Preme para ver máis fotos

23/11/2023

Durante esta semana, temos a un grupiño de 3º de ESO polos Peares (Ourense), acompañados da súa profesora de inglés Carmen Piñeiro. A saída forma parte do programa Dixitalweek da Xunta, para mellorar a competencia lingüística e tecnolóxica en inglés. Iremos engadindo as imaxes que recibamos no álbum "Os Peares 2023" da nosa Galería.

Preme para ver máis fotos

06/02/2023

O pasado 23 de xaneiro, o alumnado de 5º e 6º de Primaria asistiu á obra en inglés The sword in the stone (da compañía Face2face), na Coruña. Algúns deles saíron ao escenario para interpretar personaxes. Xa que o tempo acompañou, o grupo puido achegarse depois á Torre de Hércules e arredores.

14/01/2023

Deixamos aquí a reportaxe emitida onte no Telexornal de TVE sobre a obra de teatro en inglés á que asistiu o noso alumnado de 3º e 4º de ESO. Grazas especiais ao alumnado que participou saíndo a escena e incluso respondendo ás preguntas de TVE (que tamén abordou a súa profe Irene).

Preme para ver máis fotos

26/05/2021

Esta mañá, o alumnado de 3º de ESO das Seccións Bilingües de Música e Plástica, tivemos a última clase coa auxiliar de conversa Jill. Foi una experiencia moi positiva, e aproveitamos as clases con ela para mellorar a expresión oral, ampliar vocabulario e achegarnos á súa cultura. Jill é unha defensora das clases ao aire libre, así que siempre que o tempo nolo permitiu, aproveitamos para saír fóra.

Podedes ver nas fotos o ben que o pasamos con ela; botarémola moito de menos. Moita sorte e grazas por todo, Jill!

Fai clic para ampliar a foto

24/06/2018

Parabéns aos nosos alumnos e alumnas de 1º de ESO Bruno, Hugo, Nuria, Xela, Irene, Laura, Tania, Noa, Ariel e Anxo, que foron seleccionados para participar nos campamentos de verán en inglés organizados pola Consellería de Educación. Aproveitade esta oportunidade e xa nos contaredes á volta!!

Fai clic para ver máis fotos

22/04/2018

O pasado venres 20 de abril, o alumnado de 3º e 4º de ESO, acompañado das profesoras Gelu Porto, Pilar Sánchez, Laura González e Eva Mesejo, asistiu a unha representación teatral en inglés (Frankenstein Files), no auditorio municipal de Narón.

A obra foi moi divertida e orixinal. Os actores amosaron moita complicidade co público, e incluso alumnas nosas saíron ao escenario a mostrar as súas dotes dramáticas. Noraboa a Alba Fachal e Lydia Bereijo!!!

Moitas grazas tamén ao Concello de Narón pola súa colaboración no desenvolvemento da actividade.

16/04/2018

Laura González Ladicani, que é a auxiliar de conversación en inglés que temos este curso no Feal, apareceu en La Voz de Galicia do 15/04/2018 (xunto con outra compañeira que traballa noutro centro). Sen dúbida, a súa axuda fai que o noso alumnado teña unha educación máis completa.

09/10/2015

Pensando no noso alumnado de 4º de ESO, informamos do Programa de Bolsas da Fundación Amancio Ortega, para unha inmersión lingüística en Estados Unidos e Canadá en 1º de Bacharelato (durante o curso 2016/17). O prazo de entrega de solicitudes remata o próximo 12 de novembro ás 13:00.

Click to see more pictures

11/02/2015

Last week, we cooked French Toast. It is a popular breakfast dish in the United States and Canada. Our teacher, Amaya, helped us and the result was… yummy! And all the ingredients are natural and easy to find! If you want to learn the recipe, click here.

28/03/2014

Achegamos información sobre a nova convocatoria de actividades de verán para mellorar o inglés do alumnado galego de Secundaria (en Galicia). O prazo de presentación de solicitudes é desde o 28 de marzo ao 28 de abril.

O espazo web da Consellería de Educación dedicado a este proxecto é o seguinte: www.edu.xunta.es/axudasle