Na Galería, xa temos unha boa cantidade de fotos da excursión de 4º de ESO a Vigo do pasado 05/11/2008. Temos que agradecer as imaxes cedidas polo alumnado para completar a reportaxe (Rebeca López arriscando o seu móbil dentro de Citroën, Diego Villanueva moi atento á colisión do bus, e Adrián Teijeiro máis pendente do Museo do Mar e O Castro). Aclaramos que as imaxes da Galería case sempre poden ser ampliadas dúas veces facendo clic nelas.

Certo alumno dixo que esta foi a mellor excursión (dun día) na que participou dende que está no Feal, pero seguro que hai opinións para tódolos gustos. Esperamos que durante estes días o alumnado deixe os seus comentarios máis abaixo, como xa ven sendo habitual.

Seguimos mantendo que aos vigueses dáselles moito mellor facer coches que conducilos, pero non por iso deixaremos de volver a Vigo en canto poidamos.

 PSA-Peugot-Citroën

(foto clandestina de Rebeca López)

Museo do Mar

O Castro

Colisión na Praza de América

Estas dúas imaxes exclusivas do accidente foron cedidas por Diego Villanueva.

26/06/2008

Facendo clic na imaxe, podedes ver tódalas imaxes que temos do Festival de Fin de Curso de Infantil e Primaria na Galería.

08/06/2008

Un grupo de alumnos de 1º de ESO acompañados de Amalia, Dolores e Jaime, visitaron varios puntos de interese na costa lucense. De momento, só podemos amosar esta imaxe da praia das Catedrais, pero esperamos atopar máis para engadir á Galería.

08/06/2008

O alumnado de 6º de Primaria acompañado das mestras Eva Bouza e Loli Abelleira, pasou uns días en Cabeza de Manzaneda celebrando o remate da etapa. Na Galería hai unha morea de fotos que demostran que non é necesario ir á costa mediterránea para pasalo bomba. Aquí debaixo queda un pequeno resumo.

A xefa de estudos de Primaria xogándose a vida no rocódromo			Ghastando pista
Practicando o tiro ao profe			A todo filispín
Cowgirls			Na telecadeira

04/04/2008

Tedes a viaxe de 1º de ESO a Londres concentrada nun minuto de vídeo facendo clic na foto (é o primeiro vídeo de produción propia que se publica na web do Feal!). Ademais, xa hai bastantes fotos na Galería.

24/03/2008

Vendo as caras da expedición do Feal a París, non parece que a choiva fora moito problema (maioría feminina aplastante!). Podedes ver máis fotos na Galería e ler un artigo de Montse no apartado de Francés.

31/01/2008

Os alumnos de 3º de ESO e as intrépidas profesoras que pasaron a última semana de xaneiro polos montes de Vilanova de Arousa volveron sans e salvos. Tedes sesenta fotos na Galería.