Mar González, 10/10/10

A estas alturas todos saberedes que o Premio Nobel de Literatura 2010 foi concedido ao escritor hispano-peruano Mario Vargas LLosa. A súa extensa traxectoria abarca xéneros como o ensaio, o teatro e a novela, nos que trata variados temas, sempre marcados pola súa persoal vinculación á sociedade e á política do seu tempo. Non faltan as notas eróticas e humorísticas en moitas das súas historias, que tamén destacan o lado máis cruel do ser humano. Non deixedes de ler algunha das súas obras, seguro que quedades atrapados: La tía Julia y el escribidor, Pantaleón y las visitadoras, Conversación en la catedral, Travesuras de la niña mala, son só algunhas suxerencias. 

Mar González, 15/04/2010

Onte faleceu Vicente Haro, coñecido actor de reparto, e pai do tamén actor Enrique San Francisco. A carreira de Haro transcorreu entre o cine, o teatro e a televisión. Participou en numerosas series e destacou o seu traballo nos anos sesenta e setenta no programa televisivo Estudio 1. Da súa filmografía quero destacar o seu papel do entrañable avó de Manolito Gafotas. Esta película está baseada na obra homónima de Elvira Lindo que actualmente están a ler os alumnos de 1º ESO.

14/03/2010

Está en marcha un concurso de redacción para Jóvenes Escritores, dirixido a alumnos de 2º e 3º ciclo de Primaria, e alumnos da ESO. Só tes que inventar un microrrelato (non pode exceder de 72 palabras). Tes máis información no enlace anterior e no taboleiro que está ao lado da biblioteca. Anímate a participar. Podes pedirlle o formulario de participación á túa profesora de Lingua Castelá.

Mar González, 12 / 03 /2010

Esta mañá falecía o escritor Miguel Delibes. Nado en Valladolid en 1920, a súa extensa bibliografía comenzaría coa novela es La sombra del ciprés es alargada, coa que gañou o Premio Nadal en 1948. Licenciado en Comercio, a súa inclinación polas letras iniciase colaborando como periodista dende moi novo. Gran coñecedor da natureza e apaixoado da caza, reflicte esa temática en moitas das súas obras. No ano 1973 foi elixido membro da Real Academia Española. Son moitos os títulos deste autor que quedan na nosa memoria: El Camino, El príncipe destronado, Cinco horas con Mario, Señora de rojo sobre fondo gris, Los santos inocentes, Las ratas, El hereje... formarán parte da cultura literaria das xeracións de posguerra. Homenaxeado e recoñecido en vida a través de numerosos e prestixiosos galardóns como O Premio Príncipe de Asturias, o Premio Nacional de Las letras, Premio Cervantes, etc. Delibes permanecerá como un gran moralista que soubo plasmar a cotidianidade a través de entrañables personaxes. O noso recordo desde este rincón.

David Casteleiro e Mar González

Mar González, 04/06/2009

Despois dunha larga espera, chegou o final desta I Edición do Concurso Narón, a túa cidade. Un concurso de redacción organizado polo xornal La Voz de Galicia, en colaboración co noso concello, que tiña como primeira pretensión impulsar a lectura de prensa entre os escolares. A maioría dos alumnos de 1º ESO do CPI do Feal participaron nesta iniciativa. A súa tarefa consistiu en escoller unha noticia dentro da sección local de Narón, e facer un comentario sobre a información obtida. O traballo de lectura e selección fíxose nas aulas e durante máis dun mes os escolares manexaron os xornais para elaborar as súas redaccións.  O Concurso resultou exitoso, houbo unha gran participación de nenos de distintos centro de Narón: en total presentáronse 188 traballos entre Primaria e Secundaria. O pasado mércores 4 de xuño foi a entrega de premios nun acto presidido polo alcalde, Xosé M. Blanco. O noso colexio resultou premiado en dúas categorías: por un lado, o alumno de 1º B, David Casteleiro González resultou gañador na sección de 1º-2º ESO polo seu traballo sobre as rutas ciclistas organizadas polo concello para os escolares. Tamén resultou premiada a profesora Mar González, pola súa labor de dinamizadora do traballo de redacción na aula. Destacamos tamén que na categoría de 3º-4º ESO foi galardonado un ex-alumno do CPI do Feal, Diego Ferreira, e a súa profesora de Lingua Galega, a nosa ex-compañeira María Yáñez. Noraboa a ambos. Podedes ver o relativo a esta información na edición local de La Voz de Galicia do 4 de xuño. Na publicación do día 6 aparecen recollidos os textos dos alumnos gañadores, entre eles o de David Casteleiro.

Todos os premiados neste concurso

Alumnos de 1º ESO-A

16/02/2009 

Con motivo da Semana Rosa que vivimos no CPI do Feal, os alumnos de 1º ESO traballaron diversos textos de temática amorosa. Ademais da lectura e comentario dos poemas, atrevéronse a facer escenificación coral dalgúns deles. Manrique, Bécquer, Benedetti, Neruda... prestáronnos as súas palabras de amor para expresar un sentimento tan universal:

Puedo escribir los versos más tristes esta noche...
Ya no la quiero, es cierto, pero tal vez la quiero
Es tan corto el amor, y es tan largo el olvido...

Alumnos de 1º ESO-B

DATA:  miércoles 11 de febrero de 2009             Hora: 16.30h

CONTENIDOS GENERALES (todos los alumnos)

GRAMÁTICA

• Clases de palabras (análisis morfológico).
• Análisis sintáctico: reconocer sintagmas y funciones principales (sujeto-predicado)

ORTOGRAFÍA:

• Acentuación
• Fonemas y grafías: / B/, /J/

VOCABULARIO

• Relaciones semánticas: polisemia, homonimia, antonimia y sinonimia.
• Familias de palabras

LITERATURA.

• Métrica y recursos literarios

CONTENIDOS PARTICULARES

• Alumnos con LC de 2º ESO: Distinguir Diptongo-Hiato. Conocer los conceptos de: tabú y eufemismo /// denotación y connotación
• Alumnos con LC de 3º ESO: Rasgos generales de la literatura medieval. Principales autores y obras

NOTA: si tenéis cualquier duda al preparar el examen hablad con vuestra profesora de Lengua Castellana, o con Mar González, profesora que atiende a alumnos con LC pendiente.

24/11/2008

Dende hai varias semanas, no centro recibimos case cen exemplares diarios de La Voz de Galicia. Trátase dun intento deste rotativo, en colaboración co concello de Narón, de fomentar a lectura do xornal entre os escolares. Aproveitando esta iniciativa, está convocado o Primeiro Concurso de Redacción do noso concello. Cada alumno debe escoller unha noticia do seu interese, dentro da sección adicada a Narón, e a partir de aí, redactar un texto valorando a información seleccionada. Haberá premios tanto a nivel individual, como de aula. Anímovos a participar. Precisades un profesor que actúe de coordinador, e, se sodes menores de 14 anos, a autorización dos vosos pais. O prazo comenzou o día 10 de novembro, e rematará o 23 de decembro. Os interesados, poden consultar as bases e descargar a plantilla de participación, nos seguintes enlaces:

BASES

PLANTILLA

Os alumnos de 1º e 2º ESO acudiron o pasado 17 novembro ao Auditorio de Narón para ver unha representación teatral, "El Romeo y la Julieta".

Inspirados na peza dramática de W. Shakespeare, a compañía albaceteña "La tirita del teatro" propón a seguinte cuestión na sinopse da obra: "¿Qué pasaría si Romeo y Julieta fuesen dos niños, hijos de inmigrantes? ¿Y si en lugar de Montescos y Capuletos, la disputa fuera entre dos culturas tan diferentes como la nigeriana y la colombiana?"

Xa temos algún comentario do alumnado:

24/05/2008

A gala do pasado venres 23 de maio estivo chea de emocións. Adrián Candales e Diego Ferreira chegaron ao restaurante El Bosque (Cambre) acompañados polos seus pais, todos moi contentos polo feito de formar parte dos 24 alumnos seleccionados neste concurso (entre os 406 participantes da zona Norte de Galicia), e ilusionados pola inminente entrega de premios.

Despois dun aperitivo, colocaron aos 24 rapaces nunha mesa para que se foran coñecendo e intercambiando impresións. Tomaron asento e comezaron as sorpresas: a primeira foi descubrir ao simpático presentador virtual que faría de mestre de cerimonias. Antes de comezar a cea, chegou a segunda sorpresa: desvelaron os 6º e 5º premio de cada sector, e no sector de Ferrol, foi Adrián Candales Taracido (de 2º A) quen acadou o 6º premio. Tras o primeiro prato, chegou a terceira sorpresa: Diego Ferreira Carballeira (de 2º C) recibiu o 4º premio do sector de Ferrol. Ambos estiveron moi satisfeitos coa velada, cos amigos que fixeron e cos agasallos recibidos: un reloxo, unha bolsa de deportes, unha funda para MP3, unha base de portos USB, así como o merecido diploma e a súa estatuilla de finalistas deste emocionante concurso de relato curto. Sabemos que ambos terán un brillante futuro académico, e poden chegar a ser grandes "plumillas". PARABÉNS a eles e ás súas familias. GRAZAS por deixar en tan bo lugar o nome do CPI do Feal.