Fai clic para ampliar a foto

26/01/2017

O alumnado da aula de 5 anos de Educación Infantil, quixo participar no Museo do Feal que temos na Biblioteca. Mirade que fermosura de obras de arte inspiradas no Outono de Arcimboldo!!

Fai clic para ver máis fotos

08/11/2016

Os nenos e nenas de Infantil do Feal e Freixeiro, celebraron o Samaín o venres 28 de outubro nas súas aulas, a través da realización de pequenos obradoiros de baleirado de cabazas e decoración das mesmas. Ademais, engalanaron o corredor de Infantil coas súas manualidades e adornos propios de Halloween. Para celebralo, viñeron ataviados con disfraces terroríficos.

06/05/2016

Publicamos dous novos traballos feitos polo noso alumnado de Infantil (coordinados por Paula Neira) para o proxecto "Pegadas no camiño", dentro do plan "Protexe aos animais".

Fai clic para ampliar a foto

21/02/2016

Dentro das actividades propostas no proxecto “Protexe os animais” e coa colaboración das familias, as nenas e nenos do Feal e Freixeiro ensínannos as súas mascotas. Nótase o agarimo que se teñen entre eles. Podedes ver estas mascotas no mural do corredor de Infantil e na seguinte presentación:

Engadimos un vídeo de Izan (6º de Infantil) cos seus cabritiños:

Ademais, quixemos saber que animais eran os preferidos do noso alumnado e tamén que necesidades consideraban que tiñan:

Fai clic para ver as respostas

Graciñas a tod@s @s que participastes!!

Fai clic para ver máis fotos

10/02/2016

Os nenos/as de Infantil do Feal e Freixeiro homenaxearon este Entroido a tres grandes da pintura (Frida kahlo, Joan Miró e Vicent Van Gogh), a través da realización de carautas e antefaces.

Nota: aínda estamos traballando coas fotos e os vídeos do pasado venres de Entroido... necesitamos algúns días máis.

15/12/2015

Unha vez máis, temos que agradecer a colaboración audiovisual da profe de Infantil Paula Neira. Neste caso, recolle o ambiente de Nadal en Educación Infantil do Feal... e de Freixeiro.

Fai clic para ampliar a foto

10/12/2015

Amosamos a casiña que apareceu estes días no corredor de Infantil para ir dando un pouco de ambiente de Nadal. Na foto, podedes ver a algúns dos nenos e nenas do grupo de 5 anos.

11/11/2015

A pita choca é un poema de Manuel María que se recitou estes días na aula de Infantil - 4 anos co gallo da celebración da Semana da Tradición Oral, que se festexa entre o dous e o nove de novembro. Este ano adícanselle as Letras Galegas a este autor, polo que ao longo do curso, este grupo traballará máis poemiñas do libro Soños na gaiola.

Moitas grazas a Paula polo vídeo.

Fai clic para ver mellor aos peques

29/10/2015

Publicamos as imaxes recibidas da recente visita de Educación Infantil a Aldea Nova. No caso do vídeo gravado cun móbil, chéganos sen son.

27/10/2015

A semana pasada plantamos as castañas que tiñamos na aula, unhas plantámolas en vasiños transparentes para ver como crecen e outras en bolsas para comprobar como afecta a calor ao crecemento das plantas. As bolsas puxémolas nas ventás para que recibiran máis luz.

Nota da web: Moitas grazas polo vídeo, Paula!