08/04/2021

Dende o Departamento de Orientación, detectouse un uso inadecuado de medios dixitais (teléfonos, ordenadores, consolas etc). Outros centros educativos, en concreto os nosos adscritos (CRA de Narón, CEIP Ponte Xuvia e CEIP de Piñeiros), detectaron igualmente estes problemas.

Do problema detectado, xurde unha inciativa conxunta dos catro centros educativos, dirixida a familias e alumnado: a organización dunha formación online conxunta.

A formación irá dirixida ao alumnado dende 3º de E. Primaria ata 4º da ESO, e as súas familias.

O alumnado recibirá a formación en horario lectivo, mentres que as familias estades invitadas a unha formación específica, que terá lugar o luns 12 de abril ás 16:30 horas.

Dende o centro, se enviará por AbalarMóbil o enlace á formación online. O único que teredes que facer para establecer conexión, será copiar o enlace que recibiredes, e pegalo no navegador do dispositivo que empreguedes.

• Descarga do programa completo da formación

20/01/2021

Achegamos as seguintes guías en pdf sobre a Formación Profesional:

• Formación Profesional Básica
• Formación Profesional de Grao Medio

14/01/2021

Esta mañá, recibimos a visita de Enrique Pazo (director do CIFP Ferrolterra) e Jéssica Fernández (orientadora do IES Terra de Trasancos). Ambos estiveron informando ao noso alumnado de 4º de ESO sobre diversas opcións dos seus centros.

16/10/2019

Esta mañá visitaron o noso centro dous suboficiais da Infantería de Mariña, para dar unha charla ao alumnado de 4º ESO sobre a importancia das Forzas Armadas na defensa do país.

Explicaron aspectos relacionados coa organización e tarefas de cada un dos sectores que abrangue este corpo e orientaron aos rapaces sobre as diferentes opcións de estudio que poden cursar se nun futuro queren entrar no mundo militar.

27/03/2019

Non falamos de fútbol. Referímonos a unhas charlas organizadas polo Concello de Narón para a prevención da ludopatía en menores. Tiveron lugar onte e hoxe cos nosos grupos de 3º e 4º de ESO.

 

18/03/2019

Continúa a xira de inverno de 4º de ESO polos centros educativos de Ferrolterra. Neste caso, deixamos un recordo da súa parada na área universitaria, o pasado 15 de marzo.

28/02/2019

No álbum de 2019 que ten o Departamento de Orientación na nosa Galería, deixamos imaxes da visita que o alumnado de 4º de ESO fixo esta mañá ao IES Leixa e o CIFP Ferrolterra.

Procedementos, enquisas e material diverso para utilizar en casos de problemas de conduta na etapa de Educación Infantil/Primaria

28/01/2019

O pasado 24 de xaneiro, o noso alumnado de 4° de ESO visitou o IES de Trasancos, para consideralo na continuación dos seus estudos. Deixamos aquí algunhas imaxes fixas e en vídeo enviadas por Nieves Cortizas. No vídeo, podedes ver unha actividade conxunta do alumnado de ambos centros na aula de Música, e na foto que enlaza á Galería... o ben que trataron á nosa xente

Fai clic para ver máis fotos