelas), estruturas (ponte Da Vinci), hidráulica (presa-dique), gráfica (crebacabezas), transporte de mercancías e proxecto asistido por ordenador. Grazas polo voso esforzo e entusiasmo!

20/03/2019

O pasado 12 de marzo, celebrouse a fase de centros do Rally matemático sen fronteiras 2019. Corenta alumnos do Feal, distribuídos en tres grupos de 1º ESO e dous de 2º ESO, tomaron parte nesta proba, na que tiveron que resolver cinco problemas ligados coas matemáticas. Moitas grazas a todos os participantes polo seu entusiasmo e a todo o persoal do centro que colaborou para que esta actividade fose posible.

Podedes ver algunha foto máis da actividade no álbum "Matemáticas 2019" da nosa Galería.

18/03/2019

Os fractais son figuras xeométricas cunha estrutura que se repite a diferentes escalas, e están moi presentes na natureza. No Feal construímos o coñecido como triángulo de Sierpinski, utilizando 243 latas de refresco. Moitas grazas a todos os que colaborastes traendo, lixando ou pegando as latas.

24/03/2015

O alumnado de 1º de ESO do CPI do Feal participa no Proxecto Alfombra de Sierpinski promovido pola Universidade de Almería e a Universidade Politécnica de Catalunya entre outros. Trátase dunha actividade colectiva e solidaria na que participan nen@s entre 3 e 99 anos de todo o mundo, coa que se quere construír un fractal xeométrico xigante, coñecido como Alfombra de Sierpinski, con adhesivos de cores.

Os fractais son obxectos matemáticos que repiten a súa estrutura básica a diferentes tamaños. Neste caso, en cada iteración ou tamaño, o número de cadrados vese multiplicado por 8. Cada centro educativo do mundo constrúe a 4ª iteración da Alfombra de Sierpinski. A 5ª iteración montarase coa cooperación de 8 centros educativos. O gran reto é alcanzar a 7ª iteración con 512 alfombras, con motivo do centenario da publicación de Sierpinski. Esta última iteración exporase en COSMOCAIXA na cidade de Barcelona.

Dende o CPI do Feal, participamos coa construción de dúas alfombras da 4ª iteración realizadas coa colaboración de todo o alumnado de 1º de ESO. Moitas grazas a tod@s!!

22/12/2009

Como sabedes, a profesora de Matemáticas Conchi Seijas é aficionada á papiroflexia e aproveitou o último día de clase de 2009 para facer cubos artísticos co alumnado de 3º de ESO B. A curiosa foto que ilustra o artigo está feita polo alumno da mesma clase Ángel Soto, na aula de Informática da 2ª planta. Dada a tremenda cámara da que dispón Ángel e a calidade do seu traballo, queda nomeado dende este momento fotógrafo da web do Feal. Agardamos máis fotos!!!! Aproveitamos para engadir debaixo outra foto do mesmo fotógrafo con permiso dos protagonistas: o propio Ángel Soto e Andrea Castro.

Fai clic para ver máis fotos

04/05/2009

Na ESO do noso centro hai tradición de papiroflexia (ou origami) dende hai varios anos, tanto nos obradoiros de Entroido como nas clases de Matemáticas. O pasado 30 de abril, a nosa profesora de Matemáticas Conchi Seijas foi invitada pola Escola de Arquitectura de A Coruña para dirixir un obradoiro de papiroflexia modular dentro dunha semana de diversas actividades culturais e deportivas. Quedan algunhas imaxes na Galería; véndoas, parece que os futuros arquitect@s de Galicia pasáronno moi ben.