06/10/2021

No seguinte enlace, tedes toda a información sobre EDIXGAL: equipos, contidos a traballar, posibilidade de asegurar o equipo, etc.

Folleto Edixgal

14/07/2021

Podedes consultar a listaxe no taboleiro de anuncios do centro. Os vales poden recollerse en Secretaría desde o mércores 14 ata o mércores 21 (os de Secundaria en setembro).

30/06/2021

Dende o xoves 1 de xullo ata o martes 13 de xullo, en horario de 10:00 a 13:00 horas podedes pasar a solicitar o comedor para o vindeiro curso. Será obrigatorio cubrir a solicitude e o anexo ii.

No mesmo impreso, tamén e posible facer a solicitude para os almorzos. A intención da ANPA é retomalos o vindeiro curso, se a situación o permite.

• Descargar solicitude
• Descargar anexo ii

23/06/2021

O equipo directivo do CPI do Feal, quere agradecer ao alumnado e as familias o comportamento exemplar neste curso tan díficil, pero que entre todos sacamos adiante.

Bo verán!

17/06/2021

Como novidade, o próximo curso haberá EDIXGAL (libro electrónico) en toda a ESO, ademais de en 5º e 6º de Primaria. Polo tanto, todo este alumnado recibirá en préstamo o equipamento necesario.

• Relación dos libros de texto do curso 2021-2022

16/06/2021

Aquel alumnado que o vindeiro curso abandone o centro e este curso tivo equipamento EDIXGAL, deberá devolvelo no centro antes do 25 de xuño.

O alumnado que permanece no centro podera quedar nas vacacións co equipamento, facéndose responsable da súa conservación e bo uso.

• Enlace con toda a información

20/05/2021

Dende mañá, 21 de maio e ata o vindeiro 22 de xuño incluído, pódense presentar as solicitudes de cara ao vindeiro curso do Fondo solidario de libros de texto, e das axudas para compra de material escolar.

• Lembrar que haberá fondo solidario dende 1º a 4º de E. Primaria, xa que de 5º de E. Primaria ata 4º de ESO, seremos Edixgal (libro electrónico).
• A axuda para material será dende 1º de E.Primaria ata 4º de ESO.
• As solicitudes poden entregarse na secretaría do centro de luns a venres de 10:00 a 13:00, e os luns en horario de tarde de 16:40 a 17:40.
• Tamén podedes tramitalas a través da sede electrónica da Xunta de Galicia.
• Información publicada no DOGA
• Impreso de solicitude

13/05/2021

Xa se poden consultar as listaxes definitivas de admitidos/as para o vindeiro curso. Podedes facelo a través da aplicación https://www.edu.xunta.es/admisionalumnado/ (empregando certificado dixital ou a chave 365), ou ben no taboleiro do centro.

08/04/2021

Dende o Departamento de Orientación, detectouse un uso inadecuado de medios dixitais (teléfonos, ordenadores, consolas etc). Outros centros educativos, en concreto os nosos adscritos (CRA de Narón, CEIP Ponte Xuvia e CEIP de Piñeiros), detectaron igualmente estes problemas.

Do problema detectado, xurde unha inciativa conxunta dos catro centros educativos, dirixida a familias e alumnado: a organización dunha formación online conxunta.

A formación irá dirixida ao alumnado dende 3º de E. Primaria ata 4º da ESO, e as súas familias.

O alumnado recibirá a formación en horario lectivo, mentres que as familias estades invitadas a unha formación específica, que terá lugar o luns 12 de abril ás 16:30 horas.

Dende o centro, se enviará por AbalarMóbil o enlace á formación online. O único que teredes que facer para establecer conexión, será copiar o enlace que recibiredes, e pegalo no navegador do dispositivo que empreguedes.

• Descarga do programa completo da formación

26/02/2021