Actividades complementarias e extraescolares
Crónica do terceiro día en Londres
Alba Alonso, 18/04/2013
Aproveitamos o día ata o final. Comezamos visitando Westminster, que nos abraiou a todos. Seguimos a visita cunha audioguía en español e algúns atrevéronse cun mapa en inglés! Logo achegámonos ao Big Ben e Houses of Parliament, o famoso reloxo sorprendeunos a todos polo seu enorme tamaño; desde alí vimos tamén o London Eye ao que despois subiriamos. Dirixímonos cara a Camden Town, un peculiar mercado cheo de tendas do máis pintoresco: góticas, vintage, segunda man, anos 50... Alí comemos nun dos múltiples postos de comida, os alumnos escolleron unha hamburguesería paquistaní entre comida india, chinesa, brasileira, mexicana, etc. A continuación, fomos ata Buckingham Palace atravesando o fermoso Green Park. Paramos no hotel a coller forzas e logo subimos ao London Eye que nos deixou a todos impresionados. Despois tocounos pasear un bo tempo ata Tower Bridge onde puidemos ver como se abría a ponte para o paso dun barco; algo moi inusual. Tras camiñar un pouco máis, dirixímonos esgotados ao hotel.
Crónica do segundo día en Londres
17/04/2013
Temos unha nova crónica de Alba Alonso con novas imaxes.
"Ola!! Hoxe vimos un montón de cousas. Comezamos cunha visita ao Museo Británico onde puidemos ver grandes obras de arte: antiga Grecia, Exipto, arte asiática... Logo puxémonos a andar e percorremos Oxford Street, unha rúa enorme con grandes tendas entre as que se atopan uns famosos almacéns de luxo chamados Selfridges. Alí maquillaron gratis a Ainhoa e a Belén. Podedes comprobar o guapas que quedaron!! Logo seguimos por Regent Street. Alí tamén se atopan grandes marcas incluída a prestixiosa Ferrari!! Baixamos cara a Picadilly para acabar en Trafalgar Square onde descansamos custodiados polos leóns. Finalmente pasamos por Leicester Square, chea de teatros e cinemas. Alí démonos conta de que tamén contan cun Odeón!! Paramos a tomar un xeado en Ben & Jerry's de sabores variados como muffin de froitas do bosque, torta de mazá, chocolate con menta... Finalmente chegamos ao hotel onde, tras descansar un intre, nos preparamos para a cea. Un día esgotador pero fructífero!!!
P.D. Están facendo un gran uso das linguas: xa piden todas as súas comidas!!"
Crónica do primeiro día en Londres
16/04/2013
Xa recibimos a primeira crónica de Alba Alonso sobre a nova viaxe do Feal a Londres (xunto con catro novas fotos):
"Tivemos un bo voo, moi británico, tremendamente puntuais. Logo tocounos sobrevoar o centro de Londres, así que tivemos unha fermosa vista moi de cerca do Big Ben, London Eye, Houses of Parliament, Tower Bridge, Támesis... Foi incrible!! Logo en autobús ata o hotel co correspondente atasco. Aproveitamos para facer xogos con Erica en inglés e observar as aforas de Londres. Tamén experimentamos o carril esquerdo na condución e as rotondas!!!"
Grazas Alba!
Londres 2013
16/04/2013
Esta mañá partiu unha nova expedición do Feal con destino Londres. Está formada por un pequeno grupo das nosas seccións bilingües da ESO, xunto con dous profes acompañantes (Alba Alonso e Carlos Seco) e a auxiliar de conversa (Erica Clark). No novo álbum da nosa Galería chamado "Londres 2013", iremos deixando as imaxes que vaiamos recibindo (xa hai seis da saída).
Educación Vial 2013
12/04/2013
Esta semana, tivemos varias xornadas dedicadas á Educación Vial dirixidas á ESO e organizadas pola Policía Local de Narón. Na nosa Galería, podedes ver imaxes das actividades nas que se trataba de amosar o efecto do alcohol na condución.
Saídas de 1º de Primaria a Alcampo e Aldea Nova
Saída de 1º de Primaria a Alcampo
17/03/2013
Ademais das imaxes das recentes saídas de 1º de Primaria a Alcampo e Aldea Nova, na nosa Galería temos fotos adicionais deste alumnado en 2012 nos seguintes álbums:
Moitas grazas a Susana Santalla por facilitarnos todo este material, e de novo... perdón polo retraso na publicación.
Saída de 1º de Primaria a Aldea Nova para realizar actividades con froita
Así foi o Entroido 2013 no Feal
17/02/2013
Aquí queda un pequeno recordo audiovisual do noso Entroido 2013 (mellor en HD). A montaxe podería mellorarse, pero non podemos dedicarlle máis tempo, porque hai que pasar a traballar noutras historias que están agardando. As fotos utilizadas pasan moi rápido porque tal vez tiñamos demasiado material para esta peza musical, pero pódense ver con máis calma na nosa Galería (aínda que non se pode ampliar moito o tamaño). Tamén recibimos unha presentación feita por José Manuel Timiraos con imaxes de Primaria.
Agradecemos o esforzo de toda a xente que traballou na organización, a colaboración de ex-alumnos, ANPA e Concello nos obradoiros, e en xeral a alegría con que participou todo o centro. Unha vez máis, quédanos un bo sabor de boca!
Novo concurso de Declaracións de Amor
DECLÁRATE!
Participa no concurso
de declaracións de amor: poemas, cartas, debuxos…
Consulta a
s bases do concurso nos taboleiros das biblioteca sTestamento e queima do noso boneco de 2013
Fai clic para abrir o testamento
10/02/2013
Os recortes chegan xa a todos os recunchos. Este ano, no Feal non tivemos cartos para queimar un meco grande e vistoso. O único que conseguimos, foi este pobre boneco que suxeitaban con tristura Paula e Silvia pocas horas antes de ler o seu testamento (escrito por María Anca, como é tradición xa dende hai uns anos). De momento, só publicamos o vídeo da lectura do testamento e a queima do meco (mellor en HD), porque poderíamos necesitar semanas para dixerir o abundante material audiovisual recollido, e montar a reportaxe completa. Grazas a todo o centro por axudar a manter a forza desta data tan sinalada no calendario do Feal.
Os mandados, o meco dos recortes, e os obradoiros
Día da Paz 2013
02/02/2013
Non tivemos moita sorte coa nosa celebración do Día da Paz. A chuvia provocou que tivésemos que quedar no patio cuberto, e non era o lugar máis apropiado para o que estaba previsto. Ademais, esta vez temos que pedir desculpas pola mala calidade do vídeo: falta de nitidez, de estabilidade, de orde... o cámara tivo moi mal día! De todas maneiras, pensamos que a emoción do momento quedou recollida, e sempre se pode ver un pouco mellor en HD. Tamén iremos subindo fotos deste día á nosa Galería. Unha vez máis, é un pracer ver a Infantil, Primaria e Secundaria unidos nunha mesma actividade. E se repetimos un día de sol e planificamos un pouco o vídeo?
A nosa Árbore da Paz
- « primeira
- ‹ anterior
- …
- 15
- 16
- 17
- 18
- 19
- 20
- 21
- 22
- 23
- seguinte ›
- última »
Enderezos electrónicos
- Equipo directivo: cpi.feal@edu.xunta.gal
- ANPA: o.buxato.anpa.o.feal@gmail.com
- Coordinación da web: web.feal@gmail.com