O martes día 28 de abril ás 16:00 horas terá lugar unha xornada de introdución ao funcionamento da Aula Virtual do Centro dirixida ao profesorado.

A razón de convocar esta xornada é mostrarlle ao profeorado tódalas posibilidades que ofrece a Aula Virtual como plataforma de organización do curso e de traballo durante o mesmo, así como animalos a que empecen a empregala de forma regular.

A sesión durará aproximadamente dúas horas e media e será case na súa totalidade práctica. Ensinarase, entre outras cousas,  como crear cursos, matricular alumnado, subir material (arquivos de texto e imaxes, vídeos, arquivos de son, etc.), poñer ligazóns a páxinas web, realizar actividades en liña, cuestionarios, actividades de avaliación, etc.

Recollemos da Rede algúns documentos relacionados coa disrupción na aula e os enfoques que se seguen para evitala.

Na avaliación diagnóstica sobre a convivencia, realizada no pasado curso aos profesores, a disrupción aparecía como principal problema que afecta á dinámica académica. Agardamos que estes documentos vos poidan aportar algunha solución de interese.

Coa finalidade de seguir ofrecendo ao profesorado materiais  para abundar na formación sobre aspectos relacionados coa disciplina, a convivencia, a mediación e a resolución de conflitos; traemos un novo PPT de Isabel Fernández García de Baracaldo, adaptado e traducido ao galego pola Comisión da Convivencia do IES Laxeiro.

Desde a Comisión da Convivencia queremos ofrecer ao profesorado materiais que fomos recopilando (PDFs, documentos Word, PPTs) que poidan servir para atender as demandas de formación (como se deduce das enquisas que se presentaron ao profesorado para valorar o estado da convivencia no centro) en aspectos como a resolución de conflitos, a mellora da convivencia no centro e como evitar a disrupción.

O Power Point que adxuntamos foi elaborado por Isabel Fernández García, profesora de Baracaldo e traducido ao galego na Comisión da Convivencia.

Seguro que algunha vez tivestes a necesidade de crear un arquivo pdf a partires dun dos vosos documentos. Este minitutorial explícavos brevemente como se pode facer isto de forma sinxela.

O martes 10 de marzo, ás 11,45 horas, no Salon de Actos do IES Laxeiro, Xaime López "Chispón" (ex-alumno do Laxeiro) presentará o proxecto Unidos por el Flow.

Neste buzón recolleranse queixas e suxestións para a mellora da convivencia.

  Obxectivo: Manter activo un termómetro que mida o estado da convivencia no Centro ao longo do curso. Que sirva de canle para vehicular as suxestións de alumnos, pais e profesores en aras de mellorar a convivencia na comunidade educativa.  

Ubicación: Un buzón en cada vestíbulo (Pavillón A, pavillón B)

SUXESTIÓNS: Poderán ser anónimas ou firmadas. En calquera caso garántese a confidencialidade.

REVISIÓN DE NOTAS: Tres profesores membros do Grupo da Convivencia serán os encargados de revisar quincenalmente as notas que aparezan nos buzóns.

Esta terna será revisable anualmente.

Actuarán como filtro e comisión para trasaladar as suxestións a quen corresponda. Redactarán unha nota na que se recollan as principais suxestións e as saídas que lles buscaron.

Esta nota expoñerase quincenalmente nos taboleiros de alumnado e profesorado.

A Comisión desestimará aquelas suxestións que resulten ofensivas ou lesivas de calquera dereito das persoas.

Difusión: Deste buzón darase conta a alumnos (a través dos titores) e pais (por medio das ANPAS) do seu funcionamento e finalidade.

A primeira tarefa que nos propuxemos, unha vez constituída a Comisión da Convivencia, foi realizar un estudo-diagnose do estado da Convivencia no Centro. Para iso decidimos consultar manuais, páxinas web de varias Comunidades Autónomas (Galicia, Aragón, Castela-León, Andalucía…), o Plan Valora, etc.  e elaborar unhas enquisas dirixidas ao alumnado e ao profesorado para avaliar os diferentes aspectos da convivencia desde as diferentes ópticas dos principais axentes que interveñen no proceso educativo.

Ao longo do curso reunímonos cunha periodicidade quincenal e, ás veces semanal, para redactar, corrixir e consensuar as cuestións que se ían plantexar.  Posteriormente traballamos na tabulación e valoración das enquisas.

Os tipos de enquisas que lles presentamos a alumnos e profesores, os resultados das mesmas, así como a valoración dos datos obtidos, quedan recollidos no documento Word que se adxunta.

1. Seleccionar aqueles ámbitos do PAT que máis inciden na convivencia e revisar a súa adecuación.

2. Velar pola incorporación e tratamento no PAT de contidos relacionados coas habilidades sociais, a intelixencia emocional, a autoestima, a resolución pacífica de conflitos, a mediación e dinámicas de grupo.

3. Colaborar na dinamización do plan de convivencia xunto co Observatorio da Convivencia do centro.

4. Formar parte do Observatorio da Convivencia do centro.
5. Coordinar actuacións no centro, a realizar desde a titoría, promotoras de valores democráticos de convivencia, de negociación e diálogo e de cultura de paz.

6. Colaborar co departamento de orientación no deseño e desenvolvemento de programas facilitadores da detección de dificultades de convivencia e de relación.

7. Realizar un informe trimestral, logo das sesións de avaliación sobre o estado da convivencia, con propostas de mellora en función dos logros acadados e das dificultades existentes.

8. Promover a participación das familias informándoas e asesorándoas, en especial no relacionado coa convivencia democrática.

9. Valorar as posibilidades de colaboración con organizacións, institucións e colectivos do contorno que poidan completar e reforzar o traballo de centro.

Ás veces somos un pouco reacios a incorporar as novas tecnoloxías á nosa práctica docente. Aquí tedes un exemplo moi ilustrativo.