Saltar navegación.
Inicio
Narón (A Coruña)

Novas da Biblioteca de Secundaria

Novidades na biblioteca

Novidades na bibliotecaPreme para ampliar a foto

14/02/2020

Durante as últimas semanas foron moitas as peticións dos nosos usuarios. Xa tedes á vosa disposición o material solicitado. Esperamos que lle saquedes bo partido.

O mes do Amor

Ciencia do amor

02/02/2020

Febreiro é, por excelencia, o mes do Amor. Dende a Biblioteca Escolar propoñemos un concurso de mensaxes amorosas, dirixido a todo o alumnado. Podedes consultar as bases neste enlace ou no taboleiro da entrada do centro, onde estará a caixa para depositar os textos participantes.

Equipo de voluntarias da biblioteca

Voluntarias da Biblioteca de Secundaria

29/01/2020

Un ano máis, o noso centro está adherido ao proxecto de Voluntariado na biblioteca escolar, que forma parte do programa de Bibliotecas Escolares Solidarias, incluído no plan LIA (Lectura, Información e Aprendizaxe).

Nesta convocatoria son 16 alumnas as que participarán nas tarefas de organización e dinamización da biblioteca.

O pasado luns tivo lugar unha reunión de presentación do grupo e, tras un xantar de convivencia, realizamos unha actividade de formación para que coñezan as tarefas que deben asumir no que resta de ano. O seu labor será recoñecido cun diploma oficial de colaborador de biblioteca.

Grazas a todas elas pola súa boa disposición.

Novembro, mes da ciencia en galego

Novembro de 2019

09/12/2019

Durante a segunda quincena de novembro, na biblioteca organizamos un concurso relacionado coa temática da ciencia.

O mércores 5 de decembro fixemos entrega dos agasallos a todas as finalistas (aparecen na foto), con especial mención a Zeltia Dopico e Lola Filgueira que resultaron gañadoras desta proba de investigación.

Grazas a todas polo entusiasmo amosado!!

Día das bibliotecas

Día das bibliotecas 2019

11/11/2019

Un libro es una aventura era o lema agochado tras as pistas do xogo que desenvolvemos durante estes días.

O pasado venres fixemos entrega dun agasallo ás alumnas que participaron e resolveron esta proba. Grazas a todas polo voso entusiasmo.

Lembrade que nesta semana comezará un novo xogo de investigación, esta vez relacionado coa Ciencia, á que se lle adica o mes de novembro.

24 de outubro, Día Internacional das Bibliotecas

21/10/2019

Dende 1997, cada 24 de outubro conmemórase o Día da Biblioteca. A proposta xorde da Asociación española de Amigos do libro Infantil e Xuvenil (apoiada polo Ministerio de Cultura) en lembranza da destrución da Biblioteca de Sarajevo, incendiada en 1992 durante o conflito balcánico.

A iniciativa xorde para trasladar á opinión pública a importancia da biblioteca como lugar de encontro dos lectores de todas as idades coa cultura, e como instrumento de mellora da formación e da convivencia humana.

Na biblioteca do CPI do Feal propoñemos estes días un xogo para que o alumnado sexa consciente da importancia deste espazo e da lectura.

Do 22 ao 28 de outubro cada recreo atoparás na biblioteca unha pregunta, que ten como resposta unha sola palabra. Fai a túa investigación e cando desveles as cinco palabras, forma unha frase (lema) relacionada coa lectura.

O día 30 entrega a túa papeleta. Entre o alumnado que descubra o lema agochado, faremos un sorteo de agasallos.

Día das escritoras

Día das escritoras 2019

15/10/2019

Mujeres, amor y libertad é o lema elixido na IV Edición do Día das Escritoras, conmemoración promovida pola Biblioteca Nacional de España xunto coa Federación Española de Mulleres Directivas, Executiva, Profesionais e Empresarias (FEDEPE) e a Asociación Clásicas e Modernas.

Coincidindo coa festividade de Santa Teresa de Jesús, na biblioteca recollemos unha selección de obras de diferente temática escritas por mulleres ao longo da historia.

Formación de usuarios na Biblioteca de Secundaria

Novos usuarios 2019

08/10/2019

Estes días estamos levando a cabo xornadas de formación dos novos usuarios da Biblioteca de Secundaria. Hoxe foi a quenda do alumnado de 1º ESO-A. Na primeira parte da sesión, os rapaces reciben información sobre a organización dos fondos existentes e o funcionamento da sala, e na segunda parte da sesión, deben poñer en práctica o que acaban de aprender para resolver dúas actividades de manexo de bibliografía.

Novos usuarios 2019

Grazas!

Biblioteca de Secundaria - Xuño de 2019

18/06/2019

O curso está a piques de rematar e hoxe despedimos ao grupo de voluntarias que traballaron na biblioteca de Secundaria durante estes meses. O seu labor e ilusión foron moi importantes para poder levar a cabo actividades e organización de material. Moitas Grazas!! (na foto non están todos os que formaron parte deste grupo).

17 de maio, día das Letras Galegas

Letras Galegas 2019

16/05/2019

Mañá celébrase o Día das Letras Galegas. Na biblioteca de Secundaria organizamos unha selección representativa da boa literatura que existe na nosa lingua.  Por suposto non poden faltar os libros que recollen o traballo etnográfico do homenaxeado este ano, Antonio Fraguas, así como unha biografía deste autor  publicada polo escritor Héctor Cajaraville, quen  hai pouco visitou o noso centro para falar da súa novela A caixiña dos rancores.

Grazas ao alumnado da ESO  que sempre está disposto a colaborar no que lle demandamos. Agora a disfrutar da lectura nestes días de descanso!!

Enderezos electrónicos

  • Equipo directivo: cpi.feal@edu.xunta.gal
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido