Bo día a tod@s! Hoxe estamos de celebración, pois por fin volveron os maiores do centro de día a visitarnos ao centro despois de tanto tempo!
Como non podía ser doutra maneira, a brigada Hortícolas xunto coa Asociación AMICOS démoslles unha calorosa benvida, ensinándolles os avances no noso horto. Por outra banda, contamos coa súa grande axuda para darlle o toque final ás nosas rodas, as cales farán de varanda do horto.
Por último, deixámosvos unhas fotos do marabilloso día que pasamos.
Bo día a tod@s! Nesta ocasión queremos recordar aos nosos maiores do centro de día de Boiro, quen debido á situación provocada pola COVID-19, aínda non puideron ter a oportunidade de volver visitarnos e iluminarnos coa súa compaña e coñecementos.
Non obstante, sentímolos moi preto de nós e estanse encargando de maneira excelente de facer un espantallo ben xeitoso para o horto.
Para non perder o vínculo que nos une, compartiron connosco un vídeo no que se fala tanto de chsites coma de refráns típicos nestas datas onde todo é filloas, orellas, peliqueiros, pantallas, festa e disfraces.
Bo día a tod@s! Desta volta imos mostrarvos a nosa última idea: pechar o horto con neumáticos!
Grazas a Andrea, coordinadora deste proxecto e directora do noso instituto, puidemos facernos cuns neumáticos ben xeitosos para usalos a modo de varanda, nos cales primeiro pasaremos unha capa de pintura para que queden ben fermosos e, despois, decorarémolos cunhas plantas ornamentais no seu interior.
Para elo, na xornada de hoxe dedicámonos a limpalos para poder poñernos mans á obra con eles canto antes, xunto coa axuda dos nosos incombustibles compañeiros e compañeiras da asociación AMICOS de Boiro.
Aquí vos deixamos unha pequena mostra do traballo realizado.
Bo día a tod@s! Nesta ocasión, compartimos convosco un vídeo no que a nosa brigada desenvolve os seus coñecementos para que poidades elaborar o voso composteiro nas vosas casas.
Entre outras cousas, explicamos que é o compost, para que serve, os seus beneficios, e tamén como elaborar un composteiro caseiro na casa.
Coma sempre, clicade na imaxe e pdoeredes ver o vídeo.
Bo día a tod@s! Despois de moito traballo inauguramos a sección de Hortícolas cun vídeo no que mostramos todo o que traballamos á volta do Nadal, para poñer de novo o horto a funcionar.
Nesta ocasión preparamos o noso composteiro para poder ter canto antes o compost, onde contamos brevemente o que imos facendo.
Por outra banda, plantamos novos vexetais, como allos, leitu
gas, cebolas... coa axuda dos nosos camaradas da asociación AMICOS de Boiro.