20/05/2020

Paula Neira e Montse Fernández amosan aos peques o camiño sensorial que instalou o Equipo de Educación Vial de Narón durante o confinamento (no corredor de Infantil).

07/05/2020

As mestras de Infantil cóntanvos desde casa un conto popular ruso: A Casa da Mosca Chosca. O conto está adaptado ao galego por Eva Mejuto e ilustrado por Sergio Mora.

16/04/2020

Os peques de Infantil seguen traballando moito nas súas casas. Están aprendendo a cociñar, xogan a pita cega, bailan en inglés, fan botes da calma, colares de pasta, celebran cumples, plantan árbores... Non paran! Ademais, o vídeo inclúe un titorial de Brais de como facer un barquiño, moi ben explicado!

30/03/2020

O alumnado de Educación Infantil fai na casa algunhas das activiades propostas estes días; como plastilina caseira, plantar lentellas, ioga, ou xogar ás agachadas pisando só as baldosas de papel. Ademais, no vídeo as mestras de infantil mandan mensaxes de ánimo aos máis peques do centro.

11/10/2019

O noso alumno Iker Conchado (1º de ESO) pasou esta mañá pola aula de Infantil de 4 anos para contar o conto "Un elefante se balanceaba en una tela de araña". Como podedes ver no vídeo, os pequenos e pequenas estaban antentísim@s. Grazas Iker!

22/03/2019

Tiñamos pendente deixar por aquí testemuña dunha especial visita á aula de Infantil de 3 anos, que tivera lugar xa hai unhas semanas. Dous coñecidos alumnos da ESO foron alí a relaxarse, contando contos aos máis pequenos do Feal (o que está lendo na foto ten un irmán nesta aula). Talvez deberiamos impulsar máis este tipo de actividades.

24/11/2017

O noso alumnado de 3 anos estivo esta semana participando nunha actividade que combina as matemáticas e a robótica (dun xeito moi sinxelo, claro). Tedes máis información e un pequeno vídeo no blog de Paula Neira.

15/11/2017

Achegamos diverso material gráfico recollido por Paula Neira durante este outono en Infantil 3 anos.

08/10/2017

A nosa compañeira Paula Neira está documentando no seu blog a aterraxe no Feal do noso alumnado máis pequerrecho. Destacamos aquí o vídeo que fixo sobre a primeira semana entre nós desta xeración. Nel seguro que atopades algunha outra xente coñecida...

Fai clic para ver máis fotos

23/02/2017

Un ano máis, dentro do proxecto "Debuxando o noso mundo", o alumnado de Infantil creou carautas de distintos pintores. Os pícaros de 3 anos e Freixeiro inspiráronse nos soños de Joan Miró, as nenas e nenos de 4 anos viaxaron ao pasado de Felipe IV disfrazados das Meninas de Velázquez, e os rapaces e raparigas de 5 anos navegaron entre cunchas polo maxín de Maruja Mallo.