03/10/2023

Ante as numerosas dúbidas xurdidas entre as familias sobre a cobertura de golpes ou roturas nos portátiles Edixgal do alumnado (desde 5º de Primaria ata 4º de ESO), achegamos a documentación oficial da empresa Plexus con toda a información.

Preme para ampliar a foto

16/04/2023

Durante as pasadas vacacións de Semana Santa, a Consellería de Educación instalou paneis interactivos para todos os nosos grupos entre Infantil - 3 anos e 4º de Primaria.

Trátase de pantallas táctiles que non necesitan proxector (porque emiten luz por si mesmas como as tablets). Tampouco necesitan ordenador externo, porque ademais do seu sistema operativo android, levan integrado un pequeno ordenador adicional con Linux.

Deste xeito, houbo que retirar numerosas pizarras dixitais, proxectores e os seus soportes. Todo este material aínda funciona perfectamente (loxicamente con menos calidade que os novos paneis), e polo tanto, tratarase de reubicalo en aulas específicas.

Está previsto que a Consellería tamén modernice proximamente as demais aulas (que son xa Edixgal) con paneis de maior tamaño, e sen o ordenador integrado con Linux (posto que se podería aproveitar o portátil de aula existente), pero tamén con android.

Na foto que abre o artigo, pódese ver o panel de 1º A de Primaria en acción o pasado venres.

19/01/2022

Hoxe é un día histórico na traxectoria tecnolóxica do Feal: por fin chegou a fibra óptica (en 2022! ).

A finais de 2017, xa sentíramos unha importante melloría grazas a unha antena no tellado, que nos permitiu pasar dos 100 megabits por segundo de baixada.

Durante o primeiro trimestre deste curso, realizouse a preinstalación da fibra óptica, e hoxe, 19 de xaneiro de 2022, foi activada por un técnico da Xunta.

Como consecuencia, xa medimos máis de 600 megas de baixada nalgún equipo conectado por cable (con máis de 100 de subida). Nos equipos conectados sen fíos, hai un límite na tecnoloxía da Wi-Fi actual que non permite pasar dos 300 Mbps de baixada, pero segue habendo un salto importante respecto ao que tiñamos onte.

Celebremos entón a nova, pero sen esquecer que o prioritario é facer un uso responsable e intelixente deste monstruo chamado Internet.

19/09/2021

Anímate a instalar a app de Moodle para Android ou iOS, no teu móbil ou na túa tablet. Verás que o acceso ás nosas aulas virtuais desde dispositivos móbiles é máis cómodo coa app que cun navegador.

Durante a instalación, necesitarás o enderezo da Aula Virtual do Feal (https://www.edu.xunta.gal/centros/cpifeal/aulavirtual), ou da Aula Virtual de EDIXGAL (https://eva.edu.xunta.gal), e por suposto as túas credenciais (usuario/a e contrasinal).

No caso de que necesites acceso tanto á vella Aula Virtual do Feal como á Aula Virtual de EDIXGAL, unha vez que xa teñas un dos accesos na app de Moodle do teu dispositivo móbil, terás que premer na icona-hamburguesa (tres liñas horizontais) da barra inferior, e logo en "Cambiar de sitio" (case ao final da lista) e en "+", para engadir a nova aula virtual.

28/07/2020

A Consellería de Educación actualizou hoxe a nosa Aula Virtual, subindo da versión 2.6 de Moodle ata a 3.3.9. Aínda que non é a versión máis actual dispoñible (3.9.1), o avance é importante. Entre outras melloras, agora xa é posible utilizar dun xeito eficiente a app de Moodle para Android ou iOS, desde un móbil ou unha tablet. Durante os próximos días, instalaranse algúns módulos adicionais, e realizaranse axustes.

Durante o verán, axudaremos a detectar posibles erros, pero deixaremos descansar aos responsables da actualización ata setembro. Todo o noso agradecemento para eles polo seu gran esforzo.

24/10/2018 (actualizado o artigo orixinal do 12/12/2015, posto que desapareceu o Teclado Galego de Cilenis para Android, por xa non ser necesario)

O teclado galego de Google para dispositivos Android xa predí e corrixe automaticamente, e permite a escritura xestual (escorregando o dedo polo teclado táctil). Se en calquera momento necesitas pasar ao teclado castelán, inglés ou francés... o cambio é instantáneo.

E no ordenador non tes desculpas para non escribir ben en galego. Ademais dos correctores que veñen cos principais programas ofimáticos, tes numerosas ferramentas online para axudarche:

• Dicionario / Tradutor / Conxugador da Xunta
• Tradutor de texto (máis dunha palabra) da Xunta
• Normativa oficial na Wikipedia

Non digas iso de "Ben vale así", trata ben á nosa lingua.

14/03/2018

Tanto se es menor como se non, en España hai un teléfono gratuíto e confidencial para axudarte en diversos problemas relacionados con Internet (ciberacoso, privacidade, seguridade, adicción...): 900 116 117 (de 10:00 a 20:00 de luns a venres, e de 10:00 a 14:00 os sábados).

Máis información en www.is4k.es

12/12/2017

Hoxe foi un día histórico para @s sufrid@s internautas do Feal. Xa podemos traballar en Internet. Despois de tantos e tantos anos pedindo un subidón de velocidade, esta mañá medimos uns 100 Mbps de baixada en todos os equipos que probamos.

A mágoa é que ao Feal en realidade chegan 500 Mbps polo novo radioenlace, pero a nosa rede interna impón unha barreira de 100. E a barreira durará moitos anos, porque para rompela habería que cambiar a maioría dos conmutadores e cables de rede, e incluso moitas tarxetas nos ordenadores.

Así que saboreade ben este salto nas telecomunicacións do Feal, porque quedarán así por moito tempo.

Nota: Cen megas de grazas para Junior Camacho e Sara Caro!!

• Aula Virtual do Proxecto Abalar
• Aula Virtual do Proxecto Webs Dinámicas

Recopilacións xerais

• www.cdlibre.org
• ninite.com (instalador desasistido das aplicacións que se escollan)
• portableapps.com (aplicacións portátiles para memorias USB)

Selección básica

• Firefox (navegador web)
• Thunderbird (correo electrónico)
• LibreOffice (ofimática)
• GIMP (tratamento de imaxes)
• INKSKAPE (deseño gráfico)
• Audacity (edición de audio)
• OpenShot (edición de vídeo)
• VLC (reprodutor multimedia)
• MusicBee (xestor e reprodutor de música)
• 7-Zip (compresor/descompresor)

Elaboración de actividades educativas

• Libros Interactivos Multimedia
• JClic