Skip to Content

Novas

ACTIVIDADES DO DEPARTAMENTO DE EDUCACIÓN FÍSICA.

 O Departamento de Educación Física organizou unha serie de actividades encamiñadas a incrementar as experiencias deportivas do noso alumnado, mellorar a conivencia no noso centro e seguir apostando por potenciar os hábitos de vida activa e saudable.

Proxectos como  os RecreActivos, o Maio natural, o programa Xogade ou a colaboración con clubs deportivos locais son algunhas das iniciativas que un ano tras outro intentamos desenvolver no noso Proxecto Deportivo de Centro. 

Este ano tivemos que adaptarnos e renunciar a algunha que outra actividade pero de seguro que pronto volveremos con forzas e ilusión renovadas. 

 

Velaquí un pequeno resumo gráfico dalgunha destas actividades que tamén podedes ver nas redes sociais de Barrañadeportiva.

 

 dragóns jpg_0.jpgremo jpg.jpgecoparque jpg.jpgraftingjpg.jpgpaddel jpg.jpgsurf_jpg_0.jpg

Proxecto Ríos IES Praia Barraña

PROXECTO RÍOS: INSPECCIÓN PRIMAVERA 2021

O IES Praia de Barraña ten concedida a participación no Proxecto Ríos co obxectivo de educar no desenvolvemento sostible e sensibilizar ao alumnado da importancia de poñer en valor e conservar o noso medio natural.

O alumnado de 3º ESO de Física e Química e Bioloxía, acompañado polos seus profesores Juan e Áurea saíron ao Río Coroño durante tres horas para facer a toma dos datos correspondente á inspección de primaveira. Foi unha saída breve na que despois de percorrer o tramo de estudo observando canto era posible, o alumnado procedeu a realizar as análises pertinentes co fin de cubrir a ficha na que se reflicten tres aspectos do río: calidade hidromorfolóxica, calidade físico-química e calidade biolóxica.

Os resultados foron os seguintes:

 

1.- Calidade hidromorfolóxica:

Hábitat: a auga flúe, o nivel de auga era baixo pola proximidade ao mar e coincidir ca marea baixa e ademáis viva, a auga estaba totalmente transparente, o substrato son coídos e gravas con area e limos, a cobertura de vexetación acuática é boa e o río ten moita sombra e poucos claros. Esto lévanos a unha valoración final do hábitat boa, de 61 puntos, que se interpreta como un hábitat que pode soportar unha boa comunidade de macroinvertebrados.

Bosque de ribeira: árbores propias de ribeira (amieiro, salgueiro, loureiro, freixo, Carballo ,abedul, olmo , vimbieira, chopo).

Plantas invasoras: carballo americano( Quercus rubra), eucalipto (Eucalyptus globulus) e acacia ( Acacia melanoxylon) e a margarida africana (Arctotheca caléndula).

 

2.- Calidade físico-química. Medimos unha serie de parámetros e os resultados

foron os seguintes: Temperatura da auga 15ºC , transparencia boa na zona de mostraxe xa

que se aprecian 3 sectores, nitratos 5mg/l, osíxeno disolto de 4mg/l ,PH 6

e nivel de saturación de osíxeno ……………………

 

3.- Calidade Biolóxica: para valorala, fixámonos sobre todo nos macroinvertebrados

xa que son doados de capturar cun trueiro e son organismos bioindicadores que

dan unha idea rápida da calidade do ecosistema.

 

Identificamos: tricópteros (larvas con estuche) de tipo Limnephilidae e Sericostomidae, larvas de libélula (Libellulidae) e de cabaliño do demo (Calopterygidae), Heterópteros como o zapateiro común (Gerridae) e dípteros (Chironomidae e Simullidae).

Segundo os macroinvertebrados atopados, tendo en conta que cada familia ten

unha categoría (moi boa, boa, moderada, deficiente e mala) e que para determinar

o rango de calidade debemos atopar polo menos 3 familias representadas que

indiquen o mesmo, chegamos á conclusión de que o tramo de río estudiado presenta boa calidade tal como indican as larvas de libélulas, dos cabaliños do demo e os tricópteros.

 

Conclusión:

O río está en bo estado e así o reflexan os datos da área de mostraxe. A participación do alumnado foi moi positiva e paréceunos importante facer este tipo de actividade porque ademais de facer unha clase distinta, demostramos que ás veces pequenos estudios son suficientes para sacar conclusións importantes e tamén serven para concienciar da importancia que ten conservar o medio natural e de que somos cada un de nós quen debe facelo.

 

 

Fondo Solidario de libros de texto. Curso 2021 - 2022

 

 

PROCEDEMENTO DE SOLICITUDE DE AXUDAS

ADQUISICIÓN LIBROS DE TEXTO E MATERIAL ESCOLAR.

CURSO 2021 - 2022

NORMATIVA APLICABLE

 

ORDE do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2021/22 (código de procedemento ED330B) 

 

DESTINATARIOS

  • Alumnado de Educación Secundaria Obrigatoria.
  • Alumnado cunha discapacidade 65 %.
  • Alumnado con necesidades específicas de apoio educativo.
  • O destinatario das axudas para material escolar é todo o alumnado matriculado en educación primaria e en ESO cunha renda per cápita familiar igual ou inferior a 6.000 euros (ata o de agora o límite era de 5.400 euros), e a contía da axuda mantense a mesma, isto é, 50 euros/alumno.

FORMA E LUGAR PRESENTACIÓN SOLICITUDES

  • As solicitudes serán presentadas polos pais/nais ou titores/as legais do alumnado.
  • Única solicitude para todos os fillos admitidos no Centro.

 

                           FORMA DE PRESENTACIÓN

  • As solicitudes serán cubertas a través da aplicación FONDOLIBROS. A través dela cubrirán os datos solicitados pola Administración, gardarán o documento e así obterán o seu número de solicitude.

 

                       LUGAR DE PRESENTACIÓN

  • Presentación na Sede Electrónica da Xunta de Galicia (non precisa presentación física da solicitude no Centro) [OPCIÓN PREFERENTE]

 

  • Presentación no Centro entregando, debidamente cuberta, a solicitude xerada pola aplicación FONDOLIBROS e a documentación complementaria necesaria (Anexos I e II)

PRAZO PRESENTACIÓN  SOLICITUDES

Do día 21 de maio ao día 22 de xuño de 2021 (este incluído)

DOCUMENTACIÓN OBRIGATORIA

a)    Solicitude de participación.

b)    Anexo II.

c)    Copia do libro de familia onde figuren todos os membros computables. Nos casos en que non teñan libro de familia ou este non reflicta a situación real a 31 de decembro de 2019, poderán acreditar o número de membros utilizando, entre outros, algún dos seguintes medios:

1º. Sentenza xudicial de separación ou divorcio ou, de ser o caso, convenio regulador onde conste a atribución da custodia do/da menor.

2º. Certificado ou volante de convivencia.

3º. Informe dos servizos sociais ou do órgano equivalente do concello onde resida a familia.

Nos casos especiais, en que a composición da unidade familiar non se axuste ao sinalado no artigo 4.1 desta orde, achegarase un certificado ou volante de convivencia en que deberán figurar o/a alumno/a e todos os familiares que convivan con el/ela, ou un certificado dos servizos sociais do concello que acredite a situación familiar.

d)Certificado do grao de discapacidade do/da alumno/a ou calquera membro da familia recoñecido por un órgano que non pertenza á Xunta de Galicia.

e) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero.

f)     Resolución xudicial de incapacitación con patria potestade prorrogada ou rehabilitada.

g)   Resolución administrativa ou xudicial acreditativa da situación de acollemento ou do certificado do centro de menores, para o alumnado en situación de tutela ou garda da Xunta de Galicia.

h)  Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE.

PUBLICACIÓN DE ACTOS

Publicaranse no taboleiro de anuncios do Centro docente: a listaxe provisional e definitiva de persoas beneficiarias de libros de texto do fondo solidario; a listaxe provisional e definitiva de solicitudes excluídas, indicando a causa de exclusión; e a relación provisional e definitiva de solicitudes de axudas para adquirir libros de texto e material escolar en  que se detecten deficiencias, indicando a deficiencia detectada ou a documentación da que carezan, nas seguintes datas.

  • Publicación das listaxes provisionais:

                   07/07/2021.

  • Reclamación contra as listaxes provisionais:

                   08 e 09 de xullo de 2021.

  • Publicación das listaxes definitivas:

                     14/09/2020.

Participación do alumnado de Artes no II catálogo Ilustradas

O II Catálogo Ilustradas é un interesante proxecto promovido pola Deputación da Coruña e desenrolado pola empresa Promove a través do Programa de Axudas para a produción de proxectos singulares de especial interese cultural (2020) destinado a favorecer iniciativas que fomenten o desenvolvemento cultural da nosa comunidade e un fermoso xeito de visibilizar o traballo, en moitos casos silenciado, das mulleres galegas e un xeito máis de traballar pola igualdade.

 

Na elaboración deste catálogo participaron a totalidade dos centros educativos relacionados coas artes plásticas da provincia da Coruña e serviu como ferramenta de intervención pedagóxica en materia de igualdade entre o alumnado participante no proxecto, favorecendo non só a aprendizaxe técnica, senón tamén a reflexión e a investigación sobre mulleres para coñecer o

seu legado.

O II Catálogo Ilustradas está centrado en mulleres que naceron ou desenvolveron a súa actividade en Galicia, e que non estaban recollidas no primeiro catálogo. Mulleres do pasado ou do presente, máis ou menos coñecidas, todas elas foron fonte de inspiración para o alumnado, e este catálogo é unha homenaxe para darlles a visibilidade que merecen.

 

Das ilustracións que presentou o alumnado de 1º e 2º de bacharelato de Artes do noso centro, foron seleccionados oito traballos para formar parte do catálogo final. Rita Sánchez Dosil de 1º bacharelato E, acadou un dos premios dos patrocinadores polo seu retrato da escritora María Reimóndez.

 

Esta semana fixemos entrega do premio, os diplomas e os agasallos ao noso alumnado alumnado.

 

Os traballos presentados xunto co catálogo estarán expostos no centro. Tamén podedes consultar os catálogos I e II na biblioteca.

 

 

Admisión de alumnado no IES Praia Barraña. Curso 2021 - 2022

 

 


 

Prazo de presentación de solicitudes.

 

O prazo de presentación de solicitudes de admisión será do día 1 ao 22 de marzo, ambos os dous incluídos.

 

Lugares e formas de presentación das solicitudes.

 

 

Información xeral sobre o proceso de admisión e vacantes ofertadas.

 

          Poden lela na seguinte ligazón:

Información xeral

Prazas vacantes

 

Documentación  necesaria que se deberá entregar:

 

a) Formulario de admisión ED550B (proporcionado co impreso de solicitude de materias solicitado polo Centro)

 

b) DNI do/a alumno/a.

 

c) Se é o caso, convenio regulador ou resolución xudicial de separación ou divorcio.

 

d) Co obxecto de contribuír a unha mellor organización por parte do Centro, os/as solicitantes deberán indicar as materias que desexan cursar no nivel para o que solicitan praza. Con este obxectivo, na táboa seguinte recóllense os impresos organizados por cursos:

 

ESO BAC
 
 

 

 Prazos de publicación das listaxes de admitidos durante o procedemento de admisión:

 

            A) Listaxe provisional de admitidos/as: 16 de abril de 2021.

                Prazo de reclamacións contra as listaxes provisionais: entre o 19 e o 23 de abril.

           B) Listaxe definitiva de admitidos/as: 12 de maio de 2021.

                Prazo de presentación de recurso de alzada: un mes.

 

As listaxes deste alumnado admitido polo procedemento de admisión exporanse no taboleiro de anuncios interior do Centro para a súa consulta pública. 

 


 

 

Nota: todo o alumnado procedente dos centros adscritos (CEIP Praia Xardín e IESP A Cachada) que fixo a reserva de praza escolar entre o 11 de xaneiro e o 8 de febreiro está admitido para continuar os seus estudos no IES Praia Barraña na etapa correspondente.

As listaxes deste alumnado admitido polo procedemento de reserva de praza están expostas no taboleiro de anuncios interior do Centro para a súa consulta pública.

 

Reserva de praza para o curso 2021 - 2022

 

Procedemento de reserva de praza para o curso 2021 - 2022

Código procedemento: ED550A

 

1) Destinatarios: alumnado procedente dun centro adscrito ao noso IEs (CEIP Praia Xardín ou IESP A Cachada) que queira continuar os seus estudos no IES Praia Barraña.

2) Prazo de solicitude: do 11 de xaneiro ao 08 de febreiro.

 

3) Lugar de presentación da solicitude:

 

      A) Centro de procedencia: CEIP Praia Xardín ou IESP A Cachada. A solicitude non se presenta no IES Praia Barraña.

 

     B) Telematicamente na aplicación admisionalumnado.

 

4) Solicitude de reserva: Anexo I e Anexo I bis

 

O alumnado do IES Praia Barraña non ten que facer ningunha solicitude de reserva.

Ensino virtual IES Praia Barraña

 

PROCEDEMENTO DE ACTUACIÓN PARA O ENSINO VIRTUAL
 
 
 
1) Entrar na conta de correo electrónico persoal para acceder a todos os recursos necesarios para o ensino dixital.
 
 
2) Acceder á Aula Virtual do centro diariamente no espazo denominado "Zona do alumnado" para poder entrar en tódolos cursos nos que estades matriculados polo voso profesorado durante o confinamento.
 
 
3) Acceder tódolos días á web interna onde estarán, organizadas por grupos, as videoconferencias ás que o alumnado terá obrigatoriamente que asistir a xeito de clases virtuais e que conforman os chamados horarios espello planificados para tal situación. Nestes horarios haberá que fixarse ben en que existen clases "presenciais", identificadas cun "D", e horas de traballo individual, identificadas cun "T". As que leven a letra "D" significa que será obrigatorio asistir a unha videoclase e aqueloutras identificadas coa lenda "T" implican que non se debe estar conectado a internet senón realizando as tarefas que solicite o  profesorado de xeito individual.
 
É moi importante recordar que a  conta de correo debe estar aberta durante as sesións de traballo se non non se poderá acceder aos recursos dispoñibles en internet.
 
Nesta web interna tamén se poderá atopar información sobre as horas de atención do profesorado e do dos titores ao laumnado e ás familias así como os seus correos electrónicos.
 
 
4) Durante o desenvolvemento do ensino virtual rexerán unhas normas específicas que aparecen recollidas no documento de actualización das NOFC do centro (punto 2.6) e que deberán respectarse como se respectan as normas no ensino presencial.
 
5) No caso de que se teñan consultas xenéricas para o Equipo Directivo poderanse enviar ao correo oficial ies.praia.barrana@edu.xunta.gal. E se as dúbidas ou consultas son técnicas estas deberán ser remitidas a admin@praiabarrana.gal.
 
 
Resulta decisivo que se actúe con seriedade e responsabilidade durante o tempo que poida durar o confinamento e se teña que traballar dende a casa.
 
Deberanse seguir todos os pasos aquí descritos cando se trate tanto dun confinamento parcial como dun confinamento xeral por mor da COVID 19.
 

Procedemento de solicitude de máscaras protectoras contra a COVID 19

 

 

INSTRUCIÓNS PARA O REPARTO DE MÁSCARAS DE PROTECCIÓN

NORMATIVA:

Orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21 (código de procedemento ED330E). Diario Oficial de Galicia nº 230, do 13.11.2020.

 

DESTINATARIOS:

Alumnado matriculado en educación primaria, educación secundaria obrigatoria e educación especial:

 

a) Non ten que presentar solicitude:

 

O alumnado beneficiario da axuda de material escolar no curso 2020-2021.

 

b) Ten que presentar solicitude:

 

O alumnado que non foi beneficiario da axuda de material escolar no curso 2020-2021 que cumpra algunha das seguintes condicións:

 

• Que pertenza a unha familia cunha renda per cápita igual ou inferior a 6.000 €.

 

• Alumnado matriculado en educación especial.

 

• Alumnado suxeito a tutela ou garda da Xunta de Galicia.

 

• Alumnado cun grao de discapacidade igual ou superior ao 65%.

Impreso de solicitude

 

SOLICITUDES:

FORMA DE PRESENTACIÓN: presencial no IES Praia Barraña.

 

PRAZO DE PRESENTACIÓN: do 16 ao 27 de novembro de 2020.

 

 


AVISO IMPORTANTE


 

 

1) A listaxe definitiva de alumnado que ten dereito a que se lle entreguen máscaras de protección está exposta no taboleiro interior do centro.

 

2) O reparto de máscaras realizarase á volta das vacacións de Nadal. A Vicedirección do centro informará a este alumnado sobre a forma e o momento de recollida das máscaras de protección.

 

Distribuir contido


by Dr. Radut