08/01/2021

10/02/2020

Nos últimos días, estamos recordando e explicando ao alumnado de ESO as nosas normas básicas de seguridade e hixiene, recollidas no protocolo para dar resposta a situación xerada pola COVID-19.

Aínda que o comportamento do alumnado está sendo exemplar en liñas xerais, é importante non relaxarse, para poder seguir co curso coa maior normalidade posible.

• Normas básicas de seguridade e hixiene no Feal

01/12/2020

A partir do mércores 2 de decembro, en horario de 10:30 a 12:30, as familias que tivestes cheque de material e as que fixestes a solicitude os días pasados, podedes pasar polo centro para recoller as mácaras que propociona a Xunta de Galicia.

Lembrade que é ao acceder ao centro, é moi importante cumprir as medidas hixiénicas recollidas no protocolo COVID.

13/11/20220

Convocatoria para o reparto de máscaras entre o alumnado do centro

• Destinatarios que non teñen que presentar solicitude: Alumnado beneficiario da axuda para material escolar no presente curso.
• Destinatarios que si deben presentar solicitude: Alumnado non beneficiario da axuda para material e que cumpra os requisitos recollidos na convocatoria.
• Lugar e datas de presentación: Secretaría do centro de 10:00 a 13:00 horas todos os días e os luns tamén de 16:45 a 17:30 dende o 16 ao 27 de novembro.

Descarga do formulario de solicitude

23/10/2020

Lembramos que as titorías serán telemáticas es cumprimento do Protocolo COVID, salvo que pola importancia do tema (a proposta do titor ou/e familia), o Equipo directivo decida facela presencial.

• Horarios de titorías

22/09/2020

Estimadas familias:

Dende o mediodía somos coñecedores da publicación de polo menos un medio de comunicación, da aparición dun positivo por COVID no noso centro.

Dende a dirección do centro, queremos transmitir unha mensaxe de tranquilidade, xa que nestes momentos ningún alumno/a de E. Infantil e E. Primaria, que son os que levan xa casi dúas semanas acudindo ao centro, foi positivo por COVID.

O caso ao que se fai mención, pode ser dun alumno/a de ESO, que como sabedes ata mañá non comezan o curso, e loxicamente non acudirá ata que os médicos lle dean a alta.

Dende o centro, se tivésemos algún caso, activariamos o protocolo que está establecido, pero neste caso non estaría xustificado.

Dende a dirección do centro, enviouse un mail a este medio de comunicación, amosando o malestar pola alarma creada inxustificadamente, sen contrastar se alumno/a en cuestión comezara o curso.

Juan Carlos Bedia Vidal.

Director do CPI do Feal.

08/09/2020

Todos estes documentos teñen unha vocación de dar resposta a situación xerada pola COVID-19, e iranse modificando e actualizando para dar unha mellor resposta a situación que estamos a vivir.

• Plan de adaptación á COVID
• Plan de Continxencia
• Horarios de teledocencia do Plan de Continxencia

• Guía de inicio do curso do CPI do Feal
• Guía de inicio do curso da Consellería de Educación
• Plan de Acollida
• Declaración responsable para as familias
  

10/09/2020

Hoxe, despois da incorporación de parte do alumnado máis pequeno do centro, queremos felicitalos pola lección que deron despois de 6 meses lonxe das aulas. O comportamento nas entradas e saídas, aulas, recreos e comedor foi espectacular, polo que merecen unha felicitación.

Se seguimos como hoxe, entre todos conseguiremos que esto saia ben!

22/06/2020

Hoxe publicamos as listaxes definitivas de admitidos para o vindeiro curso.

Atendendo ao recollido nas instrucións da Consellería no referente a protección de datos, haberá dúas maneiras de consultalas:

1. Presencial: No taboleiro de anuncios do interior do centro.
2. Non presencial: A través da aplicación admisión de alumnado empregando Chave365 ou Certificado Dixital.

O alumnado admitido deberá formalizar a matrícula do 1 ao 10 de xullo.

O prazo de matrícula para o alumnado de ESO que supere en xuño o curso será igualmente do 1 ao 10 de xullo. Os sobres de matrícula serán entregados o día fixado para a entrega e recollida de material. O alumnado que non supere o curso en xuño fará a matrícula en setembro, despois de recibir as cualificacións.

27/05/2020

O alumnado que renove matrícula no centro, poderá quedarse durante o verán os equipos informáticos, tanto de Edixgal, como os prestados polo centro durante o confinamento.

Aquel alumnado que marche do centro, terá que facer entrega dos equipos os días establecidos no calendario de entrega e recollida de material.