Taboleiro de anuncios
Solicitude de axudas para adquirir libros e material escolar
19/05/2020
Dende mañá, día 20 de maio, ata o 19 de xuño poderedes presentar a solicitude de axuda para adquirir libros de texto e material escolar.
A solicitude poderá presentarse presencialmente no centro (de 09:00 a 14:00 horas) ou na sede electrónica da Xunta.
Notas importantes sobre o proceso:
- Lembrade que en 5º e 6º de E. Primaria non haberá libro de texto xa que somos centro Edixgal (libro electrónico). Unicamente presentaredes solicitude de material.
- En 1º de E.S.O. foi tamén solicitado Edixgal. De todas formas, como non sabemos se seremos admitidos, presentaremos solicitude igualmente.
Normas de acceso ao centro para as familias que presenten a solicitude presencialmente:
- Acceder seguindo as indicacións da Conserxe na entrada.
- Traer un bolígrafo propio.
- Vir con mascarilla.
Renovación de matrícula para o alumnado que xa está matriculado no centro no presente curso (Educación Infantil e Educación Primaria)
14/05/2020
Impreso de renovación de Matrícula: Descargar
Co fin de evitar aglomeracións, a renovación da matrícula para o curso 2020-2021, do alumnado que no presente curso xa está matriculado no centro, poderase facer por quendas ou ben online (a opción máis recomendable).
Quendas para facer a renovación de xeito presencial no centro (09:00 - 14:00 horas):
- Infantil 4 anos: 18 e 19 de maio.
- Infantil 5 anos: 20 e 21 de maio.
- 1º de E. Primaria: 22 e 25 de maio.
- 2º de E. Primaria: 26 e 27 de maio.
- 3º de E. Primaria: 28 e 29 de maio.
- 4º de E. Primaria: 1 e 2 de xuño.
- 5º de E. Primaria: 3 e 4 de xuño.
- 6º de E. Primaria: 5 e 8 de xuño.
Para a matrícula en ESO, anunciaremos as datas unha vez rematado o proceso en E. Infantil e E. Primaria.
Normas a seguir ao acudir ao centro:
- Procurar traer o impreso xa cuberto de casa.
- Respectar as distancias e as indicacións da Conserxe para a entrada ao centro.
- Traer un bolígrafo propio.
- É recomendable acudir con mascarilla.
Para facer a renovación online, podedes envíar o impreso cuberto a: cpi.feal@edu.xunta.gal, poñendo no asunto: Renovación e o curso.
Restablecemento do proceso de admisión do alumnado do 11 ao 18 de maio
06/05/2020
Restablecese o prazo para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 do mesmo mes.
Os novos prazos do proceso quedarán:
- Presentación da documentación acreditativa dos criterios de baremo: ata o día 26 de maio de 2020.
- Publicación das listaxes provisionais do alumnado admitido e non admitido: antes do 9 de xuño de 2020.
- Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.
- Publicación das listaxes definitivas do alumnado admitido e non admitido: ata o 26 de xuño de 2020.
A secretaría do centro estará aberta de luns a venres de 09:00 a 14:00 horas para atender exclusivamente o proceso de admisión.
Dende o centro rogamos que manteñades as distancias de seguridade, acudades cun bolígrafo propio, e recomendamos o uso de mascarilla.
Información importante para ás familias
Guía de abalarMóbil para as familias
28/03/2020
Estimadas familias: Nestes momentos de incertidume para todos, deixo a vosa disposición unha serie de información, co obxectivo de aclarar algunha da dúbidas que seguro tedes, e informarvos das últimas novidades que imos coñecendo. É moi importante que trasladedes esta información a todas aquelas familias que coñezades, para ver se entre todos imos mellorando os novos procesos de comunicación que teremos que empregrar durante esta dura etapa.
Atentamente e a vosa disposición,
Juan Carlos Bedia Vidal
Director do CPI do Feal.
Fondo solidario de libros de texto, e axudas para adquirir libros de texto e material escolar
21/05/2019
- Aberto o prazo para participar no Fondo solidario de libros de texto, e para solicitar axudas para adquirir libros de texto e material escolar, de cara ao próximo curso 2019/20.
- O prazo de presentación de solicitudes remata o 21 de xuño ás 13:30.
- Os impresos poden atoparse en Secretaría ou Conserxería, e tamén na web da Xunta de Galicia, onde está toda a información: www.edu.xunta.gal/portal/fondolibros
Consulta a información académica do teu fillo/a desde o teu móbil
08/12/2016
O CPI do Feal está comezando a utilizar un servizo da Xunta de Galicia chamado abalarMóbil, que permite que as familias consulten a información académica dos seus fillos/as desde o seu ordenador ou móbil.
As principais utilidades deste servizo son as seguintes:
- Consultar as cualificacións (despois do reparto dos boletíns)
- Consultar as faltas de asistencia ou conduta
- Recibir mensaxes do profesorado
De momento, comezaremos a probala principalmente na ESO (aínda que xa está funcionando nalgún grupo de Primaria).
A aplicación para móbiles (dispoñible gratuitamente en Google Play Store ou Apple App Store), só funcionará se o noso centro ten rexistrado o número do móbil no que se queira instalar. Por este motivo, en breve repartiremos unha circular nos grupos da ESO para que se entreguen os números de nais e pais actualizados a cada titor/a.
Pódese acceder a este sistema tamén a través da web chamada Espazo Abalar (o acceso do profesorado é idéntico ao do seu correo da Xunta).
No breve vídeo que abre este artigo, está ben explicado en que consiste esta ferramenta e como se crea unha conta. Ademais, quedará un enlace permanente á información de abalarMóbil na barra lateral esquerda da nosa web (baixo o apartado "Familias").
Animamos a todas as familias do CPI do Feal a que se unan a este interesante proxecto.
Horarios do profesorado para a atención a nais e pais durante o curso 2015/16
Aínda que a continuación figura unha táboa cos horarios dispoñibles, é necesario concertar unha cita previamente.
Profesor/a |
Día da semana |
Hora |
|
Infantil / Primaria | Tod@s | Mércores | 16:30-17:30 |
Artes Plásticas | Sonia Álvarez | Luns | 10:30-11:15 |
Ciencias Naturais | María Varela | Xoves | 11:15-12:05 |
Educación Física | Víctor Novo | Mércores | 11:15-12:05 |
Física e Química | Manuel Joaquín Rodríguez (1º B) | Venres | 09:45-10:30 |
Francés | Montse Lorenzo | Venres | 12:25-13:15 |
Inglés | Ángeles Porto (4º B) | Venres | 10:30-11:15 |
Inglés | Eva Mesejo (3º B) | Luns | 10:30-11:15 |
Lingua Castelá | Mónica Fernández | Xoves | 10:30-11:15 |
Lingua Castelá | Consuelo Santiso | Venres | 10:30-11:15 |
Lingua Galega | María Anca | Martes | 10:30-11:15 |
Lingua Galega | Roberto Queipo (1º A) | Mércores | 11:15-12:05 |
Matemáticas | Mª José Campos | Luns | 11:15-12:05 |
Matemáticas | Conchi Seijas | Xoves | 09:45-10:30 |
Música | Silvia Moledo (3º A) | Xoves | 08:55-09:45 |
Música | Pedro Abeal (1º C) | Luns | 12:25-13:15 |
Tecnoloxía | Ángel Carrera (2º B) | Xoves | 10:30-11:15 |
Xeografía e Historia | Marisa Agulló (4º A) | Xoves | 10:30-11:15 |
Xeografía e Historia | Eva Loureiro | Xoves | 10:30-11:15 |
Xeografía e Historia | Manuela Santalla (2º A) | Venres | 09:45-10:30 |
Orientadora | Susana Rodríguez | Venres | 08:55-09:45 |
P. T. | Nieves Cortizas | Luns | 12:25-13:15 |
Datos de contacto da ANPA
- Teléfono: 608 686 937
- Correo electrónico: o.buxato.anpa.o.feal@gmail.com
- Web: obuxato.jimdo.com
Recollida do alumnado menor de 12 anos nas paradas do transporte escolar
15/09/2014
Segundo a normativa vixente do transporte escolar, os menores de 12 anos deberán ser recollidos nas respectivas paradas por un adulto.
No caso de que nin o pai nin a nai poidan recollelo, poderán autorizar a outra persoa, debendo cumprimentar e entregar á acompañante da ruta a autorización que se achega.
Navega con rumbo
06/03/2013
O pasado 4 de marzo, Enrique Sedes (representante do Colexio Profesional de Enxeñería Informática de Galicia) achegouse ao Feal para dar unha charla orientada ás familias sobre a seguridade en Internet. Deixamos aquí o material utilizado na charla:
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »
Enderezos electrónicos
- Equipo directivo: cpi.feal@edu.xunta.gal
- ANPA: o.buxato.anpa.o.feal@gmail.com
- Coordinación da web: web.feal@gmail.com