Skip to Content

Extraescolares e complementarias

CONCURSO CIENCIA CLIP

O noso alumno JAVIER TUBÍO BRIÓN de 3º ESO B participa este ano no concurso CIENCIA CLIP, estando xa seleccionado na categoría M-youtuber co seu vídeo "Las leyes de los gases". 

Precisa do voso apoio para gañar, así que, xa sabedes, a partires do 18 de maio animámosvos a visitar a web, ver o vídeo e votar por Javier!!!

Pulsa na imaxe para ver o vídeo. 

V SEMANA TEMÁTICA

O Ies Praia Barraña celebrou estes días a V edición da Semana Temática que este ano se centrou na investigación da vila, Boiro.

Como podemos nestas fotos e vídeos, os estudantes realizaron distintas investigacións sobre a contorna, disfrutaron dunha charla do historiador local Antón Rodríguez Gallardo, fixeron unha andaina ata o Castelo de Vitres, deleitánronse cun concerto do grupo de rock noise "Agorafobia" e, como broche final, a semana clausurouse coa celebración dunha mostra deportiva e coa actuación do grupo "The Lákazans" que namoraron ao público co mellor soul do Barbanza.

 

ENTROIDO NO IES PRAIA BARRAÑA

O 9 de febreiro celebramos o Entroido no Ies Praia Barraña e houbo moita troula e divertimento tal e como podedes ver nos vídeos seguintes. Disfrutamos de un "Tu cara me suena" moi "real" ata o tradicional desfile/concurso de disfraces con moitos e variados premiados.

CELEBRACIÓN DA V SEMANA TEMÁTICA

 

A próxima semana, do 16 ao 20 de abril, celebrarase no centro a V Semana temática coordinada pola Biblioteca escolar, dedicada este curso a Boiro. Ademáis de organizarse diferentes actividades en torno a esta temática, haberá multitude de traballos e exposicións expostos en diversos espazos do centro. 

Aquí abaixo tendes información sobre a planificación das devanditas actividades.

 

 

Aprendendo a ser bos condutores e condutoras

O pasado martes 06 de febreiro os alumnos de 1º de Bacharelato do IES asistiron na quenda da tarde a un simulacro de accidente automobilístico con feridos e ao proceso de excarcelación dos mesmos.

Esta acción educativa foi organizada pola Policía Local do Concello de Boiro e contou coa colaboración dos Servizos de Emerxencia e Sanitarios da comarca, da Asociación Stop Accidentes -a través da súa presidenta Jeanne Picard- e dun coñecido boirense que sufriu un grave accidente hai uns anos  e cuxos duros e impactantes testemuños emocionaron ao auditorio presente. Os alumnos do IES Praia Barraña tamén foron participantes e testemuñas de excepción  do devandito simulacro.

A experiencia vivida polo alumnado do IES Praia Barraña foi enriquecedora e serviu para conciencialos dunha condución responsable como condutores que serán nun futuro inminente.

Agradecemos ao Concello e á Policía Local de Boiro o ternos escollido para a realización deste primeiro simulacro de educación vial así como a presenza e impactantes testemuños de Jeanne Picard e de Moncho, e tamén a colaboración do resto de Servizos que colaboraron no mesmo.

 

Velaquí un vídeo do simulacro realizado:

 

 

Distribuir contido


by Dr. Radut