Skip to Content

Visitamos o Servizo de Medicina Nuclear do Hospital Clínico de Santiago (Chus)

O pasado martes, 9 de abril, un grupo de alumnos e alumnas de 1º de Bacharelato, acompañados por dúas profesoras do Departamento de Bioloxía e Xeoloxía, tivemos o privilexio de realizar unha visita didáctica ao servizo de Medicina Nuclear do Hospital Clínico, respondendo á invitación do xefe do servizo, D.  Álvaro Ruibal Morell.

Guiados polos doutores Ruibal e Herranz, recibimos información de primeira man sobre o funcionamento do ciclotrón, sobre as principais liñas de investigación que se desenvolven nos laboratorios do servizo, e sobre as instalacións, os aparellos, a tecnoloxía e a atención aos pacientes na área de diagnóstico.

Durante a primeira parte da visita, mentres visitabamos o ciclotrón e os laboratorios, a explicación dos distintos profesionais que alí traballan, centrouse na investigación, produción e utilización de isótopos radioactivos de vida media baixa para diagnosticar con precisión enfermidades moi graves, como a necrosia diabética, través do PET, unha técnica de radiodiagnóstico baseada no estudo da actividade metabólica das células.

Na segunda parte da visita, que transcorreu na área de diagnóstico, explicáronnos o uso do PET para o diagnóstico preciso de enfermidades tumorais, como o cancro de mama. Vimos o coidado co que se atende aos pacientes e as medidas de seguridade existentes, para garantizar, a mínima exposición de pacientes e persoal sanitario á radiación. 

Tamén comprobamos que as augas residuais deste servizo, permanecen almacenadas, ata que perden a súa radioactividade, antes de seren vertidas aos sumidoiros. Isto é posible porque se utilizan isótopos de vida media baixa, de minutos ou horas, o que significa, que ao cabo de varios días deixan de ser radioactivos.

Foi unha visita excepcional, tanto polos coñecementos e a capacidade de compartilos, do doutor Ruibal e todo o seu equipo,  como pola calidade humana e a paixón polo seu traballo que todos eles e elas transmiten. 

 

 

VI Semana Temática: Diversidades

Premendo na imaxe pódense consultar as actividades que se desenvolverán durante esta semana adicada á identidade e diversidade de xénero.

SomosX no XX Foro Galego de Igualdade

 

Hoxe SOMOSX participou como ponente na XX Edición do Foro Galego da Igualdade, organizado pola Consellería e o Ministerio de Educación.  Un pracer, unha honra. 

Despois de dous anos facendo tribo, coidándonos, creando conciencia do colectivo e contaxiando emoción e feminismo, amor polas diversidades, e o convencimento de poder ser en liberdade; chámaronnos da Consellería de Educación para falar de SOMOSX

 

 

Queriamos contarlle ao mundo que dende os centros escolares podemos craer espazos onde acobillarnos do frío da intolerancia e dos convencionalismos; espazos onde ser lesbiana, trans, queer, rara, hetero, bollera, non binaria, marimacho, marica, feminista;sen complexos. Espazos e tempos para falar dos nosos monstros, das agresións, das dúbidas, do machismo, das diversidades.  Queriamos contarlle a outros docentes que dende os centros podemos axudar a crear conciencia e discurso; a botar unha semente para unha árbore tan violeta como perenne; unha árbore que dea sombra aos de abaixo, aos minorizados polo pensamento heteropatriarcal domininante.

O Foro Galego da Igualdade era unha ocasión estupenda para seguir contaxiando liberdade, diversidade, tolerancia, igualdade e transfeminismo. 

Así que, marchamos para Compostela e alí esperamos algo nerviosas escoitando a outras ( Amada Traba, Carmen Moure, Carmen Ruiz Repullo, Pepe Cabido, Gracia Santorum...) que sentían coma nós. Falaban de feminismos, de prostitución, da necesidade dunha educación sexual real, de pornografía, da importancia do sorriso, da educación emocional e de romper con estereotipos e barreiras entre docentes e alumnado. Interantísimo e estimulante. 

 

E tocounos falar. Nervios. Antía Ramallo Blanco e Sandra Folgar Martínez emociaron a un auditorio cheo que escoitou o seu entusiasmo e a súa experiencia en SomosX. Falaron do necesario de pertencer a un grupo que acolle o seu sentir e que constrúe un discurso que as fai máis poderosas, libres e felices; un discurso que contaxia e transforma pouco a pouco ao centro e tamém á sociedade; un discurso que profundiza e matiza o discurso feminista ao plantexarse a rupturo do binario, por exemplo. 

Apaludíronelle e ovacionáronas.

Hai futuro!- escoitouse. 

SomosX

 

Inscrición Faladoiro_ ESPAZOFAMILIAS_ 28 de abril

Se queres asistir ao primer FALADOIRO do ESPAZOFAMILIAS que celebraremos o 28 de marzo ás 17:30 no salón de actos da Casa de Cultura de Boiro baixo o título: 

 

Qué teñen os nosos xóvenes na cabeza:

internet, whatsapp, botellón e outras “lerias” do montón.

 

Recolle unha incrición coma esta no centro escolar de referencia e entrégaa antes do luns 25 de marzo.

Agardámoste. 

 

Se tes algunha dúbida consúltanos ou bota un vistazo a información recollida nesta mesma páxina na barra da esquerda_ Familias_ EspazoFamilias.

Grazas 

 

Faladoiros EspazoFamiliasBoiro

Os centros escolares de Boiro levamos tempo traballando para crear un espazo de reflexión e formación que atenda as demandas que nos facedes chegar as diferentes familias. Conseguímolo.

Así que agora e grazas tamén a participación do Centro autonómico de Formación e Innovación da Consellería de Educación podemos presentarvos:

 OS PRIMEIROS FALADOIROS DO ESPAZOFAMILIAS_BOIRO.

Casa da cultura de A Cachada

18:00 H

INSCRICIÓNS POR CORREO ELECTRÓNICO OU NO CENTRO ESCOLAR DE REFERENCIA

espazoboiro@gmail.com

Nesta ocasión as ponencias e conversas, que xirarán en torno aos  estilos parentais e as condutas aditivas na adolescencia, levarán o título:

QUE TEÑEN NA SÚA CABEZA?

E contarán con importantes especialistas na materia ( Belén Montesa. Manuel Isorna e Antonio Rial)

  • 28 de marzoQué teñen os nosos xóvenes na cabeza: internet, whatsapp, botellón e outras “lerias” do montón.
  • 11 de abril: Que debo saber ? unha prevención integral: mellora da comunicación e das relacións na familia.
  •  25 de abril: A adolescencia e internet: redes sociais, videoxogos, xogos e apostas online.
  •  9 de maioA adolescencia e drogas: botellón e binge drinking, consumo de cannabis, novas sustancias psicoactivas/drogas facilitadoras do asalto sexual. 

 

Contamos con vós. Será moi interesante.

 

Admisión de alumnado no IES Praia Barraña. Curso 2018 - 2019.

 

 

 

Prazo de presentación de solicitudes.

O prazo de presentación de solicitudes de admisión será do día 1 ao 20 de marzo, ambos os dous incluídos.

Lugares e formas de presentación das solicitudes.

Información xeral sobre o proceso de admisión e vacantes ofertadas.

Poden lela na seguinte ligazón:

Información xeral e prazas vacantes

Documentación  necesaria que se deberá entregar:

a) Formulario de admisión ED550B (proporcionado co impreso de prematrícula solicitado polo Centro)

b) DNI do/a alumno/a.

c) Se é o caso, convenio regulador ou resolución xudicial de separación ou divorcio.

d) Co obxecto de contribuír a unha mellor organización por parte do Centro, os/as solicitantes deberán indicar as materias que desexan cursar no nivel para o que solicitan praza. Con este obxectivo, na táboa seguinte recóllense os impresos organizados por cursos xunto co formulario normalizado ED550B:

ESO BAC
 
 

 

Nota: todo o alumnado procedente dos centros adscritos (CEIP Praia Xardín e IESP A Cachada) que fixo a reserva de praza escolar entre os días 01 e 15 de febreiro está admitido para continuar os seus estudos no IES Praia Barraña na etapa correspondente.

As listaxes deste alumnado admitido polo procedemento de reserva de praza están expostas no taboleiro de anuncios do Centro para a súa consulta pública.

Entroido 2019

Distribuir contido


by Dr. Radut