Skip to Content

Lingua Castelá e Literatura

DEPARTAMENTO DE LINGUA CASTELÁ E LITERATURA

PROFESORES:

  • Silvia Hermo Lampón (Xefa de Departamento)
  • Juan Carlos Couto Vázquez
  • Andrea Herrero Pérez

MATERIAS:

  • Lingua castelá e literatura: 1º,2º,3º e 4º ESO
  • Lingua castelá e literatura I: 1º BAC
  • Literatura Universal: 1º BAC
  • Lingua castelá e literatura II: 2º BAC
  • Artes Escénicas: 2º BAC

 PROGRAMACIÓN ANUAL DO DEPARTAMENTO:

  • Enlace ao documento en PDF

Cistite berrou AH! no Teatro Principal.

Aínda seguimos soñando. O venres 3 de maio, CISTITE TEATRO- o grupo de escénicas do IES Praia Barraña-, fixo o seu debut na 20 Mostra Intercentros que se celebra en Santiago de Compostela. Cistite Teatro pisou o Teatro Principal con AH! un berro desgarrado contra o pensamento único, a rixidez ideolóxica e o acoso co que pretendemos remover as tripas dos que nos escoitan. 

Ah! é o resultado dunha viaxe tan dura no emocional e no material como reconfortante. Para construir Ah! loitamos contra nós, con nós e tamén contra as carencias que presenta o noso centro. Unhas dificultades enormes ( carecemos dun espazo propio, dun escenario, de iluminación, de almacén, de vestiario...) que nos fixeron dubidar a aceptar a participación na Mostra de Intercentros que chegou da man dun querido compañeiro que confiou en nós. Dubidamos pero a emoción e o convencimento de que o que levabamos construíndo dende o mes de outubro podía saír do noso rincón levanounos a coller os bártulos e planear o noso aterraxe na capital. Tiñamos dúas semanas para adaptar a nosa underground proposta ao Teatro Principal. Uff! Díficil. Pensámolo, abrazámonos e berramos Ah! coa dignidade do minorizado, da resistencia e da rebeldía. Alá fumos coa nosa cama, as nosas xaulas e un subidón que nos facía rir, chorar e volver a rir. Un clásico en CISTITE; a emoción a flor de pel. Sempre.

Chegamos a  Santiago de Compostela. Xoves, sol e vertixe. Uha hora para a montaxe, para coñecer o espacio, aos técnicos e equilibrar emoción e concentración. Conseguímolo. Ao día seguinte actuaríamos no Teatro Principal. No medio unha noite de conversas nun albergue. O venres, as 10:30 abrimos portas. No público, alumnado de Rois, nais, pais, amigas, amigos, antigos estudantes do insti que nos quixeron arropar. Sentimos o calor e subiuse o telón. Comezamos cantando Medo e saímos berrando Ah! alto e forte. Con rabia e emoción. Dende CISTITE ao mundo.


 

 

Charlas do escritor basco Jon Arretxe

O pasado xoves 25 de abril pasou polo noso IES o escritor de novela negra Jon Arretxe no marco da primeira edición do proxecto denominado Barraña Negro, unha actividade que pretende dar a coñecer este tipo de novela á comunidade educativa e establecer vínculos con escritores e escritoras deste tipo de literatura.

Os encontros do autor comezaron a primeira hora da xornada dándolle a coñecer a este os gravados que o alumnado do 2º de Bacharelato de Artes creou para a ocasión, inspirándose na trama da novela 19 Cámaras.

Un pouco máis tarde Jon presentou ao alumnado de Literatura Universal a súa primeira entrega da denominada saga "Touré", unha serie de novelas protagonizadas polo detective - vidente negro, chamado Touré, que desenvolve as súas pescudas na cidade de Bilbao e, máis concretamente, no barrio de San Francisco.

A media mañá o escritor puido coñecer tamén os traballos de investigación e crítica elaborados polo alumnado que participou nos encontros e relacionados cos principais temas que desenvolve 19 Cámaras.

A xornada de encontros concluíu coa charla - tertulia que se produciu entre o creador da saga literaria e todo o alumnado e profesorado que forma parte do Clube de Lectura do IES Praia Barraña.

Sen dúbida resultou ser un día moi fructífero e ameno e no que, tanto escritor como asistentes ás súas charlas, gozaron intercambiando impresións e opinións sobre literatura negra.

Ah! O noso cartel

Mónica de Nut. Máis que un obradoiro de técnica vocal.

19/01/2018 10:00
Europe/Madrid

 

Dende as materias de Teatro e Artes escénicas pareceunos imprescindible iniciar ao noso alumnado á técnica vocal así que pensamos que a artista e profesora Mónica De Nut sería unha boa idea.

O xoves 18 de xaneiro non so o confirmamos, senón que asistimos a un obradoiro de voz que foi moito máis que iso. Vintecatro estudantes de Bacharelato compartiron con Mónica de Nut aprendizaxes téoricos frecos, divulgativos e nada pesados; aos que lle seguiron exercizos físicos e de experimentación vocal cos que nos deshibimos e descubrimos que, efectivamente somos instrumentos de vento con aire dentro.  Houbo risas e ninguén con ganas de marchar; concentración máxima.  Despois, ela no teclado e nós na búsqueda da nosa voz. Tarefa difícl.  Somos máis agudas que graves? A que notas podo chegar?. Mil preguntas; seguiamos abrindo fiestras.  

Despois de tres horas de traballo tocaba disfrutar. Mónica de Nut dendo o escenario compartía a súa paixón polos cachibaches electrónicos, pedaleras e amplis para seguir xogando con este instrumento que levamos dentro. E así entre cables e  música eléctronica Mónica de Nut colleu de maleta e  iniciou sen darnos conta unha performance hipnótica, unha viaxe ao lírico, ao canto difónico gutural, á música tradicional, a búsqueda de novas sonoridades; viaxamos a Portugal, a Italia, a Mongolia; sufrimos de amor e de rabia. Haberíamos de felicitarnos pola nosa resistencia, dicía en loop unha Mönica de Nut entregada sen reservas a un público adolescente que se emocionou; houbo lágrimas e un silencio tan poético como esperanzador cando día tras día convivimos rodeados dun ruido que nos alonxa. 

Foi especial. Foron catro horas nos que vintecatro adolescentes experimentaron con contidos que os mass media  desterrran. Hai vida moito máis alá dun talent show e, ademáis de enriquecedora, é entretida. Cultura e  entretenemento, será tan difícil ?

Un pracer. 

( en breve teredes rexistro audiovisual da experiencia)

 

Viaxe cultural a Toledo, Almagro e Madrid

Os alumnos de 1º de Bacharelato de Humanidades, Ciencias Sociais, Artes e algún de Ciencias viaxaron os pasados días 07, 08, 09 e 10 de maio a terras castelás para gozar dunha viaxe cultural cuxo principal obxectivo foi asistir a unha representación teatral no Curral de Comedias de Almagro.

Os trinta e catro alumnos participantes, acompañados por dous profesores do Centro, puideron coñecer o casco histórico de Toledo e todo o seu pasado literario e lendario a través dunha ruta nocturna que fixeron o domingo día 07 de maio.

Ruta_nocturna_Toledo

Asemade, o luns 08, desprazáronse ata a vila de Almagro, visitando a súa praza, coñececendo o seu emblemático curral de comedias, o máis importante vestixio conservado do teatro do século XVII,e asistindo á representación teatral do clásico de Tirso de Molina "El burlador de Sevilla".

Corral_interior

Praza_Almagro

 

 

 

 

 

 

 

 

 

 

O martes 09 viaxaron a Madrid e, ademais de poder coñecer o centro da capital, puideron facer unha visita guiada ao Museo do Prado, na cal se lles fixo unha revisión da mitoloxía clásica a través da arte.

Museo_Prado

Por último, o mércores 10 de maio, na viaxe de regreso a Boiro fixeron parada na cidade de Segovia onde visitaron o Acueducto, a Catedral... e asistiron a unha exposición na "Casa del Siglo XV",onde puideron ver unha mostra de pintura, escultura e libros de artista.

A viaxe resultou moi interesante e intensa e favoreceu o contacto directo do alumnado con expresións artísticas coma o teatro, a pintura ou a escultura nos lugares onde realmente cobran vida coma os museos ou os teatros, alén dos libros de texto e a realidade cotiá da aula.

Distribuir contido


by Dr. Radut